《十七歲嗰年，我做咗Miss隻兵》3

唔敢睇

推！大結局呀

推

幾時有文 好眼瞓

唉俾你咁樣一講即刻唔捨得瞓
聽日仲要返工㗎

期待結局

Lm

其實未打完，不過見大家等咁耐，出住啲先
----------------
第十八章（2）

自辭職那天起，Miss Lam便躲到好友Zoe的家裏住。Zoe是一名護士，這時剛巧是她值班的時間，只有Miss Lam和Zoe養的那隻貓在家。

她把冷氣調到最大，然後窩在綿被裏，打開手提電腦，一邊吃着杯面，一邊漫無目的地看着YouTube的無聊影片。多天沒外出的她頭髮也很久沒有洗，油得發亮，癢得她不時抓頭皮，有時跑出些許髮屑飄落到杯面裏，可她的目光依然黏在屏幕上沒有注意到，繼續接二連三地吃着杯面，Zoe養的那隻貓則坐在一旁的床上，默默看着她吃面。

一口氣吃過兩個杯面，直至她終於飽得吃不下去，她才攤到沙發上，試圖讓圓鼓鼓的肚子好受一點。

看着白皚皚的天花板，Miss Lam想起那天副校給她的那份同樣潔白如許的常額合約。

如果嗰日我簽咗，唔知依家會點呢？副校會唔會因為咁保住我呢？⋯⋯又或者嗰日如果我無去搵阿祖佢地，我今日會唔會仲係一個老師？Miss Lam心想，那種後悔的感覺一點一滴在她心裏滋長。

腦海突然掠過阿祖的臉，不僅未能遏止了那根剛萌芽的幼苗，甚至助長了它——要是再給她選一次，她或許不會去找他。

然而，那裏不僅有阿祖，還有她的學生啊，想到這到Miss Lam又感到愧疚——他們怎會遇到像她這麼窩囊的老師？

「喵。」貓咪突然對着Miss Lam叫，像是在回應她心中的疑問。

「係咪連你都覺得我好廢？」Miss Lam對那貓問道。

「喵。」那貓再次回應道。

就在Miss Lam陷於愧疚於後悔之間時，Zoe家的電話突然響起。

「鈴！」

Miss Lam從滿桌的Pizza 盒、吃過的杯面、可樂之間翻找了一會，才找到被垃圾淹沒的手機，拿起來看，竟是一個熟悉而陌生的來電。

「鈴！」

手機鈴聲持續響起，Miss Lam發征地看着那串電話號碼，滿腦子都是疑問，也不知道自己是否應該接聽這通電話，猶豫了很久，直至對方被逼掛線，她仍沒有接聽這通電話。

點解Jay會打比我？Miss Lam心想。

過了一會，手機鈴聲再次響起，不想面對任何人的Miss Lam索性拔掉Zoe家的電話線。

無事嘅，訓一教就無事架啦，Miss Lam這樣遊說自己，然後真的走到床上睡覺去了。

也許吃飽了特別好睡，Miss Lam竟一下子睡到晚上七時多，直至門鈴響起她才醒來。

「鈴！鈴！鈴！」

Miss Lam想着應該是Zoe回來了，穿起拖鞋，毫無疑心地便跑了去開門。

然而，打開門，門外站着的卻不是Zoe。

Miss Lam看着門外的人目瞪口呆，一句話也說不出來。

剛巧這天Zoe出門時趕時間，沒關上鐵閘，對方沒有理會Miss Lam便擅自登堂入室，可這裏的空間不大，採取開放式設計，一踏進便是沙發、小茶几、電視機和一張雙人床。

客廳找不到想要看見的人，對方又走到同樣一片杯盤狼藉的廚房、洗手間，可還是一無所獲。

「你講，呀Jay係邊？佢係咪落咗去買野？」那女人頂着個大肚子暴躁地問道。

雖然只已很久沒有見過這張臉，可Miss Lam認得出來，她是她的前度，Jay的妻子——那個拆散他們的第三者。

「我⋯⋯我唔知呀，你地係咪發生咩事？」Miss Lam問道，很想阻止這個女人再隨便在Zoe家走動，卻又不敢說些甚麼。

「你講野咁甩甩cut cut，係咪作賊心虛，身有屎？」那女人質問道。

「我無呀，你一眼睇晒，Jay唔係到呀。」

「我唔信，Jay成日翻睇你地啲相，佢一定黎咗搵你！講，你收埋咗佢係邊？」

「我都話無囉，要點你先信，我同佢已經好耐無見面。」Miss Lam無奈地說道。

「我同你講，如果你仲唔離開Jay，我唔單止寄你同你學生啲相去學校咁簡單，到時我擺埋上網，你一世都唔洗旨意做老師！」

「原來係你，點解你要咁做？」聽到那女人的話，Miss Lam驚訝得瞪大雙眼問道。

Miss Lam本以為是Leung Sir告的狀，完全沒有想過會是這女人做的好事。

明明佢搶咗我男朋友，點解仲有面咁做？Miss Lam不解，卻不敢說出口。

「仲洗問？我係唔會走架，我要係到等到Jay返黎為止。」

「都話佢唔係到囉！」Miss Lam既是無奈，又是生氣地說道，卻不敢碰眼前這位孕婦。

「佢依家唔係到姐，一陣會返黎架嘛，我就係到等佢返黎。」那女人堅持道。

Miss Lam知道任她怎說那女人也不會聽，只好任得她繼續站在這屋裏，Miss Lam也陪她站着。

過了大約十五分鐘，門外突然多了一把聲音：「Miss Lam都話咗你老公唔係到，你自重好嗎？」

「你係邊個？關你咩事？」那女人瞪着門外人問道。

Miss Lam轉身一看，竟是Leung Sir。

「點解你會搵到黎？」Miss Lam驚訝地問道。

Leung Sir沒有理會Miss Lam，又對那女人說：「你再唔走我就報警架啦下。」

「你試下報呀，我就將依個女人同佢學生啲野擺上網，仲有佢地去迪士尼嗰啲合照，到時佢水洗都唔清！」那女人掏出手機，按出那時阿祖出主意，要Miss Lam故意放上IG Story的合照，遞到Miss Lam面前威脅道。

正當Miss Lam準備開口說算吧時，Leung Sir卻先開口說：「擺囉，你即管擺，反正我地都就去外國讀書，唔會再返黎。」

「吓？」一時的資訊量太大，Miss Lam還未處理好眼前這女人，Leung Sir竟又說出一件她想也沒想過的事倩。

「咩話？你同佢去外國讀書？哈，你好野呀，搞完個學生又搞我老公，依家仲搵到個老襯同你去外國讀書？我真係低估咗你。」那女人搖頭冷笑道。

「我最後一次警告你，請你依家即刻離開。」Leung Sir拿出手機，按下999，只要再按一下撥通鍵便能接通。

「好。」那女人看着Miss Lam和Leung Sir笑着說，恨不得用眼神就把二人碎屍萬段。當她走到玄關前，還有一步便要離開，還不忘在Leung Sir身前停下了腳步，掂高腳尖在他耳邊說：「Miss Lam真係好命，搵到你黎埋單，我祝福你地。」

接着，那女人便離開了。看着那女人消失得一乾二淨的身影，Miss Lam頓時如土委地，按着胸口，跌坐在地上。

「你無事呀嘛？」

「無事，突然有啲腳軟姐。」

沒想到都過了這麼久，再次看到這個曾傷害她這麼重的女人，她還是一樣懼怕。

時間沖淡了傷痛，卻沒使她變堅強，她依然是那個膽小鬼。

「黎，我扶你起身去沙發嗰度坐。」Leung Sir把Miss Lam的手臂放到自己的頸項上，把她扶到沙發前。

Leung Sir本想替Miss Lam倒杯水，可是看到空空如也的水樽，還有一片凌亂的桌面和廚房，便只好放棄。

「係呢，點解你會知我係到？」Miss Lam問道。

「你個Friend話我知嘅。佢話係Cam見到有個女人突然走入黎，但佢仲返緊工，然後佢係你IG見過我，咪IG Message我，我咪即刻揸車過黎，你無事呀嘛？」Leung Sir問道。

Zoe為了在上班時觀察貓的一舉一動，以免牠出甚麼事故，便在家裏裝了Cam，沒想到出事故的卻是她的好友Miss Lam。

「無事，麻煩晒你。」Miss Lam回應道。

「你同阿祖⋯⋯最近點？」

「無，我好耐無返過去，無見過佢。」

「咁你諗住之後點？」

這時候Zoe的貓突然跳到Miss Lam的腿上，Miss Lam摸着牠身上的毛，說：「未諗到。」

氣氛突然安靜了好幾秒。Leung Sir突然轉身從公事包拿出一疊文件遞到Miss Lam眼前，寫着：英國留學展覽。

「嗰日保釋你同班學生出黎嘅時候，我已經感受到香港已經無未來。我想趁後生出去闖下，我想去英國讀個Master，你要唔要同我一齊去？」
------------
你係Miss Lam會點揀
＝去
＝唔去！！！

我聽朝先睇...瞓先

Push

Lm

我反而想Miss Lam去 反正到依家咁再同阿祖一齊都冇意思 可能到最後Miss Lam都係冇選擇同邊個一齊

唔講都唔記得條八婆

你係Miss Lam會點揀
＝去
＝唔去！！！

唔屌你了，Leung Sir
放喺現實Leung Sir係筍盤中嘅筍盤
之前憎佢都係因為代入咗阿祖嘅視角啫

你係Miss Lam會點揀
＝去
＝唔去！！！

去都未嘗唔係好事，不過麻煩之後畀阿祖跟埋去

仲以為條八婆會玩殘條賤男，點知依家掉返轉

唔去
阿祖都就畢業
畢左業就無左師生戀包伏

去都呀祖去啦

魔女的條件

條八婆抵死
「你們儘管做夫妻、生娃娃，過得十年八年，你心裡就只會想著我，就只不捨得我，這就夠了。」
唔使十年八年，佢已經心裡只想著Miss Lam啦

你係Miss Lam會點揀
＝去
＝唔去！！！

我會去 但係唔同Leung sir去 自己一個去唔可以咩

Miss Lam唔似有錢去外國讀書，依家隨時係Leung Sir畀埋佢個份

［大結局］第十八章（3）

終於來到了離開的這一天，Leung Sir和的士司機一起替Miss Lam的行李抬進車尾廂。

「你真係諗清楚，決定跟佢去讀書？」Zoe小聲地在Miss Lam耳邊問道。

「都買晒機票，入學通知書都收到埋，唔通依個時候先黎反口呀？」Miss Lam反問道。

「點解唔得？」

「你好唔想我走咩？」

「咁又唔係，⋯⋯咁嘅時勢，有得走緊係走啦。我係驚你後悔姐。」

「後悔啲咩？」

「你同你個學生囉。你嗰陣冒住無咗份工嘅風險都要同佢一齊架。」

確實，她很愛他，也嘗試為他付出畢生最大的勇氣。然而，被遞捕時那份恐懼，還有被副校拿着二人的合照，以師生戀之名威脅她放棄夢想的時候，原來是那麼的無助，即使她做好了一切心理準備，世界還是像瞬間崩塌一樣可怕。

即使身邊的人已替她把壓在身上的瓦礫搬走，她還是無法重新站起來，依然瑟縮在那黑暗的角落。而為來為她在黑暗中重新燃亮早已熄滅的燭光的，亦不是心裏的那個他。

原來現實很殘酷，而你要學會的不是鼓起勇氣戰勝它，而是向它低頭的勇氣。始終有些界線不是單靠愛就能跨過。

「你地做咩仲唔上車？」Leung Sir問道。

「等埋你呀嘛。」Zoe微笑道，坐到司機旁的位置，把後排的位置留給Leung Sir和Miss Lam。

「上車啦，小心撼頭呀。」Leung Sir替Miss Lam拉開車門，又把手遞到車頂，以免Miss Lam碰到。

「唔該你。」Miss Lam禮貌道，然後踏進車門。

那刻Miss Lam意識到，她愛的是不是眼前人，但他卻是她這刻最需要的人。


來到機場，Zoe、Leung Sir、Miss Lam和他們的家人來到一家吃小籠包的餐廳吃晚飯，當作是為二人送別。

「快啲食啦，啲野凍晒啦。」Miss Lam的母親說。

「佢係咁，要相機食先。」Leung Sir看着忙着為美食拍寫真的Miss Lam微笑道。

「係得你先忍到佢。」Miss Lam的母親說。

Miss Lam無奈地反了個白眼，說：「係呀係呀。」

「你呀，去到嗰到唔好蝦人呀。」Miss Lam的母親又囉嗦道，想了想，又說：「不如你去係嗰邊結埋婚呀！」

「吓，咁快？」

「係囉，佢地仲咁細個，慢慢黎都未急。」Leung Sir的母親說。

「邊到快呀，都一齊去讀書，唔爭在結埋婚啦。」Miss Lam的母親又說道。

「佢肯我唔區呀。」Leung Sir看着Miss Lam說，等待她表態。

「食野啦你，咁多野講。」Miss Lam連忙夾了好幾塊牛肉和小籠包給母親，用眼神封住了她的嘴巴。

Check in後，Miss Lam和Leung Sir他們隨便逛了一下，正準備入閘時，Miss Lam身後竟出現了一把聲音，說：「Miss Lam！唔好走住呀！」

回頭一看，不是她預期想要見到的人，而是肥仔文、Yuki和學霸子傑。

「你地點知我今日走架？」

「見到你IG Story張相呀嘛。點解你走唔話比我地知？搞到我地咩都無準備。」Yuki說。

「唔洗啦，又唔係唔返黎。」

「我一定會好唔捨得你。」Yuki突然抱着Miss Lam說。

「你當初唔係好憎Miss Lam，仲淋佢水架咩？」肥仔文在背後嘲諷道。

「依啲叫不打不相識OK？」Yuki說。

Miss Lam沒想過Yuki會來送機，還說出這樣煽情的話，又驚又喜地伸手回應她的擁抱，說：「最多我聖誕假返黎搵你地食飯啦，好無？」

「到時候都唔知仲有無機會同你食飯啦。」Yuki突然鬆開擁抱Miss Lam的手說。

聽到這句話，眾人臉上的笑容突然僵住。

「一定無事嘅！有咩事搵我，我幫你地搵最好嘅律師打甩佢！」Leung Sir捏着肥仔文的膊頭說，試圖傳達一些信心給他。

「你地過到去要小心啲，聽人講啲英國佬好Mean。」子傑說。

「Miss Lam咁靚女，啲英國佬溝佢都黎唔切啦，點會Mean佢，Miss Lam可？」Yuki說。

「哇，你幾時變到咁口甜舌滑。」Miss Lam笑着說，心裏甜甜的，沒想到自己的學生會特意來送機。

「好啦，都差唔多係時候入閘啦。」Leung Sir的母親說道。

「唔好呀，你等多陣啦，阿祖黎緊呀。」肥仔文說。

「阿祖黎緊？」Miss Lam驚訝地問道。

「我啱啱Call咗佢，佢話佢黎緊，你等等佢啦。」肥仔文誠懇地說道。

「仲有時間嘅，我一地一係行住等多陣？」Leung Sir看了看手錶說。

Miss Lam轉身驚訝地看着Leung Sir，沒想過他竟會答應肥仔文。

於是，一行眾人在附近的商店又逛了好一會，期間他們笑說着在學校發生過的所有趣事，如肥仔文第一眼看到Miss Lam那口水都快流到地上的可笑模樣，Yuki當初如何反叛地與Miss Lam拌嘴，阿祖又如何作弄Miss Lam⋯⋯所有的事情都像昨天才發生，今天卻已要道別。

時間一分一秒過去，始終還是不見阿祖的身影，在準備入閘前，Miss Lam和Zoe一起去了趟洗手間。

終於等到只有她們二人的時候，趁着在排隊等廁格，Zoe問道：「佢最後都係無黎到，你有無好失望？」

「我本身都無預佢會黎。」

「但我見你啱啱都無點出聲，又係咁望手錶，你一定好想佢黎。」

「想又有咩用，佢都係無出現。就算出現咗，都改變唔到啲咩。」Miss Lam苦笑道。

「如果佢最後真係出現，仲捧住扎花叫你唔好走，你會唔會肯為咗佢留低？」Zoe問道。

Miss Lam沒有說話，只是微笑着，眼神很快便飄走了，像是在想些甚麼，又像是已下定了決心，甚麼也沒有想，沒有人能看清她究竟在想些甚麼。


「好啦，我真係要走啦。」Miss Lam說。

「真係唔再等下呀？」肥仔文着急地問道。

「再等就趕唔切啦，唔緊要啦，我又唔係唔返黎，總有機會再見到佢嘅。」即使Miss Lam微笑着說，還是難掩她內心的失望。

當Miss Lam和Leung Sir與學生和家人一一擁抱過，準備入閘時，一把聲音卻從身後傳來：「走得咁急呀？」

聽到這把熟悉的聲音，Miss Lam本來失望的臉馬上掛上笑容。轉身一看，確實是阿祖。

Miss Lam不徐不緩地走到阿祖面前，說：「終於捨得出現啦？」

「睇下你會唔會唔捨得我呀嘛，估唔到你真係咁絕情。」阿祖聳聳肩說。

聽到這句話，Miss Lam以為阿祖在怪責她，一時不知如何回應。

「講笑咋，有得走就緊係走啦，唔通留係到等睇我入去踎咩？」阿祖自嘲道，「唔洗自責喎，我明嘅。」

那時候，阿祖不知道這些都不是Miss Lam最想要聽到的說話。比起這些，她更想聽到他開口挽留她——雖然她未必會為他留下，但若不說，她就更沒有留下的理由了。

看着這個她最愛的人，再想想那個最能給到她所需要的一切的Leung Sir，她很矛盾。

「Sorry。」Miss Lam內疚地說，「係我自私。」

「記唔記得我講過啲咩？」阿祖問道。

Miss Lam疑惑又期待地看着阿祖。

「我講過為咗你我會努力，努力升上大學⋯⋯」阿祖說到這裏突然停住了，把本來那句「然後搵份好工，養你，終有一日我會令你對依段感情有信心」都吞進肚子裏，改口說：「再過黎搵你。」

Miss Lam的淚水在眼眶打轉。始終，阿祖都沒有挽留她。

「呀囡，係時候要走啦。」Miss Lam的母親在她身後喊道。

「我要走啦。」Miss Lam不捨地說。

「好啦，拜拜啦。」阿祖揮手道。

Miss Lam也揮手道別，然而，才轉身走了幾步，她又忍不住回頭衝向阿祖，緊緊地擁抱着，在他耳邊說了句：「我愛你，我等你。」

阿祖沒有伸手擁抱她，因為他怕自己伸了手便捨不得再放。而Miss Lam也不敢再正眼看阿祖，抱過他後便頭也不回地走向閘口，因為她知道若再讓她多看一眼，她的理智線便會斷掉。

「我都愛你，等我。」看着Miss Lam逐漸遠去的身影，阿祖說。

-----------------全文完-----------------