是咁的，我同女神做咗鄰居(竟然開到二呀呀呀)

我把相簿收好，藏在了一個不會比啊童發現的地方。

時間到了八月廿八日，我把相簿拿出來作最後的檢查，翻閱了一遍。

看著看著，突然覺得好像缺少了甚麼似的，於是我又把數十張照片都拿出來，

在其背後寫上攝下的日期，當時正在做甚麼等細節，好讓啊童能回憶起。

寫完後，我便將它們按時序放回去。

我滿意地點了點頭，然後便把它放進一個小袋子中。

「叮」電話震動了一下。

我描了一描電話，是啊童傳來的訊息。

童：出得門口未呀？

我沒有回覆她，而是拿起背嚢穿上鞋子走出門外，打算直接按下她家的門鐘。

怎料她原來已在我家門外伸手打算按門鐘，卻被突然打開門的我嚇得止住了動作。

我倆雙視一笑，然後便出發去回會合他們。

我們先是在學校會合，因為我們回到家後才發現原來我們忘記了在校門外拍照，

於是我們便回到校門，在寫著學校名的牆壁處打算拍張照片以作紀錄自己曾在這裏讀過書。

之後我們就去了那間港式快餐店吃午餐，作為我跟啊童失去初吻的地方，這間餐廳可是十分有紀念價值。

最L衰都係班仆街，好地地玩乜柒真心話大冒險啫。

「一陣去邊呀咁？」我問。

無L錯，班仆街約出嚟係唔諗有咩活動嘅。

「不如我地去影相，買部平平地一次性百幾蚊嘅菲林相機嚟影下相？」Suki提議。

「去邊度影先得㗎，地點先係重點ok？」我問。

「就去海旁啦！又靚又方便我地影相。」啊童興奮地說。

「仲玩唔玩Truth or dare呀？」魚蛋突然插嘴問。

「妖又玩，記唔記得上次係度玩完發生咗啲咩事呀on9？」我盡量止住內心的憤怒問。

「嘢又唔可以咁講，如果唔係我地，你等到幾時先錫到你個『啊童』~吖，上次都叫做幫咗你啦。」他回應。

「駛鬼你幫咩，上次你幫完之後你知唔知我搞咗幾耐先氹返佢呀，真係麻L煩。」

「你話邊個麻L煩呀！」她不滿地在我耳邊嚷道。

「話佢囉。」我保持鎮定向著魚蛋一指，完美化解了一場危機。

怎料她在得知答案後仍然大力打了我一下。

「咁都打！？」我愕然地看著她。

「諗住呃我你話抵唔抵打吖？」她把手微微舉高，只要我的回答稍不如她意，她就會打下來。

「抵抵抵，抵打抵打，放返低隻手先。」我一邊說一邊伸手把她的手按下來。

「好Sweet呀~真係甜死人喇。」目睹我們互動的Suki裝作羨慕說。

「收皮啦你！」我對她說。





跪求大家Follow我既IG: MaanYin05

睇咗咁耐覺得你真係好廢