火鳳燎原集中討論區（5）

講開又講, 我發覺 顏良 文丑 好似無乜出名既戰績
但就唔知點解 吹到佢地兩個名氣好似好大咁, 乜乜河北名將

反而我發覺 麴義 既戰績仲勁.........界橋之戰 打柒公孫鑽 既白馬義從, 然後一直係前線帶兵打公孫鑽
可惜最後功高蓋主, 被袁紹殺左, 令到無咁出名

按照歷史，趙統、趙廣都去唔到洛陽，而趙廣會響沓中斷後時英勇戰死

麴義、張郃都係韓馥派出身既將領，前者功高蓋主對於新得河北既袁紹黎講，係一場禍害，所以先要殺手。而張郃亦唔見得被重用，只係火鳳將佢同袁方襯托，先有更多戲份，史載佢直到官渡戰後先開始多記載

而且由佢同郭圖既爭論中，起碼知道佢唔係袁譚派，而袁尚手下都冇幫佢辯護，大致判斷到韓馥派出身既張郃，係兩邊都唔討好

佢2個出名係因為比關羽殺
麴義呢d用弓弩手打贏騎射既白馬義從冇咩可以吹

白馬義從其實先利害
劉秀當年起家都係靠幽州突騎平推

打公孫讚統一河北D歷史比人抹咗
同關張前期冇戰積一個道理

冇話佢廢
用弓弩手打騎射係一個好基本戰術

公孫瓚喺演義同前期三國志弱化得好緊要，
3代時，只有公孫越、嚴綱，之後兩個死晒加入趙雲。幽州又SET到人口極少。
可以同四世三公虎鋸冀州嘅袁紹打咗咁耐，公孫瓚應該好勁。

前期青州流寇攻河北比公孫瓚屠咗幾萬
所以先轉落去打兗州同人妻打 仲要係55開

後期如果唔係佢死守易京一帶一兩年拖住袁紹
官渡可能會更早發生

係基本
但你頂唔頂到又係另一個問題
唔係咁易㗎

佢唔殺劉虞佢有機

咩比例嚟架 one piece咩

關張 都有提到佢地一開始加入 劉備組織既義勇軍, 去打黃巾軍

但 顏良 文丑 係史書紀錄就一直是 河北名將
佢地兩個 有咩事跡做到名將, 就無提到

其實 東漢軍閥混戰初期
主要是 袁紹及盟友 vs 袁術及盟友
兩個姓袁 既大打出手

當時曹操都係跟 袁紹......而孫策 就係跟袁術......

但三國演義 就以 曹操, 孫策, 劉備 做主角
令到 袁紹, 袁術 好似變左配角咁, 無乜特別描寫......一係唔出場, 一出場就會成為 曹操/劉備 既經驗包

因為根本就唔係D咩特別勁既人
成個三國志得兩句你想有幾勁

文顏事蹟抹咗真係唔知
但比得荀彧沮授點過名
一定係有返咁上下聲名先可以

當時白馬義從跟住公孫瓚打烏丸鮮卑，響北方邊境橫行無忌，係聞名既精銳部隊，而麴義率領既弓弩手係後來聞名既「先登」，所採用係從羌人吸收既對外族戰術


你可以見到麴義敢於以小搏大，弓弩打騎兵最怕被拉近距離突擊，但佢係等到最大效果距離先出手，可惜史書冇記載更多細節，唔係就知道麴義兩側齊射係唔係有埋伏輔助

沮授:良性促狹，雖驍勇不可獨任。
荀彧:顏良、文醜，一夫之勇耳，可一戰而禽也
呢D唔點好過點啦下話

齊射,盾在前

不，而係從當時史料中，刻意唔提，你睇返袁紹既記載大多係優柔寡斷，同埋重視豪門、冇留低繼承問題，而袁紹陣中記載最多，又最好既係沮授、田豐呢啲死諫之士，或者係後來降曹又率直既陳琳、王修、崔琰。

歷史由勝利者所寫，特別陳壽寫三國志時要延續魏國中心史觀，所以一定會較少著墨顏良、文醜

即係刁大會唔點鳩我名一個道理

而且2者評價入面驍勇都有
所以冇返咁上下事績支持返都唔會咁點既
冇話佢地好勁
只不過要曹魏二當家點你名冇咁上下戰績都唔會得
所以文顏都唔算係無啦啦做袁紹名將

唔係咁易
幾千步弩屈得死成萬騎兵
兩晉兩宋就唔洗咁悲哀

佢反駁孔融先提佢,都唔係突登點佢名

咁防守點都易過進攻
宋都頂到遼但打唔入姐

啱 東漢北方騎兵其實就係劉秀時代漁陽上谷突騎
算東北精銳