有自閉症嘅手足，點樣克服到日常生活嘅問題？

有見過冶療師 試過Counselling
普遍都係話冇得根治 只可以日常生活入面盡量控制佢
但真係好難

我覺得最難係 「理解其他人 點解會理解唔到 我理解到嘅嘢」
好難去想像其他人嘅感受 或者 反應
因為真係完全理解唔到
點解人哋睇唔通 睇唔透 唔可以作出準確嘅判斷 分析唔到最好嘅做法
有時極端到 甚至會覺得 對方真係好蠢 點解咁簡單嘅嘢都諗唔明

已經試過好多次都係咁 返工又係 同朋友又係 同陌生人又係
我唔係想贏 或者要威 只係想做好件事
如果對方提出新觀點或者論點 我都會認真考慮
如果覺得有道理嘅 我都會轉軚 或者 改變立場
但呢啲情況真係極少發生 通常只係覺得對方點極都唔明

有試過問朋友 「呢個情況吓應該點做」
跟住做佢哋嗰套
但真係好難 因為諗嚟諗去 就算分析佢哋做法嘅優點缺點
都覺得佢哋嗰套係錯誤嘅方法

越嚟越困擾
我都想知點克服呢個問題

同路人
最緊要理解
人唔係理性動物

成日都覺得身邊嘅人唔聰明 或者 蠢
我以前公司有個女上司又係咁
佢成日都覺得好多同事蠢 做嘢差 （包括我）
而佢做嘢真係叻嘅 勤力 理解能力高 轉數快

但唔少同事都唔鍾意佢
我唔想變到佢咁
以前我對下屬都係比較Carefree
但真係好難控制 心入面會覺得 「咁都做唔好 咁都諗唔明」

同自我中心冇乜唔同姐
理解唔到人地嘅想法好正常
最緊要係肯聽人地講野再嘗試理解佢諗乜

係 自我中心 但控制唔到
因為不能理解其他人嘅意見
有呢個病呢
真係聽完人哋講嘢 都覺得佢哋零道理
佢講嘅嘢你一早諗哂
諗得仲通透過佢添

唔好假設其他人蠢
亦唔好假設自己醒
自己做法係先當自己係垃圾，無論如何都聽晒佢講完先
然後盡量用佢邏輯去理解件事
始終佢想要嘅goal同你想要嘅可能唔一樣
你覺得佢零道理可能只係因為佢講嘅嘢唔符合你想要嘅goal

利伸：自我中心撚，重學緊可以點改善

舉個例
我年幾前考咗NY Bar個Licence
咁我就買咗好多二手教材 做咗好多Past Paper
設計好一套穩贏嘅考試方法
前後只係 八個星期 由零讀起
之後輕鬆Pass咗個考試

我上網免費將呢套方法教人
呢一Part要點 呢一Part要點 要讀呢啲重點
我勸人唔好報啲乜Bar Prep課程
跟住俾人狂插 話
「呢招你Work啫 未必人人都Work 你用呢個方法Pass到只係負碌」
我理解唔到點解其他人會唔明呢個方法係必贏
歷年考試 問呢個Topic一定係問呢啲
考呢條Essay 一定係答呢啲重點
要練 一定係用呢啲Past Paper

喺我心目中 呢個係100%穩贏嘅方法
但 網上啲人 個個都話要Pass一定要報Bar Prep
話我教壞人
我到而家都唔明點解佢哋唔明我個方法係100% Pass

好 下次試吓

巴打點克服呢個問題？

即係點？
當你覺得其他人 「咁都諗唔明」
你會點做？

理性還理性 叻還叻 兩樣嘢嚟
我可以係好理性但係你覺得我好撚蠢

照你咁講，你應該係資優？

有冇睇過The 7 Habits of Highly Effective People呢本書？有冇啟發？

我覺得自己資質好普通
唔會話差過其他人
但唔會話叻過其他人

問過做心理學家嘅朋友
都話應該係自閉症 （輕度）

但咁樣唔係成日都得
有啲嘢真係Team Work嚟
好似起橋咁
靠一個人做唔嚟
一定要成班人夾手夾腳先起得成一條橋

有冇正式做過評估？

呢本書可能啱你

算有？
嗰個心理學家朋友
私底吓Hang Out嗰陣幫我做過
唔係話好正式

多謝巴打
我會花時間睇吓

加油！相信你地一定克服到
雖然我唔係好了解呢個病 但睇到你咁講 我覺得可以下次你覺得其他人好蠢嘅時候 試下係心入面諗下: 其實我自己都唔係識好多嘢 我細個嗰時人地都係咁教我 既然佢宜家唔識呢樣 我就教識佢
就算最後個結果說唔說服到對方都好 起碼比人見到你係有嘗試溝通
不過要留意講嘢時嘅語氣同態度！ ！就算你本意唔係咁 如果語氣聽落好急躁/高高在上 都好易令對方反射性起鋼 用傾計口吻會比較理想

希望各位巴絲都加油

巴打呢個諗法
同當年 全民投民建聯
置諸死地而後生
如出一徹