我share自己個case比大家了解下
首先我係2018年8月去排菲臘嘅
因為自己住得比較遠，所以3點幾搭通宵巴士出去港島
去到醫院門口大概5點2左右
我好似排第3-6個
唔太記得
大概7點左右就放你入去拎籌
每日嘅籌都唔同嘅
好似大概15-20左右咁，我當日就得16個
咁拎完之後就去到8點幾9點先登記
順便要你簽下啲條款，例如要做教學用途啊，好多人會望住啊，出事邊個負責啊咁
跟住就可以比你出去食個早餐咁。
夠鐘之後就去登記+交50蚊門診費用
然後就去檢查，睇下你個case有冇教學用途，有就收你。
我嗰陣seaech過/其他人經歷都好似話智慧齒case，仲要橫生基本上99%都收，咁我檢查完，佢再叫我照X光，之後show咗個結果話有3隻橫生咁，and佢收我呢個case，然後就返去等通知
咁呢一日嘅費用就係診金50
跟住等等等等等....等到2020年年頭
唔記得4月定5月
終於打電話比我，問我剝咗未，叫我返去check多次睇下。
咁去到自然地交低50蚊診金，見醫生，再照x光咁，再拎x光result比醫生判斷，然後同你分析下你啲牙嘅問題，佢係話我3隻智慧齒橫生一定要剝，1隻冇任何功能作用就順手剝埋，total 4隻。其中一隻距離神經線有少少近，會有1-5%危險咁，3隻橫生要開刀。
咁佢比咗3個選項我
1.瑪麗醫院-全身麻醉-1次過4隻
2.瑪麗醫院-靜脈注射(個人清醒但唔會痛嘅鎮靜劑)-每2隻
3.菲臘牙科-局部麻醉-每次2隻
我呢啲淆到pk嘅梗係1次4隻唔好再煩
然後就幫我排期，好似排差唔多一年嘅
然後5月尾，我收到佢地打比我，話瑪麗醫院有個特快期喺6月比到我，問我o唔ok，我梗係話ok啦，等左咁耐，又武肺咁都唔知會唔會cut埋又要等耐啲咁。
跟住當日就去瑪麗醫院登記入院手續，嗰日星期五黎，咁登記完，去到床位擺好啲嘢，等咗陣就有個主診醫生入黎見你，問下你啲嘢咁，又會有麻醉醫生見你，問下你狀況咁。跟住其實就走的，可以辦理暫時出院手續。因為最緊要係留個床位比你，手術就星期一先做的。 然後我就出院去食牛角
因為黎緊剝完牙應該冇啖好食。去到星期日(手術前一日就要入返醫院準備聽日做手術)
咁我大概喺屋企食完晚飯就返去，手術當日6點後就唔比飲水食嘢之類。咁去到星期一，手術當日，比人召去換衫然後就推我落去手術室剝牙。然後麻醉師會打支鹽水豆落你手背靜脈到，有啲人話好痛，我就唔太覺得痛。不過我血管幼+緊張，佢拍咗我手背好耐啲靜脈先show到出黎，由於我個人怕針，比佢吉完我已經暈暈地咁，然後推入去手術台，問你啲個人資料+知唔知做咩手術，然後就比個氧氣罩你聞，然後同你講開始輸入麻醉藥。原本我仲想聞下氧氣喺點，因為未試過吸純氧，但因為我比人吉完針已經暈暈地，我聞咗兩啖氧氣就昏迷咗
。不過上網睇話啲麻醉藥經手流入去feel到有道氣咁，可能我昏迷得比較快我feel唔到。做完之後，醒咗已經喺觀察室觀察緊，個口咬住兩塊紗布，跟住唔知點解仲要幫我戴返個口罩
醒咗個feel係...訓咗深層睡眠嘅覺，好舒服其實，不過喉嚨痛，因為要插喉(做全身麻醉一定會插喉因為你自己呼吸唔到的)。大概半個鐘左右掛，就推返我上去病房。過咗2個鐘左右，麻醉藥效開始消失，就feel到傷口開始痛，and一開始因為咬住紗布+麻醉藥效，流道成個口罩都係血口水好核突，跟住護士會比啲藥你食e.g消炎藥/止痛藥。因為打完麻醉藥冇耐，唔會比你落床去廁所，所以會比鴨仔你屙尿(試過落地隻腳係冇力的) 亦會定時幫你量血壓....我夜晚訓到2點俾人拍醒起身量血壓去到第二日見多次主診醫生+佢帶住班學生見我，睇下有冇咩特別問題，冇就出得院拎藥and比個日期你返菲臘拆線...手勢幾好，原本以為一次過剝4隻塊面腫過麵包超人，但完全係冇腫的。
呢幾日住院好似係600蚊左右
過咗一星期之後就返去拆線，教你用針筒洗傷口咁，再比啲藥你，咁冇問題就完咁。
大概係咁
我1.5星期後就開始食飯，跟住就冇問題回復正常。
大概一個月就完全埋口。
補充:手術嗰日話有隻牙(接近神經線)比較難剝，打碎曬先拎出黎，但唔知有冇碎片喺入面，不過去複診嗰日再照多次X光係冇發現，就證明ok曬
大概係咁，如果錯字嗰啲so sorry
我係有啲失眠先打呢篇嘢share下
打到自己都眼訓4點幾了
有1隻橫生要開刀打碎
