有自閉症嘅手足，點樣克服到日常生活嘅問題？

你似自戀多過自閉

例如話 啲人抑鬱症
會覺得生無可戀 會覺得世界乜都好灰
會覺得人生完全冇意義
個病令到你個腦有呢種諗法
其他外人睇落好似好荒謬
因為外人冇呢種諗法 因為外人冇呢種病

自閉症一樣
會覺得其他人理解唔到自己諗法
同抑鬱一樣 都係個病令到你有呢個諗法
但外人睇落 會覺得你好痴線 好自大

咁講明唔明？

冇呢個病嘅人
睇完我個Po一定會諗
「樓主好癡線 好自大 好自戀 自以為是」

如果你有個病
你個腦都會有我呢種諗法
因為佢真係會自然出現係你嘅思想入面

如果你覺得呢樣嘢好荒謬
咁應該係因為你無自閉症
係好事嚟

有呢個病 真係好難理解到其他人諗乜
我由小學開始已經有
只能話 越大個越嚴重
好難控制到自己諗法

咁即係你可以控制到呢個問題

盡量放低 接受有人係咁蠢咁豬咁唔聽人講野(係你角度)

呢個真 有時候去到臨界點，就話俾自己聽「接受佢係豬」

我覺得 要學習點樣做個普通人就真

自己質資係普通料 但理解能力算幾好
個腦可以理解到好複雜嘅資訊
可以消化完 再係個腦入面重新整理
諗嘢可以諗好遠 睇嘢又可以睇好遠
但係 我又發覺
其他人未必對資訊 有同樣嘅理解能力
未必對事情 有同樣嘅分析力

所以好多嘢 你講完
人地會睇唔到 理解唔到
有時係因為大家對資訊嘅理解有出入
對方未必睇得咁全面

可能因為咁 所以有個諗法係 對方講極都唔明
因為理解能力有出入
有啲似 相對論 （時間 係 空間 ＝ 時空）
好多人理解唔到呢件事 因為睇唔到 好抽象
所以你講極對方都未必接受或者明白
而因為你諗通咗
你就會唔明點解其他人諗唔通時間係空間
因為你覺得呢件事好合理 冇理由唔明

咁講明唔明

補充一句
我唔係想話 自己諗法永遠都啱
事實上我成日都諗錯 諗多
只係 自己覺得自己諗通咗嘅話
好難諗到自己唔啱嘅地方！

好有道理！
我會試吓
多謝巴打

每個人理解力都唔同
每個人聽到同一樣嘢理解方向都唔同
我覺得多數人係唔會去思考點解對方會得出咁哋結論
而係(舉例)會先入為主咁去諗對方哋結論同自己哋認知有咩唔匹配
正因為多數人唔識點去做有意義嘅討論
同一般人吹水可能無問題
去到啲認真討論位，就會令到佢哋自身更難理解啲非主流觀點(或者至少明白點解會有呢啲非主流觀點)，但偏偏自閉症嘅人就係因為會比較忽視某方面(例如情感需要?)嘅重要性，令到佢哋嘅觀點比較非主流

P.S. 點解講到好似人哋錯曬咁

我明！但又真係好難理解
例如話 Bar Exam
我有睇過哂其他Prep Course教嘅嘢
又有親身落場考過試
我可以好肯定講得出
學術資料層面 只要讀 ABC 就一定包Pass
因為考試一定係考 ABC 唔會係其他 （100%肯定 因為分析過往幾十年嘅考試Pattern 而得出呢個結論）

再睇出面啲Bar Prep Course 教好多唔等洗嘅嘢
問好多考試一定唔問 唔出 唔關事 嘅內容
問法 考法 同真實考試唔相似
所以我 100%肯定 資訊層面 我嘅方法包Pass
完全唔需要出去上堂

但我好難理解其他人點解要讀多過ABC
俾幾萬蚊上冇用嘅Course
就算聽完你講呢啲原因
我都好難理解到 點解啲人唔淨係讀 ABC 去考
要讀埋 D E F G.... 做咁多多餘嘢

我明你嘅理據
不過接受唔到呢個理據 唔可以真心信服呢個理據係啱嘅

唔知咁樣你明唔明我嘅問題係乜

你有無睇清楚 Autism 有咩 criteria

你肯定你係 diagnosed with Autism ?

唔係 Asperger 或者 with autistic features ?

啱啊！
我諗好多人都以為 自閉症
係 唔出街 唔鍾意同人講嘢
唔鍾意望人 鍾意自言自語
經常發呆 好似睇唔到世界有其他人咁
難聽啲講 就係 「癡線」「精神失常」

我以前都係咁諗
自從越嚟越大個 就知道唔係咁
真係有好多種唔同嘅自閉症

我冇上面講嗰個情況
但對我嚟講
要理解其他人理解唔到一件事嘅原因
簡單講 同理心？或者係 設身處地？
真係好難好難 個腦好似冇呢個Function

其實多數layman 都當autism spectrum 係autism
唔識分那麼細
如果有人跟開自己就唔使識分
無人跟開就識分都無用

樓下可唔可以講多啲
有個好好既朋友好大個先被診斷左有自閉
之前一路都唔識同佢相處
好多朋友已經同佢絕曬交
佢仲有埋抑鬱成日想自殺

我唔介意坦白講
真係一個病嚟
自己都唔想㗎
你個腦充斥著其他人覺得 「自大 自戀 癡線 妄想」嘅諗法
但呢個 係你認知入面嘅 「正常」

如果你可以幫到你朋友就幫吓佢

唔知自己係毒定自閉
覺得同世界隔左幅牆咁

唔識 冇分析咁仔細
冇做過詳盡Diagnosis
兩個病有乜分別？
同埋要醫 有冇邊個有唔同嘅醫法？