手縫皮革討論及製作分享 [2]

巴打有無話想做啲咩？
基本工具點都要有啲，呢方面可以問平巴，佢好似出過入坑set list

想慢慢試唔同野
應該由簡單card holder開始
跟住得既再上銀包level
最終目標應該係notebook袋

咁我等平巴上水學野

咁嘅話，我講一講我整一個卡套會用咩工具，比你參考下
假設用植鞣牛皮做原色上蠟封邊
-格仔紙/麻雀紙
-鐵間尺、筆、剪
-圓錐
-CUTTER、裁皮刀（用得裁皮刀點少得磨刀套裝、刀油、燙刀板）
-𠝹板
-間距規
-斬
-鎚
-打斬膠板
-法錐（平錐）
-床面處理劑
-白膠/黃膠、上膠片
-手縫夾
-針、線、線蠟
-磨砂紙（底中高號數都要）
-壓邊器
-削邊器
-封邊蠟
-布

應該差唔多，有剩等平巴再導你

好多新手見到呢堆list已經放棄左

上次去workshop都試過玩
對呢個量有心理準備

唔洗要機都仲放得落
但係呢到要幾錢到

新手入坑留名

借朋友ac 支持一下平靜巴打

見大部分人會玩既都係鱷羊牛馬臀多少少，咁今次想介紹下少人用既魔鬼魚皮

咁魔鬼魚皮係一種硬到爆皮革，通常用鑲嵌去做居多

.
今次就會想試用馬臀皮做框內鑲魔鬼魚皮
.
咁第一個難題當然係點裁 la, 我睇過好多人眾說紛紜，因佢好硬直用刀正面裁會裁崩把刀 ，所以亦有老師傅教用鋼剪，但剪會唔齊口，如果係廠會整最高硬度刀模cut ,
但我就決定反轉張魔鬼魚，係背後畫哂記號，再cut出（當然都會崩刀，但魔鬼魚背面是較軟的纖維層，較易入刀）

勉強裁出後，我把刀都崩哂要再磨，然後再用另一把刀再精裁魔鬼魚皮同要預備好個框


好啦有框有魚，咁我依個長財款亦準備左個裝飾銀扣（本地職人幫手訂製）再裝上

好啦然後我底皮會用buttero 雙肩做裡皮再鑲魔鬼魚皮上去

同時裁出背面要用卡位


好啦你見我縫好左魔鬼魚好似輕鳩鬆，其實唔係因係用斬打落皮框加魔鬼魚皮度你枝斬會gg ，要先打哂斬孔落皮框，再逐個用錐錐穿再縫，縫魔鬼魚皮並不易。大家試一次就知

好啦然後就係師兄們教過亦長財製作方式，我廢事重複請參考上面




暫時做到依度然後準備兩邊打斬再縫合

第一次見依種皮 靚呀！

有神快拜
馬臀，魔鬼加本地職人製銀飾咁另類嘅配搭真係開眼界，連登果然好多高手
想知銀飾係點鑲上塊魔鬼魚皮？開孔上螺絲？咁做個圓沖會唔會收皮

魔鬼魚塊面咁硬，完全想像到個難玩程度，期待巴打完成

就係要呢啲

歡迎巴打加入鋤皮圈

好賤巴個list 好整齊亦都係必需工具
而所有工具都係豐儉由人，唔知巴打預算幾多

最最初級大概要$1800左右，放心初學黎講用到電嘅機係未需要用到住，其實去大南街幾間有工具賣嘅皮舖都會介紹到你起步需要啲乜

極唔建議支那寶啲劣質新手工具套裝，質素差嘅工具只會令你更難做得好，亦會失去信心

呢度有巴打好勁自製工具，百份百啱自己用但前提係要對整皮需要嘅工具有基本認識先

我諗任何興趣都一樣，越玩得耐就會越認真對待自己套工具，想佢perform得更得心應手，繼而慢慢將套架生升級，其實儲工具都係一種樂趣

自從接觸手縫皮之後，除左皮鞋外身上所有皮件都冇再出錢買，但有時都會買其他值得欣賞嘅皮職人作品
計落投資工具可能有賺的

我比較鍾意做啲感覺優雅嘅皮件
新入手幾個royal級皮帶扣
感謝一位朋友幫手喺法國訂番黎

唔好咁講，第一次做魔鬼魚皮only求高手教下其他製法 錶飾係兩腳螺絲，螺絲腳都係剛好，唔會預太長15mm , 好問題，我支韓國圓沖正面打兩下 GG左都係建議背面打，個損耗會細d

更正 銀飾螺絲腳係1.5mm

睇黎做魔鬼魚皮件犧牲工具係避免唔到
都係嗰句期待巴打完成

多謝巴打咁有心

我都係睇下youtube學下基本知識先
睇曬介紹再慢慢決定買咩整咩
希望唔好太快放棄

巴打唔係上堂學過咩，買齊工具就唔會咁易放棄喇

個陣整左條錶帶
叫做學左點樣縫線

但係唔同皮有咩分別都唔太知
重要自己學下點樣界皮
睇人哋整好似好易錯
個人本身冇咩天份

正常呀，大部分皮革班都係想教你做好一個product
開料畫格，皮料分別，工具用途已經係深一層嘅認識
去大南街行一轉或者多啲上黎吹下水會有巴打答到你架喇

完成扣後下一部分係袋內兩塊隔板

造皮件好多時都會因為想某啲地方挺身作支撐而家入唔同墊料
喺之前造sample 過程發現一個挺身嘅隔板原來可以頂起成個袋型，所以今次用左Bontex去做骨幹

紙上面印有箭咀，係用黎表示呢類纖維紙同皮革都係有向性的，所以重疊時互相垂直咁貼合會令隔板更耐用

綠色係皮面，內裡我通常都會玩下contrast 色，今次拼鮮橙
皮料係日本嘅豬二層，袋內反毛內裡係有一種好高貴嘅感覺

將內裡貼喺纖維紙上

學書咁包隔板頂，冇乜特別技巧

完成隔板
下一part 係成個袋最難造嘅handle

Handle個立體芯係將大概16層皮革堆疊後再逐刀削個柄形出黎，重點在於一把利刀

先將皮料貼合

畫出想要型狀再慢慢裁出柄型

Saphir Cordovan Shoe Polish

巴打知唔知呢個邊度有得賣

有冇話邊間鋪會好D
唔太識揀皮同工具怕做水魚
定係有冇咩牌子推薦