豉椒炒蜆

今次去買餸，見到有隻好似蜆既野，叫pipi, 就買左1kg返黎，宜隻野個味幾好食，但係無香港買到咁新鮮。

上網搵返先知，原來可以自己去挖應該新鮮好多。

買返黎先乾淨同吐沙


準備個汁同配料（洋蔥，乾蔥，蔥，蒜，青椒（應該用紅/辣椒，但我無））



蜆吐完沙就拎去煮一煮， 水大滾，幾十秒到1分鍾就起得，煮得耐會過火


炒香配料，豆豉醬，豆瓣醬



爆香晒就落蜆同汁



完成


今次做宜個炒蜆，汁收得夠緊，痴晒上蜆度，好濃味好正


https://youtu.be/BQiRU9buVhg



鍾意既記得subscribe, like 同share 我YouTube Channel,仲有follow 我ig


YouTube: https://youtube.com/channel/UCGJHwItoXY4IkZX7efJvCXg

Instagram: https://www.instagram.com/openfridge_kitchendiary/

g持

好想食 吐沙其實點搞
成日浸佢太耐搞到縮曬死埋

多謝

你係咪落得太多鹽？ 太咸會整死佢

其實煮呢D會唔會好大油煙想跟住煮

邊個教你炒之前過熱水？
啲蜆無晒味喎清，智力正常既都直接落去炒。。。

實測過，落油吐沙係最快

其實會所以要洗廚房，但係你可以唔燒咁紅，加上視乎你用咩鑊，我用熟鐵，傳熱好快，變左好易出晒煙

如果想接近出面既味道，最好夠鑊氣，隻鑊要夠熱，唔係食落差咁d

好正

其實出面好多都有咁做，唔係個個同你由生炒到熟，

加上我係拖一拖完，唔會無味， 只要係新鮮， 一開即起，係無咩問題，一樣保留到好濃既蜆味，開口仲係咁煮，緊係無晒d味。宜家就算我落左醬汁，好濃味都蓋唔過d蜆味。

另外拖拖水就可以肯定d殻無沙，無咁污糟，。如果直接落，之後d汁又拎黎撈飯/食晒，有機會食到沙同洗唔乾淨痴係殻上面既野，宜樣野要做取捨，自己屋企煮要做取捨，但我自己食貝類海鮮，一定乾淨為主，唔係好易食到肚唔舒服。

水加油去浸？

你爐頭個鍚紙係咪清潔方便啲？？自己用鍚紙整？

食完宜個我反而好想食聖子聖子多肉好多，宜家兩個人食晒成碟都唔夠，好似無食到d咩咁，肉好細粒如果宜邊買到花甲就正，大隻好多

好光猛，又加左燈呀 ？

認真，極大部份歐洲佬都唔識吐沙，佢地啲蜆都係咁食，食到成口沙咪又係咁，我地識吐沙已經好好多

我炒左咁多年自己+身邊所有人無見過有人拖水，亦都無話個汁有沙

肚屙係關熟唔熟事，唔關你拖唔拖水
唔拖水就唔識炒到熟咁你真係要練習下

係

正！
可唔可以整多d一人份量/易整既懶人餸

係呀，每次洗廚房就換，錫紙放好，介返d隆出黎，記得唔好遮到出火既位， 介大小小。

另外如果好似我咁，後面牆係玻璃，可以噴小小水，痴保鮮紙上去，同樣洗廚房就成張拉走換左佢就得，方便好多，

飛左水炒已經唔好食，怕有沙養一陣先，在怕，蒸完留番D水，炒戈陣落埋戈d水

我之前既片都有加燈，兩枝燈仔，只係唔知點解煮野食特別光，但整包就好暗咁。我都唔係好識打燈，唔知點要影出後靚。


但下星期搬屋，個間屋個廚房好正set架都易d

你都幾惡
人人有唔同做法
唔跟你個套就係唔岩？
我自己就兩個方法都見過有人做
人地鍾意食得乾淨d又有咩問題

咁每個人做法唔同，你無見過唔等於無人咁做， 我做過餐廳酒店都好多年，但係餐廳廚房見過唔小係咁做。可能d廚師老點我啦。

但直接炒係餐廳有做過，只係係屋企黎講， 宜個方法我覺得比較好姐



你炒左咁多年，又係做飲食業？