第十五章(3)
才剛下車,學生已一哄而散,只剩幾位老師和副校還站在夜市門外,等待副校長發號司令,尤其是饞嘴的Miss Lam,嗅到芝麻包的香氣從不遠處傳來,肚子都打起鼓來。
終於,副校準備開口,可說的卻不是Miss Lam想聽的。
「我知道附近有間食台式火鍋好出名,大家有無興趣一齊去食?」副校興致勃勃地問道。
Yeah!終於有得去行夜市,Miss Lam心想,正準備往夜市走過去時,卻被Leung Sir拉住了。
「緊係有啦,邊到呀?」Miss Chan滿臉期待地看着副校問道。
「就係前面咋嘛,我Book咗位架啦,大家有興趣就跟我行啦。」副校說罷便開始走向與夜市相反的方向。
「行去邊?唔係行夜市咩?」Miss Lam的耳朵都被夜市食物的香氣薰染,完全沒有聽到副校的話,在副校背後、小聲地向Leung Sir問道。
「去食台式火鍋呀。」
「吓?有夜市唔行去食火鍋?但我想食夜市啲野多啲喎。」被潑了盤冷水的Miss Lam失望地說道。
「一係我地唔去,我陪你行夜市啦。」Leung Sir牽着Miss Lam的手說。
「唔好,個個都老師都去,我地唔去唔係咁好嘅,好似唔捧佢場咁。算啦,唯有下次先行啦。」Miss Lam連忙跟上老師們的隊伍。
來到這所人氣台式火鍋店,門口都是人龍,副校大概是早好一段時間已預約了,他們才能一來到就被帶進包廂,避開外面的人聲鼎沸。
來到房間,是一張大圓桌,副校理所當然地坐在正中間,左邊是Miss Chan,右邊則是Miss Lam,而Miss Lam的一旁則是Leung Sir,其他幾位男老師和女老師則梅花間竹地坐在一起。
「大家睇下餐牌,睇下有咩想食。」副校拿起餐牌問道。
「人蔘湯底夠養生,豆腐湯底好似都唔錯。」Miss Li說。
「但個黑芝麻湯底好似特別啲。」一位男老師說。
「可唔可以加任食鴨血?」一位女老師問道。
「我都OK呀,睇下你想食咩。」Miss Chan說。
麻辣湯底好似都好正咁,Miss Lam看着餐牌上的縮圖心想道,卻不敢說出口,可一旁的Leung Sir早已看穿好吃的Miss Lam的心思,說:「不如要個麻辣湯底。」
「那要兩份四人套餐,一個要人蔘湯底,一個要豆腐湯底,然後要任吃鴨血,再要八瓶啤酒,謝謝。」副校以勉強能溝通的普通話說道。
「想⋯⋯」Leung Sir再一次想要替Miss Lam點麻辣湯底,Miss Lam卻按住他的手,搖頭想以眼神阻止他。
然而,Leung Sir卻堅持說:「要個辣麻湯底,謝謝。」
「Leung Sir你唔驚聽日開唔到聲咩,咁熱氣。」
「啤酒你都唔驚,麻辣湯底又點會⋯⋯」Leung Sir還未說完,Miss Lam已打斷他,說:「係囉,都係算啦,服務員,幫我把辣麻湯底取消掉吧,謝謝你。」
「好的,各位請稍等,食物很快就到,大家也可以到外面先夾點前菜,邊吃邊等。」服務員說,把桌上的餐牌稍作收拾後便離開了。
「咁不如我地出去夾啲野食呀。」副校提議道。
「好呀,你地去幫我夾埋,我係到幫你地睇袋呀。」Miss Chan說,於是其他老師都紛紛走了到外面的自助吧枱夾小食。
來到自助吧,這裏有各式各樣的台式小食,如鹽酥雞、炸地瓜球、花枝丸等,就是沒有Miss Lam最想試的芝麻包和蚵仔煎。
「Miss Lam做咩唔夾野,無野啱食咩?」副校趁Leung Sir去了洗手間的空檔,走到Miss Lam身旁說。
「唔係呀,啲野太吸引唔知夾邊樣先好姐。」Miss Lam連忙在臉上掛起笑容說。
「聽講依到啲地瓜球幾好食架,仲有台式腸呀,鹽酥雞都係,你試下。」副校主動替Miss Lam夾小食,一下子功夫便把它本來空空如也的碟子給填滿了。
「唔⋯⋯唔該晒你。」Miss Lam勉為其難道,擔心着要怎樣才能把這盤東西吃光。
「係呢,阿祖最近好似又開始故態復萌,你身為佢表姐真係要多啲關心下佢。」副校說。
「哇,Miss Lam你夾咗咁多野嘅。」Leung Sir突然出現在Miss Lam身旁替她解圍道。
看到Leung Sir的出現,副校的視線從Miss Lam移到自助吧的食物上。
「副校話好食,唔覺唔覺就夾咗咁多,我地Share呀。」Miss Lam像看到救兵似的看着Leung Sir說。
「哇,你塊面咁白嘅,面色唔係幾好喎,唔舒服呀你?」Leung Sir問道。
心思細密的Leung Sir總能最先察覺Miss Lam的不同。
「係咩?可能依兩日太攰,有少少頭痛啦。」
「唔舒爭唔好死頂喎,洗唔洗返去休息下先呀?」Leung Sir問道。
「但啲學生都未翻黎,唔係咁好嘅。」Miss Lam回應道。
聽到Miss Lam身體抱恙,副校的目光重新回到Miss Lam身上,說:「唔洗擔心喎,我地咁多個老師,何況一陣都係帶佢地返去姐,你搭的士返酒店休息下先啦,聽日仲有咁多活動。」
「但⋯⋯其他老師知道會唔會唔係咁好?」
「咁你唔舒服你都唔想嘅,我諗其他老師會明嘅,你返去先啦。」副校又說道。
Miss Lam有點猶豫,想起難得來到台灣竟不能逛逛夜市就覺得有點遺憾,現在連個台式火鍋也吃不到,和沒有來過有甚麼分別?
「返去休息下啦,身體要緊呀。」Leung Sir又說道。
抵不住二人再三勸說,Miss Lam才猶豫地說:「咁⋯⋯好啦,我返去先啦。」
「我送你落去呀。」Leung Sir說。
「落去就有的士搭,我諗Miss Lam自己應該搞得掂嘅。」副校說。
「係囉,我自己得架啦。」
「好啦,我啱啱行過黎嘅時候見到好似有間粥鋪,清清地,買碗返去休息下先啦。」Leung Sir微笑道,接過Miss Lam手上的碟子。
「咁麻煩你地啦。」Miss Lam揉着兩邊太陽穴說。
--------------
要唔要睇多少少?
