有冇人同我一樣 完全唔知點由大學嗰種狀態shift去返工嘅狀態
大學嗰種自由 由yr1開始訓練你點去自主學習
你可以自己揀幾點上堂 邊日day off 走唔走堂 自己點樣溫書
大學嘅教育就係同你講 你點揀都唔緊要 最重要係對自己嘅決定負責
但係一返咗工之後就發現 大學入面嗰種自由嘅狀態根本唔適用於workplace上
公司每日已經限咗你返朝9晚6 有時仲焗住要OT 每年就係得嗰幾日假 仲要睇下嗰排忙唔忙先請得
你做嘅嘢又唔係為咗自己 只係為咗幫老細賺錢 最得好又唔知關自由咩事
全日嘅精神已經用晒喺工作上 根本你返到屋企後乜都做唔到 hea下hea下又夠鐘瞓
嗰種感覺好似返咗去中學嗰段時間咁 好恐怖
你每日諗嘅嘢只係dse 長期處於高壓狀態咁
每日返去又見唔到盡頭 又唔知為咩而做 只係見個個好努力咁做自己又跟住做
大學嗰4年好似係比個囚犯出去放下風咁 等你見識過外面世界嘅美好之後 又捉返你入個監倉度繼續坐