暫時真係未搵到有亞洲60圍,又唔係改圍bra,又有靚款,價錢又平嘅如果你有一日搵到記住講我地知,依到好似都幾多絲打係60圍
根據我做內衣行業嘅朋友嘅情報,開發一個新嘅尺碼,唔計design,只講杯型同內衣結構,係需要3萬蚊
我當有個牌子好有heart,肯整晒60A-60I,即9個碼,$30000x 9,係需要投入一共27萬嘅資金去開發,計埋design款又更加高
原因係一個新嘅尺碼並唔係大家諗嘅咁簡單,並唔係由姐妹碼個杯改短個背帶咁去放碼造出黎,全部都要由頭計算過,連個模都要另外造,因為下圍細左,就算胸size一樣,成個身型比例根本都唔一樣,放碼造出黎嘅bra係唔會100% fit,依個亦係點解大家都唔鐘意著改圍bra嘅原因,因為你會感覺到著左上身都唔係個回事,只係好過無,貼啲咁解
我講咁多廢話其實係想講,其實有65圍bra買已經執到有好多亞洲牌子仲係好落後,連65都無,因為開發成本貴,如果個牌子認為回報率低,根本唔會花依個資金去做
我地唯一可以做,就係send email俾各大bra牌子,等佢地重視依個問題,如果佢地收到嘅意見多,就可能會做了,reddit啲人都有咁做,佢地有定期send email去爭取,唔一定會成功,但唔試過就一定無可能成功
至於改帶,可以搵ig: boobs_sims,之前有絲打講過,唔想自己改可以試下,佢個賣點係佢有學過車bra唔係亂咁改,佢仲會改埋肩帶位,著上身會fit啲