#52
我跑進他住的大廈,管理員認得我放我上樓,我坐電梯到他的樓層,瘋狂按門鈴。
門打開,阿堅媽咪看到我的模樣,一臉錯愕︰
「……翔仔?你……你無事嗎?我開門畀你入嚟。」
「Auntie,唔使客氣,我、我想搵阿堅!我有啲嘢同佢講,佢喺唔喺屋企?」
「佢喺度,我叫佢啊。」
. . . . . . . . . . . . . .直入式廣告. . . . . . . . . . . . . . .
.
. 👉追故先like & 搶先看︰
http://bit.ly/2o9xJHb
.
. ❤七年後,我再遇上雨傘的主人︰
http://bit.ly/2pZtsYO
. ❤第二次初吻︰
http://bit.ly/2qxnzoo
. ❤六年前,天使可能會微笑︰
http://bit.ly/2pZAM6C
. ❤短篇系列︰
http://bit.ly/2gDufh5
.
. 👉IG歡迎DM︰ morning_rays
.
. . . . . . . . . . . . . . . . . . . . . . . . . . . . . . . . . .
阿堅媽咪打開了鐵閘,但我只是站在門外等。
屋內傳來幾句對話,阿堅說不想見人,但auntie叫他一定要出來。然後阿堅不情不願地走近,我在他開聲之前,深深地鞠躬︰
「對唔住!阿堅,係我對你唔住!」
我低著頭看不見他的表情,但他的雙腳似乎也沒有走開的意思。
亦慶幸他的腳沒有表情,我好不容易開口︰
「我講對唔住,唔係想逼你講啲乜嘢,而係我……我真係覺得自己做錯咗。當初我發嘅誓係認真架,我真係……真係覺得兄弟比較緊要,我絕對唔想……唔想因為咁而冇咗個兄弟。」
我說完一段話,他還是毫無反應,我只得再解釋︰
「應承咗你之後,我一直、一直避佢,我一直忍耐,我一直……做咗好多傷害佢嘅事,因為我……我……我真係唔知應該點面對佢……我以為自己可以控制到,我以為我可以忘記到,但原來唔得……我……我對唔住……真係好對你唔住。」
.
我一直低著頭,良久,才聽到阿堅的聲音︰
「唉……」
長長的歎息之後,他沒再說話。我抬頭悄悄窺探他的神情,只見他一臉無奈,那副崩角眼鏡還掛在他的臉上。
我緊張地盯著他︰
「其實你鬧得我啱架!就算你打我,我都唔會再還手!真係好對唔住!請你接受我嘅道歉!你打我啦!」
四目交投,他沒有別開眼神,只是落寞地說︰
「都過咗去,算啦。而家都改變唔到……」
「咁……咁你可唔可以原諒我?」
我像個傻子般說完這句,才發現太強求,只得補救︰
「如果你唔制,我都明白嘅,係我對你唔住……」
阿堅移開眼神,沉默良久︰
「……我而家做唔到啊,sorry……」
「係嘅……我……我明白……」
「咁你講完未?我入返去啦。」
「好、好嘅……打擾晒……」
.
我再次鞠躬致意,只見眼前那道熟悉的門重重地關上,不留半點餘地。
回不了頭啊……
我被內疚和後悔壓得喘不過氣來,由等電梯到下樓走回家,不斷重重歎氣。
最後,我只能坐在兒童遊戲場裡,呆呆地看著場中的小孩子玩鬧。
我跟阿堅小時候,也一起在這裡玩過。那時我們,笑得多快樂。
華小姐也曾經在這裡叫住我,她站在鞦韆上,開心得像個小孩。
這一切都已經,無法挽回了。
都是我一手造成的……
我對著兒童遊戲場懺悔了不知多久,突然想起自己還沒send SMS給華小姐。
就算她現今所在地收不到電話,說不定可以收到SMS呢?
我懷著渺茫的希望,一筆一劃為她打下︰
「對唔住,我而家先睇晒你嘅SMS。對唔住,我一直令你咁唔開心。你幾時返嚟?我想親口同你講對唔住,仲有其他好多嘢。等你。Flying far」
我以近乎祈禱的心情按下發送,希望這封SMS能傳到她的手上。
沒想到短短幾分鐘後,電話一震,發出女聲︰
「(日文)你有郵件喔~♪」
.