《十七歲嗰年，我做咗Miss隻兵》3

推

唔好sad end

9成9又sad end

Jessie啲故可唔可以唔好成日sad end

推~我都想睇兩個版本

第十七章（4）

很快阿祖便來到樂富廣場的天橋，眼見對方有十來人，正拿着𠝹刀等物件在撕毀他和肥仔文等人一手一腳辛苦黏上去的文宣。

而肥仔文和Yuki則只能眼白白地站在一旁，直至看到阿祖的身影，肥仔文連忙激動地上前拉着阿祖的手，說：「你終於黎咗啦！」

「喂，你地班仆街係到做咩？」阿祖上前拉着其中一位阿叔的手說。

「咪阻撚住晒呀死𡃁仔！」阿叔甩開阿祖的手，繼續把牆上的文宣一一撕去。

「邊個比你撕？」阿祖再次拽住阿叔的手，死命不讓他繼續撕下去。

看到這畫面，旁邊的阿叔連忙放下手上的工作過去「幫拖」。

眼見好兄弟被圍，肥仔文鼓起畢生人最大的勇氣，奪過旁邊清潔阿嬸的掃把，還不忘和阿嬸說聲不好意思，然後深呼吸一口氣，才走到阿祖面前，揚起掃把說：「你⋯⋯你地唔好埋黎呀，我地Call咗人，佢⋯⋯佢地黎緊架啦，你地精精地好走啦吓！」

「𡃁仔，你唔好係到阻住阿叔搵食呀吓，唔係一陣唔好怪阿叔唔客氣！」一位拿着𠝹刀的阿叔說。

「有我地係到嘅一日，我地係唔會比你地破壞依到任何一張文宣！」阿祖瞪着那位阿叔，即使自己是空手赤拳也無半點退縮畏懼。

「呀，仆你個街，當自己係咩呀？香港就係比你地依班死𡃁仔搞彎晒！知唔知幾多人無飯開就係因為你地！」另一位阿叔正拿着士巴拿激動地說。

「喂，阿叔你無飯開係因為個仆街政府，關我地咩事，唔好賴得就賴喎！」Yuki也激動地指着那位阿叔說。

「啊，死𡃁妹咁撚多野講，信唔信阿叔我𠝹到你塊面花晒呀拿！」一位阿叔拿着𠝹刀在Yuki面前揮來揮去，卻被阿祖抓住他的手，說：「你夠膽郁佢我同你死過。」

「屌，咪撚同佢地曬時間，總之邊個阻我搵食就劈邊個！」拿着士巴拿的那位阿叔說。

這時候，學霸子傑等人都來了，兩群人推來推去，擾擾攘攘，最終變成了混戰，你揮刀，我揮拳，始終阿祖他們還是處於弱勢。

突然，一位阿叔發現了一位女生正站在不遠處偷拍他們，大叫道：「死𡃁妹，影咩影呀！」

這一聲號令下，所有人的目光都投射到那女生身上，竟是他們的Miss Lam。

「你地繼續呀，繼續打呀，我已經影低晒你地啲暴行，到時我會交上庭作為呈堂證供。」被發現的Miss Lam完全沒有停下來的意思，繼續拍着這些大叔。

「八婆呀，影乜撚影！？」一位阿叔走到Miss Lam面前，拿起她的手機，㧜到地上說。

「你即管dum囉，我啱啱開緊Live，全世界都睇到你地啱啱嘅所作所為。你地好停手，唔好再恰我啲學生啦吓！」

「你啲學生？哈，你睇落最多咪大佢地幾歲，咪係到扮撚晒野啦，八婆！」那位阿叔竟伸手摑了Miss Lam一個巴掌，疼得她的右臉一時之間失去知覺，過了好幾秒才感受到一片火辣辣的。

看到這畫面，不僅是阿祖，其他人都氣得爭相上前圍着那位阿叔，對他拳打腳踢，其他阿叔見狀也馬上出手想要營救他們的隊友。

於是，場面再次陷入一片混亂。

阿祖好不容易才把Miss Lam拉到自己身後，既是生氣又是擔心地說：「我咪叫咗你唔好黎囉！」

「我擔心你呀嘛！」

「警察！你地係到做咩！？好停手啦下！」突然，天橋的另一端走來身穿制服的幾個男人，那些阿叔頓時一散而去，子傑等人眼見情況不對勁，也馬上隨之散去，那些穿制服的男人則緊追着他們。

阿祖拉着Miss Lam的手往前跑，可笨拙的Miss Lam被肥仔文隨手扔下的掃把絆倒，整個仆了在地上。

「你快啲走啦！」Miss Lam對阿祖大喊道。

「你快啲企返起身，我地一齊走！」阿祖拉着Miss Lam的手堅持不願走。

「但⋯⋯」

「警察，」身穿制服的幾個男人走到二人面前，打斷了Miss Lam的話，拿起手扣，低頭對二人說：「依家懷疑你地觸反非法集結罪，麻煩你地跟我地返去協助調查。」

「咔！」的一聲，Miss Lam與阿祖的手腕被鎖上了手扣。


經過漫長的扣查後，阿祖、肥仔文、Yuki和Miss Lam等人終於得以從警署步出。

而當他們步出警署，除了肥仔文、Yuki等人的家長外，Leung Sir竟然也在場。

「Leung sir？點解你會係到？」子傑驚訝地問道。

「我黎保釋你地，同埋睇下有無野要幫手。」Leung Sir回答道。

「你點知我地比人拉咗？」

「我睇咗Miss Lam 個IG Live，咪試下去最近樂富嘅警署，點知你地真係係到，你地無事呀嘛？」Leung Sir的看着眾人問道。

「好彩Leung Sir話比我知你個衰仔係到咋，唔係我都唔知要去邊到搵你！做咩學人打交呀死仔包，依家比人告你非法集結啦，你開心啦！？」肥仔文的母親一邊拍打肥仔文一邊問道。

「Mom ask you to call her.」Yuki的工人把手機遞到Yuki手上說。

突然，Miss Lam的手機已響起。

是副校的電話號碼。

即使還未接電話，她已馬上猜到電話的內容會是甚麼，愈想心愈是慌——難道她真的要因此被革職嗎？那她憧憬的未來怎麼辦？

「要唔要我幫你聽？」Leung Sir問道。

Miss Lam的腦袋一下子無法運作，只繼續一片茫然地盯着手機屏幕看。

眼見再不接便會掛線，Leung Sir奪過Miss Lam的手機，替她按下了接聽鍵，說：「Miss Lam去咗洗手間，我係Leung Sir，有咩事搵佢？⋯⋯嗯，OK，⋯⋯明白，我幫你話佢知。」掛線後，Leung Sir把手機放回Miss Lam手上，說：「副校叫你就依件事打份詳盡嘅報告，聽朝九點去佢房搵佢。」

「唔該你，保釋金我一陣過咗比你。」說罷，Miss Lam一聲不發地往前走，阿祖緊跟其後。然而，走了好幾步後，Miss Lam突然停下了腳步，使身後的阿祖差點撞上她的背。

「我想靜下。」Miss Lam不帶一絲感情地說。

「我陪你。」阿祖說。

「唔洗啦。」

「我陪你啦。」

「都話唔洗囉！」Miss Lam感受到身後的學生和家長的目光正聚焦在自己身上，努力平復下來，冷靜地對阿祖說：「我一個人會舒服啲，你返去先。」

就這樣，Miss Lam拖着沉重而緩慢的步伐，獨自走出了警署，而阿祖只能看着她的背影逐漸從自己身旁遠去卻無力阻止。

對唔住，係我拖累咗你。

但兩個版本好似上帝之手

我寧願有上帝之手都唔要得sad end

Jessie 真係好守信用 夠30個正評真係就即出

可以當係平行時空

+1想有個happy end版本

推

第十七章（5）

星期日基本上不會有老師回校，可這天早上九時不到，副校和校長已召開了兩個小時的緊急會議。

Miss Lam站在會議室前，深呼吸了一口氣，拿着她徹夜未眠寫起的報告，鼓起勇氣敲響了會議室的門。

「確確！」

「入黎。」副校說。

「早晨，校長、副校。」Miss Lam說，走到長桌前，把文件遞到三人面前。

「Miss Lam呀，你嗰件事學校已經知道，目前黎講警方打算起數你同另外五位同學非法集結，你有咩想講？」

「其實件事嘅詳情我已經寫咗係份文件到，我去係想救啲學生，而我嘅影片都證明係班人拎𠝹刀、士巴拿威脅啲學生在先，學生只係自衛。」

「咁點解你同啲學生會係到出現？」副校質問道。

「我收到消息啲學生會去保護佢地嘅連儂牆，我擔心佢地有事所以去睇下佢地。」

「咁點解你唔去阻止佢地，而係係一邊拍片？」

「因為我以為只要我影低啲證據到時交比警方，啲學生就會無事，但原來事實係點根本唔重要，佢地只係想見到佢地想要見到嘅野。」

「比起影低所謂嘅證據，身為老師嘅你更應該阻止佢地做犯法嘅事情。」副校義正辭嚴地說。

「但犯法嘅明明係嗰班拎士巴拿、𠝹刀威脅我地學生嘅人。」Miss Lam說無奈地說，不明白副校何以一句關心學生的說話都沒有。

「所以你都係覺得自己咁做係正確，無做錯到？」副校又問道。

Miss Lam沒有說話，因為她知道她說的不是他們想聽的，即使是，也不會改變他們早已下了的決定。

「林老師，唔係我地想同你劃清界線，但你依家比警方控訴，一旦罪成，教育局一定吊銷你個教師牌，我地都要同啲家長交代，希望你⋯⋯。」校長終於開口說話，卻被Miss Lam打斷了。

「希望我主動辭職？」Miss Lam問道。

「我地希望你可以為依件事負返應有嘅責任。」

自今天報章在新聞裏刊登了她的名字後，她其實已知道自己注定不可能再待在教育界，然而，只要想起她最疼愛的學生，她還是不甘心，不甘心為甚麼那些襲擊她學生的人可以逃之夭夭，可以甚麼責任都不用負，而她的學生奮身捍衛自己的價值就是犯法？

想到這，Miss Lam選擇沉默。

「所以，林老師你嘅決定係，你唔會主動辭職，我無理解錯，係咪？」副校問道。

Miss Lam依然沒有說話。

面對不發一言的Miss Lam，副校突然從桌下翻出一張照片，竟是Miss Lam與阿祖在外用餐時，互相餵食的照片。

一看便知道這些照片是偷拍而來。

「依張相邊到黎？」Miss Lam驚訝地問道。

「我地查過，其實你同楊祖耀根本唔係咩表姊弟，而你做嘅野已經超越一個老師同學生應該有嘅界線。」副校說道。

Miss Lam看着這些照片咬牙切齒，卻一句話也說不出口。

這天，終於來了。

沒想到她朝着這目標努力了這麼多年，才剛達成，這個夢這麼快便要醒來了。

她突然後悔教學生要當一個善良不忘良知的人，要知道，在這現今這社會，好像只有忘掉良知才能活得更好。

「多謝你地依大半年嘅照顧，我獲益良多，希望你地真係會幫啲學生。
副校長，如果你仲會請新老師填補返我個位嘅，我希望你可以唔好再潛規則嗰位老師。」Miss Lam拿出一張照片，裏面有一份寫有她名字的常額合約和一條蕾絲睡裙，續說：「我知依張相唔可以證明啲咩，但係台灣，你對我講過啲咩，要我點樣滿足你你先會比個Perm位我，你自己心知肚明，你好自為知。」

說罷，Miss Lam拿起手袋，站了起來，繞過長桌，打開大門，頭也不回地走了。

再見，我曾經嘅夢想。

自從Miss Lam遞交辭職信後，Miss Lam沒有再回過她那位於唐樓的住所，阿祖去了很多以往二人一起去過的地方，可是任阿祖再找也始終無法找到，她像是人間蒸發了的，消失不見。
-----------
仲有最後一章，快啲正評＋留言，我會盡快出埋佢！

大家努力正評晒三個Post，都過150正評，我考慮完故再出番外
（P.s結局唔一定係Sad End嘅）

今次到miss lam玩失蹤

推

目前黎講警方打算起訴你同另外五位同學非法集結

可能結局係阿祖搵到Miss Lam呢

臨瞓前睇到Jessie更新，正不過劇情去到呢個位，我依家驚自己會心掛掛瞓唔著

希望Miss Lam同阿祖喺最後一章入面無論遇到咩困難，佢哋都會記得第十七章嘅標題啦

一次過追曬幾篇好爽

第一個過咗，第二 三爭廿幾人喳，推

Lm

推