美國《外交政策》震撼報導：台軍有強大美國武器，卻有災難性後勤問題

高裝檢出哂名

人數上已經好輸蝕 基本功都唔打好....
唔怪得館長呢幾年大力推動台灣健身.....佢youtube教嘅搏擊可能仲實用過入軍受訓個啲...

挖多啲防空洞等支共飛彈洗地哥陣有得避仲好

我前面回post都有講過裝備良率低嘅問題，一來係氣候、二來係零件取得不易，呢個係國軍面對嘅其中一個問題，然後政治問題就係國軍面對嘅另一個問題。

你同我個討論係講開政治問題咪講政治問題囉，咁依家話轉講裝備問題都可以講裝備問題㗎。我只係話俾你聽，政治問題作為中華民國國軍依家面對嘅其中一個障礙，都係需要一併考慮同解決，而你嗰種清算式嘅方式顯然唔係辦法。

好多呢啲嘢就係民意代表要負責

國軍操炮有噪音、影響捕魚，民代會投訴
國軍熱天出操搞到士兵暈低，民代會投訴

民間投訴得多，長官又唔企硬，好多嘢唯有越做越縮。兩蔣年代仲有師對抗演習，如果依家再搞一定會俾人話擾民

台仔又爭唔落
成日屌國軍廢
叫佢地去當兵又喊生喊死
個個替代役算數

一個月我覺得唔出奇
唔係話台仔好撚好打
但係起碼台灣有三百五十萬男性識開槍
派到周街都係槍 同你玩巷戰 你都麻煩啦
當年共產黨 係中國咪又係咁玩 煩撚到

咪撚on9啦係到鳩up

強帖留名

講經緯度美國德州同佛羅里達州 同台灣基本上係一樣
新加坡更加再接近赤道一大節
濕度大家都係咁上下
美軍成堆基地喺德州同佛羅里達州係玩緊自己？

再加埋零件取得不易但係自己出錢可以買到係咩玩法
依家唔止係講緊FCS雷達飛機引擎導彈嗰啲嘢
係去到普通工具零件 民用市場買到嘅嘢都唔足數
甚至簡單到衫褲鞋襪都派唔齊 一樣要軍人自己出錢買私伙

相對地多咗嘅零件唔係收起佢做後備
寧願掟落湖到毀屍滅跡
總之官方個數係幾多就幾多

依啲系統上嘅問題又係缺少軍人榮譽感？
根本以前徵兵制大家都知道入面搞緊乜
個個都笑軍隊係陰間 退役叫還陽
點樣叫人自發尊重你國軍呀

如果你講完全控制，咁係另一回事，美軍係伊拉克都搞左咁耐

台灣過左好多年安逸日子，除非好似南韓咁，長期處於打仗狀態，成個系統都好成熟

我都話政治問題導致軍人迷失係國軍所面臨嘅其中一個問題，唔代表其他範疇就無問題。你講嘅裝備問題、官僚作風問題係其他問題，同政治問題無關，我只係話政治問題都會影響軍心。而民進黨政府最近幾年都識得收口、拉攏軍心，修補同軍隊嘅關係，算係改過自新、相忍為國。

然後回到裝備問題，美國德州等地區腹地比台灣大，潮濕高鹽氣候影響較低，而且美國軍費充足、資源充沛、技術先進、自製率高，國軍所面臨嘅問題對美軍嚟講自然不成問題。用美軍嘅標準要求其他軍隊，咁地球上應該無其他人可以合格。

氣候上比較類似台灣嘅應該就係你講嘅新加坡，但新加坡有錢，而國軍軍費長期不足，呢樣嘢係死症。新加坡軍隊規模比國軍細，但軍費基本與國軍相當，而且無國際政治壓力，唔會好似國軍咁想買幻象戰機零備件都咁困難。

至於軍隊官僚作風問題、高裝檢造假成風，呢啲就真係可以著手解決、而且需要著手解決嘅問題啦。事實上過咗幾十年太平日子，國軍的確比以往鬆懈，更多變成「打份工」嘅心態，再加上民間同政客不斷攻擊，自然日益因循苟且。不過「求鳩其」呢個問題都唔係國軍特有，德國軍隊都試過油黑支地拖棍扮機槍，國軍總不致於荒唐至此。

Germany’s army is so under-equipped that it used broomsticks instead of machine guns
https://www.washingtonpost.com/news/worldviews/wp/2015/02/19/germanys-army-is-so-under-equipped-that-it-used-broomsticks-instead-of-machine-guns/

咁樣叫做「改過自身」 你啲觀點立場都幾有趣
民進黨真正做得唔夠嘅係蔡英文執政前寫咗成份國軍改革大綱
上咗台之後無晒影 繼續由得軍隊入面啲人妹下妹下
唔出包死人唔做嘢

講到認清歷史都叫清算嘅話
咁審判納粹德軍直情係政治逼害保家衛國盡忠職守嘅德國英雄啦
咩叫清算 捉返晒有份白色恐怖戒嚴時代 犯過反人類罪行嗰班人出嚟
褫奪所有官職榮譽 再判埋坐監 咁先叫「清算」呀

轉型正義都只不過係還受害人清白咋 有邊個畀人審判咗呀
韓國可以連前總統都拉去審 「國軍」講榮譽之前又做唔做到？
定係一日最衰都係本省人死老百姓呀

你講氣候問題 San Antonio成堆海軍基地又食咗？
講到海軍 航空母艦環境仲惡劣添呀
補給麻煩又有鹽水海風侵蝕
又係一句「美國大把錢」就解釋晒？

荒唐至此要軍人自己出錢買零件買衫買褲仲未夠？
返M記都俾到件制服你啦

啲台仔壞習慣：
成日笑波蘭同笑波羅的海三國加軍費加到2.5%冇用，依然唔係大國俄羅斯對手