#50
阿堅拿開眼鏡,匆匆揉揉眼睛,復又把眼鏡戴上︰
「佢一直都好想,返翻去會考之前咁,三個人有同一個目標,三個人都係好朋友……因為咁樣,佢謝師宴嗰時先至咁努力,做咗咁多嘢,甚至自己明明無錯,都走去同你道歉……點解你要破壞佢嘅希望?」
想起那些前塵往事,我心中一痛︰
「佢根本係誤會咗我份卷嘅意思!同埋,我明明見到佢將份卷當垃圾咁掉,點、點會……」
他從咽喉深處苦笑︰
「你係咪傻架?佢當垃圾咁掉?你知唔知佢跌咗份卷落啲泥度,即刻撲過去執返,一路係咁抹,一路喊住問我,究竟邊度先會有時光機,點樣先可以返轉頭……我……我拎住紮花,佢掂都無掂過……」
. . . . . . . . . . . . . .直入式廣告. . . . . . . . . . . . . . .
.
.
. ❤七年後,我再遇上雨傘的主人︰
http://bit.ly/2pZtsYO
. ❤第二次初吻︰
http://bit.ly/2qxnzoo
. ❤六年前,天使可能會微笑︰
http://bit.ly/2pZAM6C
. ❤短篇系列︰
http://bit.ly/2gDufh5
.
. 👉IG歡迎DM︰ morning_rays
.
. . . . . . . . . . . . . . . . . . . . . . . . . . . . . . . . . .
阿堅的話音漸漸飄遠,我腦海中再次浮現那個七彩花田。
在我記憶的末端,華小姐的連衣裙靠到阿堅懷裡,88年試卷(改)掉到泥土上,讓我不忍再看,轉身跑走。
假如阿堅說話屬實,當時她正崩潰痛哭。而當她發現試卷掉了,她馬上撿回來,痛惜地擦拭……
如果我當時不是那麼衝動,我就知道她的心情。
如果我知道她的心情,我就不會誤信阿堅跟她一起。
如果我知道阿堅失敗,我早就跟她坦言自己的心事。
如果……
但這些如果都沒有發生。
於是,她帶著誤會寫下了「除了時光機,別無他法」這篇blog,寧願一切都沒開始過……
.
我在悲傷的假設中回過神來,阿堅還在喋喋不休。
我甚至聽不清他說的話,只有複雜的情緒如漩渦般奔流,我再也忍耐不住,沖著他大喊︰
「喂!你仲想我點呀?我已經好辛苦架啦!一開頭你話中意佢,我咪已經即刻讓畀你囉!我又唔敢見佢,又唔敢同佢講嘢,我係為咗邊個呀?我畀佢誤會都一直唔出聲,你以為點解呀?如果唔係為咗你,我一早……講到尾,我都係為咗畀機會你咋!」
阿堅衝過來抓住我的衣領,雙眼彷彿噴出火來︰
「為咗我?你都幾好笑!我一早問過你架!如果你真心中意佢,我寧願你一早同我講清楚,好過畀人當傻仔啊!」
「得個講字啦你!你咁緊張佢,我邊敢講呀?就算我講咗,你咪一樣狗衝去表白!」
「你唔好亂講喎,我先唔會好似你咁!」
.
阿堅用力拉扯我的衣服,我抓住他的身軀試圖推開他,糾纏中我漸漸失去平衡,被他雙臂用力一推,重重把我撞在天台出入口的鐵門上,發出轟的一聲。
我後背一痛動彈不得,只見在鐵門細窗滲進的白光裡,他眼神如看著老鼠般鄙視我︰
「你聽住,我同你唔一樣!我決定同佢表白,係因為嗰晚佢見到你同Suki喺氹氹轉之後,佢唔出聲咁喊到返屋企……我只係想畀佢知道,仲有人識得珍惜佢!」
我熱血上湧,手臂一揮打中他下巴,他的臉一歪,眼鏡飛出去掉到地上。我乘機推開他︰
「我唔好講到我一手造成好喎!你以為我想搞成咁架?」
他再次撲過來抓住我的衣衫︰
「唔係你,又點會變成咁啊!」
.