所以我地睇一件事，係應該逐件事分析，唔應該因人廢言，又或者因為某一個犯錯，就否定佢本應岩嘅部份，或全盤否定呢個人。（當然反之亦然，唔應該因為佢岩開，就接受唔到佢犯錯）
偏偏連登有班人，自己採用all good all bad thinking, 仲想感染其他人都變埋all good all bad thinking。例如當一個對象出現錯誤，佢地就會捉住一點，講信佢嗰個都係白痴，將錯誤變成佢呢個人嘅全部，抹殺哂佢所有之前嘅貢獻同其他岩嘅部份。有啲思考冇咁慎密嘅連登仔，就會覺得係喎屌，佢呢單嘢唔岩喎，呢個人唔可以再信同支持。
呢班人甚至會喺對象做岩野嘅時候，貼佢做錯野嘅記錄，試圖令睇嘅人覺得因為佢做錯過野或睇錯過野，覺得呢個人已經冇用架啦，唔會再有貢獻，再睇佢都係白痴。例子係以前你見親之鋒嘅post，都成日有撚屌貼we are X。
而當呢個對象提出新意見或行動，班人又會貼佢嘅犯錯，去叫大家唔好信佢唔好睇佢，呢個人已經冇價值，阻止大家分析新嘅提案。
當有一定數量嘅人中左佢地個圈套，認同左用一個錯誤全盤否定呢個對象，佢地就會開始恥笑冇中圈套嘅人，話佢地冇腦，死攬，係咪支持佢犯錯等等。令仲客觀分析嘅人，開始懷疑自己，覺得仲睇呢個人好似係錯咁，會俾人笑，會覺得羞恥。為咗避免呢個感覺，或者避免罵戰，最簡單嘅方法係唔討論同睇呢個人嘅所有野，睇其他，結果被狙擊嘅對象嘅能量就進一步下降。
呢一招其實好易work，我哋每個人都會犯錯，越多行動同意見嘅人，越易犯錯。有心人只需要等對象犯錯，就可以開始呢個計劃，或者直接將啲中性野講成錯失，甚至造謠。
呢個策略推到終極，係可以瓦解黃絲身份認同，首先捕捉黃絲犯錯，然後將錯誤代表黃絲，譬如黃絲就係捉鬼、盲撐、講一套做一套、雙重標準，藉此否定或淡化黃絲其他層面。呢一個步驟會吸納一班信眾，人數夠多就開始恥笑淨低嘅黃絲，講2021年仲叫自己黃絲仲未柒夠咩之類嘅說話，令人以黃絲身份感到羞恥，最終就算你本身覺得冇問題，都唔想再用呢個身份。
講到到呢度，我有兩點想同有心人講左先:
1. 唔好講點解睇黑警中共又唔可以all good all bad thinking，人地都可能有做得好嘅地方，做乜要全盤否定，係咪雙同標準？我的確係要雙重標準，因為佢地係我敵人甚至仇人，對仇人係要嚴厲啲。睇有心人用呢個標準放喺咩人身上，就知佢地當邊個係敵人同仇人。
2. 唔好諗住針住篇文某個minor位，就避開討論文章大意，譬如見到我引用左某個人做例子，就話XXX都支持得，一睇就知樓主係盲撐撚之類。咁就就只會更加引證我篇文講嘅野，將某一點塑造成錯誤，再用呢個錯誤否定或spin 走整體。
面對呢種滲透術，一般連登仔應該注意甚麼？
有四點：
1. 見到本身有好感嘅人犯錯，或俾人捉到過失，先唔使咁震驚同崩潰，有過失係正常不過，平常心就得，以事論事，善意批評。千祈唔好因為咁而否定佢其他部份，或整個人，你唔認同嘅只係某件事或某一個層面。
2. 注意情緒，你見到過失，會嬲，嬲會誘使你想全盤否定呢個人，呢個時候嗰啲全面否定言論，話信錯佢，仲信佢嗰個係白痴之類嘅言論，對你有莫大吸引力
3. 你亦冇需要為左顧全呢個人嘅整體形象，對其他人刻意淡化或者反駁一啲真係有問題嘅野，記住每個人都係可以犯錯的。除非對家將中性行為醜化，或直接造謠。
4. 如果呢個對象之後有新野，有心人會重新貼犯錯黎試圖否定呢個人，叫你唔好睇。呢個時候唔好動搖，屌柒佢以偏概全，以偏廢言，貼呢篇文佢睇，再繼續因應事件進行討論。
