《十七歲嗰年,我做咗Miss隻兵》3

883 回覆
176 Like 2 Dislike
2021-03-07 20:32:07
落咗藥 性交易
2021-03-07 21:37:42
我睇多次篇文都唔明 邊度有性交易
2021-03-07 21:48:03
可能太隱晦,係咁多件事加埋好巧合。姐係咁啱倒瀉杯水,然後又SD學生成績比佢睇,然後再擺份contract出黎,其實就係如果佢想拎到份contract就要做啲野,唯有遲啲擺上紙言個版本再講明少少
2021-03-07 21:49:04
佢係有預謀㗎
無論係藥定倒瀉水 都係暗示佢想簽長約就要交易
2021-03-07 21:49:41
第十六章 「我都唔想擔心你,唔想理你,但⋯⋯但我唔知點解好自然就會諗起你,我控制唔到我自己!」

陽光穿透白色的薄紗灑進房間,打在Miss Lam的臉上,把她從睡夢中喚醒。

她眨了眨眼睛,看着透明的落地玻璃,沒有101大樓,只能看見台北的城景還有對面的高樓大廈,再環視整個環境一圈,地上放着她凌亂的行李箱,書桌也放着一貫使用的護膚品,她才漸漸意識到自己正身處自己的房間。

但係我琴晚唔係⋯⋯係副校間房架咩?跟住發生咗咩事?Miss Lam心想,回憶起昨晚那份充滿重影的合約,腦袋也跟着疼痛起來。

那她是如何回到房間的?還是說昨晚發生的一切只是一場夢?包括她與阿祖的那個吻,副校與她說的話⋯⋯

「叮噹!」

門鈴突然響起,Miss Lam只好拖着沉重的身軀,不情願地去開門。

「早晨呀,你好啲未?」Leung Sir拿着兩袋早餐站在門前問道,伸手摸了摸Miss Lam的額頭,說:「哇,仲有啲燒喎你。」

「你又知我唔舒服嘅?」Miss Lam按着太陽穴問道。

「身為你男朋友嘅我點可以唔知道,快啲過黎食早餐,我特登今朝一早起身就走去買,食完再食藥。」Leung Sir徑自走到書桌前,放下手上的豆腐、蛋餅和瘦肉粥。

「琴晚⋯⋯係你送我返房?」Miss Lam問道。

「緊係,唔係仲有邊個。」Leung Sir理所當然道,然後拉着Miss Lam走到書桌前,把她按在椅子上,說:「快啲食野啦,我買咗你鍾意食嘅芝士蛋餅。」

「你係邊到送我返黎?點解我完全唔記得嘅?」

Leung Sir臉上的笑容突然凝固了,試探道:「你仲記唔記得最後你係係邊到?」

「⋯⋯副校間房?」Miss Lam也遲疑了數秒才緩緩吐出這句話。

「以後小心啲佢,佢唔係咩好人,知道嗎?」

「但你點入到黎?我記得我好似暈低咗架?」

「要救我心愛嘅女朋友,我總有方法嘅,快啲食野啦。」

「咁你點知我係副校間房?」

「你食住先,我去同Miss Chan講你仲病緊,今日要請一日假。」

「你未答我問題呀。」

「有啲問題或者唔知道答案會好啲。」Leung Sir背着Miss Lam說道,接着便打開房門離開了。


這夜是這次交流團的最後一夜,第二天下午眾人便要乘飛機回到香港,所以這夜的晚飯特意選了在酒店的宴會廳進行。

這時候已在房間休息了一整天的Miss Lam已退燒,便換上衣服來到了只與房間相距數層的酒店宴會廳。

而這次帶團的幾位老師和負責這次交流的大學職員、學生被安排了坐在同一席上。由於其他老師正忙着一會的歡送會和安頓學生,只有剛病癒的Miss Lam和一些大學生坐了在座位上。

「聽他們說你生病了,沒事吧?」巧巧對坐在身旁的Lam關心道。

「沒事了,謝謝你的關心。」

「昨晚你在夜市掉了錢包,阿祖去找了你很久呢!還好最後找到你了。」巧巧小聲在Miss Lam耳邊說道。

聽到巧巧這樣說,Miss Lam的目光很自然地落在正坐在不遠處的阿祖身上,竟發現他剛巧好像也正朝着自己的方向看。

還是只是她的錯覺,他看的是巧巧?

「聽說他昨晚還不見了錢包,最後是副校替他找回的呢,估計折騰了一個晚上,今天才會這麼累,一上車就睡着吧。」巧巧說道。

「我記得他送我回去的時候明明錢包還在身上的呀,怎麼就不見了錢包?」Miss Lam問道。

「他說是回到酒店後才不見的,最後好像是有人撿到送回櫃枱,他還被副校長教訓了一番,要他下次小心一點呢。真可憐,不見了錢包還要被罵。」巧巧同情道,Miss Lam仍是一臉疑惑地嘗試拼湊昨晚發生的事。

這時剛把學生安頓好的Miss Chan回到座位,沒想過竟會看到Miss Lam,問道;「Miss Lam你無事啦?」

「退咗燒,應該無事啦。今日真係唔好意思,要你地做埋我嗰份。」

「內疚嘅,下次飲茶你嘅。」Miss Chan理所當然道。

「佢病咗都唔想架。」Leung Sir替Miss Lam說道。

「咁但我地真係做埋佢嗰份喎,一係你依個男朋友代為慰勞下我地啦。」Miss Chan仍死心不息道。

「拿,飲茶就無啦,不過我今日就突登買多咗幾盒鳳梨酥嘅,大家分咗佢,當Miss Lam答謝大家今日幫佢補位。」Leung Sir從桌下拿起幾袋維格的鳳梨酥放到桌上,心想破財可不要緊,千萬不要他花時間和這可怕的女魔頭喝茶就好。

「哇,Leung Sir真係唔話得,幫女朋友諗好埋買咩答謝同事。既然你咁有心,我都唔客氣啦吓。」

「Miss Lam記得返到去補返請假信,同埋寫返份Report點解要學生係夜市搵你,搞到無跟到大隊返去。」副校突然嚴肅地說道。

也許沒有人想過副校會突然在這輕鬆愉快的場合說這些正經事,一時之間大家都不敢作聲。

「喔,知道。」Miss Lam怯怯地說道。
------------
紙言、penana已回復更新,應該星期五可以追到今日依個更新,
多謝大家仲推文,萬分感激!!
2021-03-07 21:50:02
自欺欺人係最可怕
2021-03-07 21:52:02
一定唔係梁sir條仆街救佢既
2021-03-07 21:53:33
屌Leung Sir好煩膠
2021-03-07 21:56:09
梁sir幾時做左男朋友 定我睇漏左
2021-03-07 22:25:41
做咩無頓頓變咗男朋友
2021-03-07 22:33:32
我以為淨係我睇漏
2021-03-07 22:43:29
咪就係!!!
2021-03-07 22:49:09
!?!?
中間出少咗篇定係打咗兩篇出咗第二篇?
2021-03-07 22:52:26
係酒店嗰part 都有D真實性

...但係點解突然間咁TVB 😅
2021-03-07 23:00:38

但係miss lam冇否認
2021-03-07 23:00:53
仆街副校
2021-03-07 23:02:32
副校唔係女咩
2021-03-07 23:39:43
我唸會唔會係阿祖知Miss Lam入左副校房 跟住偷偷地同Leung Sir報串叫佢入副校房睇下Miss Lam呢


我唸到一個冇乜可能發生 就係Leung Sir同副校夾埋呃Miss Lam 跟住Leung Sir果陣已經同另一個miss撻著左 希望唔會啦 細思極恐...
2021-03-07 23:45:55
我估係阿祖救既 去副校間房果陣唔知點解跌左銀包

愈睇愈心寒 咁果晚Miss Lam係廁所暈左副校係邊...同埋間房明明應該鎖住
2021-03-07 23:47:02
Leung Sir真係不知廉恥
2021-03-07 23:47:11
我都覺得唔係 佢只係負責善後送Miss Lam番房 中間發生過咩事又唔知
2021-03-08 00:13:10
我會話試下唔好自欺先
2021-03-08 05:19:26
2021-03-08 09:03:32
2021-03-08 10:53:25
推呀!!!
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞