加油啊巴打
好記得以前中學佔中嗰期阿媽就發現有肺癌
太遲發現發現嗰陣已經係末期
知道嗰下世界好似冧晒咁
嗰陣時我細個唔識諗 成日要阿媽安慰返我轉頭
仲有明明好擔心佢 又唔夠膽問佢 因為驚會聽到更加差嘅消息 唔夠膽表現到我其實好着緊佢好愛佢
依家諗返都好後悔 佢一定唔知我嗰陣諗咩
後來去到魚革嘅嗰個新年佢就唔喺度喇
又係入院例行檢查 跟住唔知點解要佢留院
跟住情況就惡化又係要打嗎啡止痛
捱左唔夠一個星期走咗啦 新年都過唔到
到走之前我都好似從來冇同佢講過我愛你
真係好遺憾
不過佢離開咗個下我反而覺得容易接受過知道佢有癌症果下 見到佢咁辛苦我仲傷心
點都好啦 有咩真係要講出口阿巴打