我想問處女座係咪都特別麻煩



定係只係我呢個處女座特別麻煩

事源前幾日 我個frd個frd(簡稱A)分享自己既心事,講到自己之前類似係中學比人bully,跟住因此覺得有d社交恐懼症咁
我覺得好身同感受
因為呢兩年我心情其實都係好低落(原因包括學業、家庭、感情)
但係最近開始慢慢轉變自己既諗法 所以覺得心情有變好少少,所以我係咁比意見A,叫佢有時候轉化下自己心態會好好多
但唔知我係咪太過急於表達自己既諗法 講得太多
令到A反感 佢最後一句就類似話依家既進步代表唔到d咩,當你到時做嘢果陣真係可以同人相處好先可以叫做進步lo
我果下真係好sad,心諗我既好意好似比人無視曬,
所以就只係講左哦~咁樣終結左個話題,之後我同A既氣氛就變得有d尷尬
但個問題發生係B同我度,B係我識左好耐既朋友,我地因為學業一定要成日聯絡,唔知係咪因為咁對得多慢慢感情冇以前咁好
當我同A之間尷尬既時候 佢完全唔出聲

本身係好認同我講既野都後面連eye contact都唔比
之後到後來仲有好多令我覺得好失望既事 例如Grp講野佢完全唔讀 唔覆,但人地講佢就就會覆,仲要好客氣咁,好雙標

佢比我覺得佢藉此表達對我既不滿

大家咁多年朋友,佢咁既反應我真係好心寒。
一諗到呢樣嘢我心裡面個結就過唔去,所以我都唔諗住讓步


keep住冇contact佢。
但我地做功課係同一grp,有A有B,我依家覺得我好似係比人孤立果個


我真係覺得自己好L敏感




所以究竟係咪我心態真係太差? 我到底可以點做?

就算我有錯都鬧醒我好冇? 呢樣嘢已經煩左我幾日
最後多謝大家睇到呢度


