LIHKG 箍牙集中討論區 42

箍牙Q&A credit to 施華朗尼馬達巴打
歡迎一齊集思廣益

Q：想箍牙，搵邊個好？
A：一般建議普通科牙醫或者牙齒矯正科專科。
名單呢到有：
https://www.dchk.org.hk/tc/list/list.htm

Q：普通科同專科有咩分別？
A：專科醫生成為普通牙醫後要進修多最少六年，可以處理複雜既牙齒問題，收費亦較貴。

Q：箍牙一般有咩種類揀？
A：主要有傳統或者透明(隱適美)。

Q：治療費大約幾多，包左D咩？
A：
普通科 - 傳統約$30000起，透明(隱適美)約$40000起
普通科收費一般已包括治療前X光片及牙模，箍牙費，一副固定器，箍牙所需之相關牙科費用(例如：剝牙、補牙、洗牙等)
專科 - 傳統約$50000起，透明(隱適美)約$50000起
專科收費一般只包括治療前X光片及牙模，箍牙費，一副固定器
**個別醫生收費會有不用，詳情請向診所查詢

Q：想開始箍牙、療程係點？
A：首次諮詢(免費至過千元，部份會於治療費扣除) > 制作矯齒記錄包括X光片、相片及牙模(一千至數千元，一般可以於治療費扣除) > 醫生提供治療計劃(免費) > 展開療程

Q：廿幾歲先黎箍牙，會唔會太遲？
A：唔少人都係呢個歲數先箍

Q：有咩醫生、診所要小心？
A：康齒堂、網上遙距箍牙、淘寶

感謝「中國是日本的」巴打提供以下菲臘牙科教學病人資訊

我分享一下一個新手係菲臘箍

上年年尾就收左我
（我係無refer.係見到佢網上話收症9衝去send email既）

但我之前係佢度mock過一隻打平橫生壓住神經線既智慧齒，都係晨早流流去排，結果都係收既

第一次去就會話你知收唔收你
（收你既下次要比幾千蚊.如果你做既會扣返）
去照個x光，影下相左右面骨大小有無問題，做個牙模

第二次隔左一個月左右啦.叫你返去睇模同講下點同你做

首先我case 佢話本身唔係好嚴重既，但係我牙腳短
正常人有12mm ，我得8mm （最多只可以縮2mm）
姐係6mm所以我就變到好麻煩同要慢慢做

另外有倒及牙，中線唔正，門牙隔離左右兩隻都縮左入去
同牙較有問題（呢個真係個陣先知）

聽到咁樣都已經收得皮其實..

講完一堆你既問題就同你講點做，同幾耐

我case 佢要我mock我 mock 4 隻(本身已經mock左4隻智慧牙）
mock個 4 隻仲要唔係上下對稱既
上面就mock 門牙左邊第三隻 ， 右邊第三
下面就mock門牙左邊第4隻 ， 右邊第4隻

我當時有問醫生你唔係叫我mock上下對稱怕唔怕明顯大細唔同，佢話唔會

黎到戲肉幾錢呢？
二萬五！但唔包mock牙要自己出去mock
但要搞3年至4年

佢比左幾分鐘你諗做定唔做
我一講完做諗住下次先黎料
點知唔係就即刻落藍色膠圈
好好彩個朝有食早餐.酸軟左成兩個星期，我仲好記得一星期後新年
同屋企人拜年食飯，食個麵差d濁親

我都唔知係我衰定醫生落得太淺，原定一個月後返去上箍，點知第三個星期甩左個，我淆到仆街，9秒9 text個醫生甩左點算

佢話你一個無問題同差唔多返黎上箍可以不用理會
點撚知跟住話支那肺炎停課，無得返去搞都算

8個膠圈甩9哂，呑左落肚會諗至少 3個
同佢講啦佢話覆診前早一星期返去落返就可以

跟住佢其實send左信比我，叫我去mock牙好撚彩無一早mock，如果唔係個4個窿

到宜家有半年年頭話做..到宜家都未做
到下星期去上箍，我真係希望順順利利上到

有幾樣野想話比想去菲臘牙科睇既人
第一
係咪一定要refer先可以去做？
唔係！我係2019年12月見到佢網到話收症即9秒9申請，大概兩個星期至3個星期有人打比你同你約幾時間

第二
唔好諗住你想幾時睇就幾時
因為醫生要同教授夾時間，同埋佢會問你下次幾多號得唔得，個日唔得就要再下個月，你睇開星期三就每個月某個星期三既上午
所以時間方面自己衡量一下

第三
價錢幾錢？
每個人唔同啦，但決定左做既之後個次比要幾千蚊，
同大概第三次就比半數但會扣返之前個幾千蚊，之後每次覆診都係比一千

第四
箍牙費包唔包mock牙？
係唔包既，我就問過幾間mock牙都話400-800不等一隻未計咩檢查費乜乜柒柒
最後我2100四隻包檢查包麻醉包藥

有咩問題我盡量解答啦關於係菲臘牙科做教學病人既野

箍係鐵粒上的小橡筋甩左怕唔怕？

留名

1，2個無乜野

Lm

你想幾年後又比多舊錢出黎重箍可以唔戴

再諗吓諗吓，去到40歲就會後悔30歲做乜唔做。
當30歲仲有呢個諗頭，就去做啦

Consult咗兩個專科牙醫
一個話好複雜同埋要箍傳統
另一個話唔複雜可以用Invisalign
兩個propose剝唔同嘅牙
唔識揀黎緊諗住睇多個

諗住箍傳統
有冇師兄分享吓箍牙一開始要準備定幾錢
學生哥儲緊錢想快啲cool

唔該晒師兄

都要視乎你睇專科定普通
同埋會唔會去幾間唔同嘅consult
個人覺得預多少少會好啲
Around $15k-$20k

屯天元有冇人有推介
元朗鄧景豪好多人 full曬booking
學生哥budget得4萬零

我係兩邊虎牙加下顎兩邊第二隻大牙瞓低咗
A醫生話剝4隻大牙用braces箍智慧齒上黎+箍返齋前面
B醫生話剝4隻智慧齒 可以用Invisalign箍起兩隻大牙+磨牙 留位俾虎牙

但A醫生到要照埋CT $5000先有真treatment plan
B醫生唔洗 有無巴絲箍牙有照CT？

個人感覺A醫生要求高啲會箍得靚啲
但B醫生話唔複雜 好似有信心啲 加上佢個treatment plan剝智慧齒好似好啲

開始左箍牙半個月
D牙終於唔痺 食到野
不過重係好唔慣食完野KICK上係個箍上面
次次都NEW到勁多食物殘渣出黎

有深咬同前排啲牙有啲亂黎緊箍隱適美，岩岩睇咗片，因為脫晒智慧齒，唔使脫牙又唔使磨牙，牙醫話將啲大牙移後就夠位排返整齊，真係估唔到，一直以為點都要磨少少

其實大家會唔會sick leave去覆診？

想知道大家上箍前幾耐會洗牙？
係唔係落藍色粒粒之前就已經要洗好？