居屋2020（15）

應該今日第8粒波頭開始揀

小弟上個禮拜最後都係買左火3
主要原因都係大 之後都買少見少
加上我簡果時馬真係冇咩心儀單位

星期六再次去火炭實測 60k小巴基本上係車等人 全程10分鐘到沙田

純個人分享 俾大家多個選擇當馬2心儀單位冇晒

購物配套：
基本上基本需要都叫做可以依靠駿洋商場（百佳同街市）
目測街市物價比舊式街市貴少少 而且街市算迷你 但有幾個魚肉菜檔同凍肉鋪 都叫有得簡下

假日需要可以搭十分鐘小巴落沙田
所以只要將主要生活圈由火炭變成沙田 成件事就唔太難接受

交通配套：
1.基本上如果你係去荃灣 將軍澳 沙田等為見的地 駿洋個巴士站滿足到你 （仲有架過海巴士）
2.如果上面冇你既目的地可以坐十分鐘小巴到沙田 將沙田當作二段起點 即係由沙田去你目的地再加10分鐘就係你返工車程（不包括係沙田等車時間）
3.自問想出身汗都可以直接行去火炭火車站 需時約20分鐘

娛樂配套：
係零 因為工廠區 所以要運動場做運動就搭小巴落沙田做 做完再搭返黎

但一般家庭樂運動 即係打下籃球同羽毛球 駿洋商場頂層都叫做有個小型場地

周圍環境：
小弟馬安山同火炭都去過2次以上 2次都係覺得附近一樣咁多蚊 所以蚊數量主觀覺得都係嚴重（真正情況可能可以上返政府網頁查返）

火炭暫時附近個衛生環境比較惡劣 因為可能未有人入住 下面工廠維修車場周圍垃圾 斜路又多雜草 不過希望入住之後會有少少唔同

火炭同馬安山各有好壞 要知道自己需要先可以確定邊個先係心儀單位

都係果句 打呢篇野唔係為擾敵（樓已買 錢已俾） 純想俾仲係心大心細緊馬好定火好既買家 一個其他買家既意見

多謝分享

今日約有190位家庭申請者獲邀揀選居屋單位，有108位家庭申請者到樂富的客戶服務中心揀選居屋單位，其中有98個單位獲選

廢老隊浪費時間
仲有380個單位啊

彩禾苑 去駿洋邨 其實係唔係得一條山路？ 又無天橋？
又無直車去彩禾苑？
晚晚860戶人，都要行上山？
車位又得幾十個。

夏天日日行五分鐘上山， 都幾痛苦。
退休都死， 點買餸？

到時就好睇囉
翻炒wm

望下前幾頁幅圖
已經每日叫幾百個綠長
但都仲未追到白表個購買數

上幾期綠核水尾 聽聞一日叫二千個去的

買左就係最好

駿洋商場頂層好多支那人，真係不了

我都想要火3，不過到我可能無

師兄 想請教下
彩禾苑 去駿洋商場 其實係唔係得一條山路？ 無天橋？
又無直車去彩禾苑？
日日都要行上山？
如果放假想食個茶記 都要落雨行山？
晚上8點 食個大家樂要行山路？

夏天日日行五分鐘上山， 都幾痛苦。
退休都死， 點買餸？

唔該你去下實地考察下啦
彩禾苑行去駿洋商場一分鐘都唔洗

另外想講少少廢老心態，佢哋目標係近地鐵站大過一切，只要近，連馬1高層都會照殺，如果搏緊火3或者馬2嘅白核，應該要老老實實咁去現在實在睇下，而家唔係買菜，上嚟睇人講乜，不如自己一家大細去望下，我肯撚定你會有唔同諗法！

如果係方便優先就最好

世一兩房放題








鬼叫我窮

俾錢果時房處職員話律師28日內就會搵我之後會俾14日時間我搞店晒堆印花稅等文件

點知我星期五買 佢下星期一就搵我 心諗呢間律師樓一係高效率 一係冇客人 28日變一兩個工作天就搵我

順帶一提 我貪方便 用左佢房處律師算 以彩禾苑為例 佢收5800律師費

答返個問題先 律師叫我7月中就要上去律師樓搞晒手續 包括按揭

其實佢有條樓梯落下面間工廠位置 所以唔算得一條山路
其實彩禾位置唔算好 但唔算係最閪 起碼有小巴連接沙田

同埋落駿洋果條斜路唔洗行5分鐘 2-3分鐘就落到駿洋商場街市或者小巴站 退休人士如果腳唔方便的確要諗諗彩禾呢個位置 但一般退休人士腳叫行得正常的話 其實唔覺得係咩問題

都叫行倒去
火炭世一都要搭多程車

呢個真 不過鑽石山同馬安山都一樣有支人 只係冇駿洋咁多
利申：成日行荷里活都聽到普通話

目標aim鑽1/馬2..所以放棄了
本身住緊港島 又港島返工
再等下算

巴打咩號碼 彩禾4室雖然2房但其實都幾大 同3房相差幾十尺 暫時睇個勢會落到核心家庭簡