(隨筆)從唐君毅的《論中華民族之花果飄零》諗到移民

近來重讀唐君毅先生的《說中華民族之花果飄零》﹐當時60年代﹐ 唐先生心痛南亞的排華風潮﹐又不滿美國的華人雖漸有社會地位﹐但似乎不心繫祖國、不重視傳統。當時他舉楊振寧和李政道為例﹐指出兩人雖有相當成就﹐但似乎不願回國效力﹐為國家科研貢獻。又認為中國文物隨便展示予外國人是國恥﹐外國人不會隨便將國寶運到外國展示云云。他擔心4、50年後海外華人社群會解體。

後來楊李真為國效力了﹐雖然那個是紅色中國。而我在香港時也看過幾次與大英博物館的合展。孔子學院如今遍布全球﹐中國文化站起來了﹐人人都爭相愛國了。不知唐先生在天有靈又可會感到自豪?

而唐先生起初所心痛的南亞排華風潮﹐某程度就是華人太重視「鄉土情感」﹐不重視自己此時此地的政治權益﹐以致雖然在財富、人口也不輸的情況下﹐仍然要任人宰割。到今日美國﹐不少華人在軍政界也開始取得成功﹐他們很多母語非漢語、不會中國文化––––那真是很值得可惜的事嗎?

文化人好議世道人心、人文化成﹐其實有時候心眼冷一點會比較好。「中華」如是﹐「香港」又何嘗不然?


圖：《說中華民族之花果飄零》書影

善心打破零回覆

係連登講新儒家

佢d書有幾難搵樓上書局一地都係

1.圖書館
2.上網down

得罪講句
唐錢兩人直頭係戰犯來

大中華膠必須死

錯啦 北京猿人先係好唔好

可否講多两句
分享吓觀點？

咁覺得係咩宣傳大中華膠之類
一個地方出事﹐就屌反共既文人﹐都唔屌奶共班契弟
點解?因為讀書少﹐淨係識果一兩個人﹐咪拎出黎點相囉。
講到底﹐只係文化捉鬼而已

叫佢問下老蔣點解輸咗都要反攻，係咪大中華膠

其實呢啲儒家思想先係最陰毒喎只要你事但一個祖先俾人當係「中國人」，你有咩成就、學有所成就要貢獻番「中國人」先算係moral ，明明人地係西方國家培育出嚟嘅人才，格硬話人哋係中國人就要佢「回國貢獻」，咩叫「回國」？咩叫「中國人」？憑咩所有不知就裡俾人扣咗「中國人」呢個標簽嘅人要自動進貢去呢個「中國」？真係好過去搶

仲有呢啲文人如果果時中共做場大龍鳳俾個虛銜佢哋做，又玩吓啲君君臣臣煮吓飯仔咪又係歸晒邊，係連少少價值都冇俾共產黨遺棄先反共啫二千年嚟發展出嚟嘅儒家思想根本冇制約個君嘅機制，本身係比宗教更次一等嘅奴隸道德

如果一個人轉個國藉做美國人, 咁用佢既知識貢獻佢新既國家都唔得咩?

巴打問得岩呀. 咩叫 "回國"? 咩係 中國人? 好似回鄉證咁夾硬洗腦要我認? 我好好奇佢書入面有冇elaborate清楚.

定係唐君毅係imply緊 血統論? 出生論? 然後基於呢兩種原因就要跟隨儒家主義去咩效忠祖國? 咁儒家係文化, 哲學, 邪教定政治既概念?

仲需要問既問題就係, 咩係 "中國" ? 中國係一個文化上, 政治上 ,地理上定係以血統定義既民族 上既個體? 真係好混亂囉.

一出世就要效忠既話, 咁同D恐怖伊斯蘭組織有咩分別?

同意呀. 儒家就係當權者經過千年煉成既人民思想控制工具, 被人有幻覺被極權統治係有道理既工具.

呢啲問題我都問咗六七年，我都仲未搵到一個人答到我

我想補充多少少，中國人呢個身份，可以話係二十世紀最不知所謂嘅概念之一嚟呢個問題我真心諗咗好耐

你話佢跟國土又唔係，先唔講係跟邊個朝代，就當係跟清未果一吓，咁依家蒙古國嘅人又唔係中國人，俄羅斯遠東果啲俄羅斯人又唔計喎，但唔知點解有啲美國、英國出世嘅人又計喎，咁啫係中國人呢個概念係起碼唔係計地理國界嘅

你講血統，先唔講五十六個民族，點解又係同一個血統有啲計有啲唔計（eg 俄羅斯/回回）；就算單單計漢族，科學少少咁睇dna，我哋嶺南人（百越族）個dna 其實基本上係越南以至東南亞嚟，啫係一係我哋係越南人，一係越南人係中國人，但兩者都係唔係真啫係中國人呢個概念係唔計血統。係咪我做個dna test 證明我同啲北佬個dna 構成唔同，就事但一邊唔係中國人？

講政治，如果單講國籍已經炒咗車憑咩喺外國出世嘅人又計咗入中國人度。如果所謂華裔就叫中國人，如果我renounce 咗香港人身份，我係咪就可以唔駛被「中國人」？

講文化，揸筷子講中文呢啲低級嘢已經廢事攞嚟做證（如果揸筷子就係，咁咩人可以係中國人啦；講同寫中文嚟講就算俾你屈到廣東話係中文都唔該放過藏族同維吾爾族啦）單單講思維、生活文化係定義唔到一個國家嘅，如我依家生活習慣，文化思維都似美國人係咪又變咗唔係中國人，我食個中餐係咪又變番中國人？

本來話補充少少點知寫咗咁多但呢個問題困擾咗我好耐

我都係好困惑
既然你喺度又一齊探討下.

國土呢個又係奇鳩怪。
我為佢地俾到國土既基礎定義係：
由公認/廣傳既中國歷史觀中所關注既所有朝代擴展過既範圍，界限最遠就係國土

蒙古我聽到既講法都有人話係中國一部分，而中國人就需要講中文 ，所以蒙古人要講中文。

當然有人就話唔係啦，但都會話因為中國強大影響力強/已經喺中國版圖內（？？？）/要被開化/國家需要發展/中國係世界未來etc, 所以都要講中文。回族，西藏都係用類似既邏輯需要中國化。

血統我都唔係好清楚. 冇人講過話邊隻血統幾多percent先係正統中國人. 但混血，例如“中國”混左歐洲血統，又唔知點解另一半作廢，首先會係“中國”既血統會決定左佢既身份. 你話以色列人都會用宗教信仰同傳承做參考所以埃塞俄比亞都可以有唔同skin color 既以色列人.

以我所觀察，如果出生地不同或/及血統有爭議，係視乎其成就高低或/及同對中國人身份既認同情度對決家佢係唔係中國人（？？？）

例如，黃之峰明明喺理論上既中國領土出世，但會被質疑係越南人。（而吊詭既係，曾經有廣泛接納既中國歷史中提及既朝代係有曾經統治過越南既地方）

而馬友友細個讀書我好記得好似imply到係中國人咁，相信因為有卓越既音樂成就.

但好奇怪地，當一啲非裔既人想黎中國居住，甚至生兒育女，又會覺得污染左中國人既血統，又唔可以接納佢地做中國人。

中國人真係一個好有趣既概念，非常值得探討同了解。但我感覺呢個係一個好視乎中國人整體interest 而變化既概念。

我聽個一個幾有趣既推論去推斷你係中國人 ： 語言

1. 你講緊廣東話
2. 廣東話又係咩？
3. 中文，仲要你寫既，都係叫中文。
4. 講中文做母語/主要語言就係中國人

結論 ： 你係中國人.

班冚家剷文妓反共咪又係幫另一個專制政權去打壓其他逃離或者改變專制統治嘅人
共產黨全面掌握咗中華帝國嘅話語權之後班文妓一樣幫共產黨站台
講到尾反共同反專制統治本身就係兩回事

讀過AL中化唔係都會識呢條友咩

如果將唐口中嘅中華 換成係香港
唔知會唔會有人會屌呢啲思想係大香港膠

明眼人呢

連黎剎都被華人，明明人哋最排華

面皮厚便無敵

其實我對唐無意見，只係覺得有時文化人就算真係愛國、發泄又好，都無謂終日苦大仇深、跟車太貼。

結果釣到左一句戰犯港奸、右一句大中華膠，百年之間無非係五十步同一百步既分別。

巴打係連登講儒學唔驚俾人屌屎忽咩

巴打邊隻字見到儒學？