用左兩個幾月左右脫髮產品 分享下
我依家24歲 大概年半-兩年前發覺好似甩多左頭髮 老豆係果d 30歲已經超級m額未到50就已經完全禿晒咁濟果種 但我自己唔係好嚴重就扮睇唔到
到今年年頭開始覺得個陰好易有罅 尤其最執邊d位開始蓋唔晒 睇到個額角好似開始上 然後一路慢慢繼續越甩越多 去到前排真係覺得好明顯冇得唔認了 好快追左陣po上網睇左d資料一星期後就上網買左鋸棕櫚320mg丸同rogaine 5% minoxidil foam嚟用
我諗我大約係雄禿1-2期左右 未算真係好嚴重 主要都係M,頂就可能未有事/唔明顯地甩
用5% minoxidil頭一個月的確有狂脫期 撥下頭髮/搖下頭都甩一兩條落黎
一個幾月之後開始冇呢個問題衣家用左兩個幾月就見到平時有搽野既角位有D比較幼既毛,但未幼到BB毛咁,我諗有0.5-0.8Cm左右 好平均咁分佈係個額角到,但應該冇以前咁密同咁粗 但明顯睇到係有新既毛髮生長 希望繼續用落去會好D
鋸棕櫚其實我都唔知有冇效 只係唔想淨係搽生髮水 試多樣野雙管齊下
唔食Finasteride既原因係因為我本身已經有蛋痛問題 所以好驚食左會痛多兩錢重 食鋸棕櫚感覺好似健康D 不過我都會建議猶豫既巴打照試Finasteride 因為有副作用既CASE好似真係唔多 同埋好似效果明顯D 我自己頭頂冇乜事 所以諗主力生髮水搽M位頂著先
最後想講仲1516緊既巴打如果有脫髮既疑惑 真係快D買藥食買藥搽 始終都係又面對 唔理佢又唔會令佢甩慢D/唔甩 我最開頭都會想呃自己唔想面對 但諗下中學果陣點解完全冇出現呢D疑惑 就知道有疑惑嗰刻 9成9都係好明顯出現緊脫髮問題 同埋將會越甩越勁 有得揀我真係想兩年前就開始搽藥 但遲做點都好過唔做 希望幫到大家