既然大家講呢個勇士嘅黑歷史,我都講吓我嘅睇法。
其實個年唔多唔少係抵死,3-1嘅領先,Green停賽,Bogut嘅傷出,最後Irving個球3分,都歷歷在目。
Barnes點解比人罵,係因為整個Final都打得好垃圾,包括Game 6 “0”分。浪花打得差?其實都唔算係,只不過LBJ當年真係好屈機,同最後個幾場騎士球員越嚟越有火,加上Irving當時完全可以抵消Curry嘅得分,由其係Game 5-7,完全冇人限制到佢地;加上green嘅停賽,LBJ完全屈死咗個籃底,氣勢上完全係騎士個邊。
如果green Game 5-6都出賽嘅話,可能一早就完咗比賽,因為呢兩場浪花都打得唔差,由其係game 5,而且Green Final系列賽係有MVP嘅表現。
不過世事無如果,唔係都唔會有KD加盟,同Thomson都唔會防守能力有飛躍嘅進步。
題外話-Barnes係咪廢?
其實勇士係一個舒適圈,因為有浪花兄弟,基本上唔會有太大防守壓力,所以數據上會有明顯上升,Barnes就一定係最大得益。佢係一個唔差嘅SF位球員,佢有3分能力,可以做定點射手,有傳球能力,亦都可以話係有防守能力,又好少傷,看似好全面,加上SF位本身呢個年代勁嘅人唔多,所以人在勇士,就會看似幾好用;但佢嘅上限就真係唔高,能力平均(簡單啲講就係遊戲上所以能力點都平均咁分佈),加上佢唔需要太多球權,所以一定會有球隊要。
但廢就唔算係,由小牛到國王,我覺得佢都無咩退步,只係進步步伐唔高,但都叫做稱職嘅starter player。
不過我係好同意2016 final 佢就真係好廢。