《籠中島》

199 回覆
48 Like 4 Dislike
2020-09-17 00:22:41
被老媽子再一次抓住食指,其他人也是連在一線,形成一個又一個的人牆,老爸形容那個時刻最能感受到香港人的齊心。

然後他注意到旁邊有個人用不懷好意的眼神望著老媽子,一整個手都拖住了老媽,臉上洋洋得意,但老媽不以為然。

隔了許久他們倆再次提起這回事,老媽也罵回去:「嗰陣時係香港人最齊心嘅時候,大家都係想表達自己嘅立場,你諗咗去邊姐!」

老爸連醋也呷不到,便胎死腹中。

只有老媽才治得了老爸,同時也只有老爸受得了老媽的脾氣。

於是老爸也不甘示弱,不想只被抓住小手指那麼簡單,也大膽地還以顏色,將老媽的手牽起來。

直至到完場散去,老爸仍然不願鬆開老媽的手,一向口直心快的老媽被一臉尷尬的老爸逗笑。

本來膽小的老爸,因為這次大膽起來,不要臉地要了聯絡方法,做出了認為人生中最狗公的行為。

老爸解釋何為「狗公」。

原來以前的香港可以那樣地有趣,美好。為何我不是出生在那個歲月正好的年代?
2020-09-17 00:23:27
老爸老媽相識於那一場運動,也在改變香港命運的當日,選擇留在港島,與其他人共進退。

「我呢生人最好彩就係識到你呀媽,我哋兩個都知留係度會受苦,同屋企人嘈曬大鍋,除咗幾個朋友之外,係得返你呀媽一路陪係我身邊。」

老爸輕輕地摟著老媽子的肩膀,平日他們在家都是打打鬧鬧的,老媽子嘴上嫌棄著呀爸,但其實這只不過是他們耍恩愛的方式。

多多少少明白了他們的過去,感覺自己好像也在今天長大了。

「其實你依家仲細個,我哋都未有打算俾你知呢個事實,驚你會怪呀爸呀媽生你出嚟,諗住等你大個啲先。」老媽說。

「有時無知都係一種幸福嚟嘅。」老爸附和著。

「但我寧願知道發生緊啲咩事,我唔想傻更更就咁過一世。」令我想起每次看海,在這裡的一大堆謎團,讓我想破頭也想不到答案。

這種感覺實在不好受。

他們倆露出欣喜的笑容,前後腳說著差不多意思的話:「子華都大個仔啦喎!」

「超!我不嬲都大個啦,係你哋一直都當我細路仔咋嘛!」我沒好氣地說。

「但我想再聽多啲關於以前嘅嘢啊!」

今天我沒空去找呀寶,而且聽著老媽老爸細數當年事,也很有趣。

我名字的由來是因為老爸很喜歡香港以前的一位明星,很愛看他的棟篤笑等等的趣事。

因為這些趣事,我開始拼湊了我想像中的香港。

這一晚,也讓我想了很多,轍夜不眠。
2020-09-17 00:26:58
加油啊
係啊新加㗎,我都有咁諗過嘅,但我依家寫緊長故,而且呢段個人覺得有必要寫詳細啲長故最大嘅問題未必係拖,係更新得慢
多謝支持!今次唔會棄啦
2020-09-17 17:06:35
今晚更新
2020-09-18 11:40:55
明天也如常地上學,我們就快迎來最後的上課日。因為我們讀完中三便要投入社會,老師在這一年開學的時候叮嚀我們,叫我們多想想自己的出路。

我想我會留在四海幫吧?打算最近放學也去幫忙。

「你哋琴日好夜先返咩?!」呀寶眼碌碌地看著我。

「係啊。」

「你哋去咗邊啊?!」凝視著呀寶,就自然地回想起昨天老爸說的話。

「我哋去幫會度咋嘛。」還是先不要和呀寶說昨天的事吧?

肥波剛好和我同班,他聽到我和呀寶的對話,卻不知好歹地說:「琴日真係好勁爆,知道咗呢度唔少嘢!」

這個肥仔真的什麼也不懂。

竟然拿這種事情當八卦?是不是肥仔長肉都會把八卦的基因長出來?

「下?知咩啊?!」呀寶懵懵懂懂

我踩一踩肥波的腳,他這才會乖乖地閉上嘴。

「無咩嘢,咁幫會入面有好多嘢我哋都唔知㗎嘛。」我隨便找個理由推了過去。

呀寶也胡裡胡塗地相信了,沒再追問。

一天的上課無聊地渡過,一出學校門口,褲袋裡忽然傳來一連串的震動。

「你有無啊?」肥波驚訝地望著我,手裡也放在褲袋裡,顯然地我們遇上同一樣的事情。

小小明亦如是。

小小明一如往常般放著一張撲克臉,冷靜而穩重,在他身邊自然有種可靠的感覺。

我們紛紛掏出「桜」來,因為這就是那震動的來源。

「做咩事啊?點解會震嘅?」在震動底下,發著低鳴的聲音。

「我⋯我⋯都都⋯⋯唔知啊。」肥波和小小明真是一個對比。

「去圖書館嗰邊睇下先啦。」小小明語畢,便大步行去。
2020-09-18 11:55:00
如果覺得好睇就俾個正皮支持
2020-09-18 14:59:08
手動正皮
2020-09-19 01:01:42
push
2020-09-20 16:25:10
多謝你
我明白嘅,所以我會慢慢嚟,如果完故嗰陣都無乜人睇嘅話,就未必打算自資出書
希望到最後會有人支持下
btw 係因為事情慢慢過去啊,定係後面嘅故事情節令你開始無咁難受?
2020-09-20 16:26:08
我們火速趕到圖書館,在我們趕來之前,我已經叫阿寶先回家,自己要小心點。

裡面的人數比昨天多了一倍,有大半人都是不認識的。

白虎見我們都來了,便走過來。

「你哋幾快手喎。」裡面的人都不苟言笑,而且還佩戴著一些武器。

白虎手執一條棒球棍,青龍拿著上次的雙截棍。

我想這會是一個大場面,但我欠缺一些心理準備,心裡不禁怯懦起來。

「做咩事啊?」小小明冷靜地說,眼神依舊像一把劍般,一樣鋒利。

「烏鴉捉咗我哋其中一個子爵,我哋依家要班人去救佢返嚟。」青龍說完之後,頓了一下,指著我和肥波,續說:「你兩個跟我嚟。」

接著青龍便帶著我倆往昨天資料室的反方向行去。

裡面也有一個類似的房間,在這之前,青龍停了下來。

「入面係兵器庫,雖然入面嘅兵力唔多,都係用嚟應急,真正放緊兵器嘅地方係總部,但依家入面嘅應該可以夠你兩個用住先。」青龍解釋說。

開門進去,一眼掃過去,真的不大,不過擺滿著不同的武器。

刀刀劍劍,各類型的棍棒,還有一些比較偏門的武器,鞭條啊等等。

不過最讓我感到訝異的還是這個⋯⋯

「呢張凳係咩事啊?」我好奇地走過去問道。

「呢張係摺凳,依家啲後年係唔識嘢㗎啦!以前嗰個年代,摺凳可以話係十二武器之首。」
2020-09-22 09:41:27
如此滑稽而又帶點荒謬的武器,實在讓我難以想像它能夠是武器之首。

「依家仲未有人能夠駕馭佢,所以都係擺住係度先姐,唔洗太過在意,哈哈哈!」青龍哈哈大笑起來。

「因為間唔中都會有人拎嚟坐。」

⋯⋯⋯

⋯⋯



「你哋揀返個啦。」

我和肥波左看看,右試試,將武器真正放在手上,才感到它的重量。

回饋給我的,是一種不真實的感覺。

拿上手還能感受迷惘。

「真係要用啊?」我將心中疑問和盤托出。

「就算你真係拎住,一陣去到都未必有你上場嘅機會,你兩個依家輩份低,而且經驗唔多,但係烏鴉唔係好惹嘅組織嚟。因為資源有限,所以我哋時不時都會同其他唔同大大小小嘅組織有衝突。」

「同埋都會爭地盤,用好耐以前嘅詞嚟形容嘅話,我哋就係古惑仔囉。」青龍解釋著。

「古惑仔?」肥波的樣子真的是天生搞笑,一本正經地問還能這麼搞笑。

「總之就唔係啲咩好嘢啦,好多平民百姓都驚咗我哋㗎,你哋入得嚟都預咗有咁嘅心理準備啦。」

「咁⋯⋯有無啲可以遠距離功擊嘅武器啊?」肥波戰戰兢兢地說,別看他大大份的樣子,其實怕死得要命。

「依家呢度無喎⋯⋯」青龍環顧整個兵器庫,搔搔頭說,「唔係無遠距離嘅武器嘅,不過就要去總部囉。」
2020-09-22 09:41:52
「你求其揀住先啦,一陣再帶你去總部揀啦,反正一陣都要去㗎啦。」青龍最終不耐煩地說。

「下?咁快要去總部?」剛入會沒幾天就要見大場面,又要見大前輩,一時之間實在吃不消。

「因為我哋一陣要去天后開拖,烏鴉嘅地頭就係北角去到天后嗰頭。」

「而我哋嘅總部,都係天后附近,搞掂完之後都會去㗎啦,你預咗實會有人受傷啦。」

「快啲揀好出嚟啦。」青龍催促我們快點,提醒我們還有十分鐘就出發,然後就出去了。

==(13)

青龍出去後,肥波立即說:「無啲可以遠距離啲㗎?一陣真係俾⋯俾人斬斬⋯斬咁點⋯⋯點算?」

「我哋企後啲咪得囉,無事嘅,我哋仲有小小明,唔怕啦。」我心裡同樣怕得要死,卻裝作一臉輕鬆。

而我,現在只能夠躲在小小明的背後。

不過我也希望自己能夠堅強一點,想變強。如果我不能變強的話,我就無法實現自己的目標了,就別想離開港島,去看看對岸,去把屬於我們的所有奪回來了。

我不像小小明,可以處變不驚,我只是一個乳臭未乾的小子罷了。

「揀住先啦,一陣再睇下點啦。」我也催促著肥波。

我在兵器庫的角落,發現一把沒有被擺上去的劍,它有別於其他工整排列在一起的武器。

它就像被嫌棄般,被隨手拋下的一把武器。

就像一個小孩般瑟縮一角,等待著被人發現。
2020-09-22 09:44:31
多謝你仲一直追故
咁我都相信有啲人都係咁樣無再追落去


咁⋯⋯我仲寫唔寫落去好
2020-09-22 22:25:46
仲有人睇緊㗎
寫唔寫落去係睇你想唔想寫 你寫嘅我哋讀者一定會繼續支持
不過呢啲題材係冷門啲嘅 個個上連登都係為睇甜故
所以你唔寫都會尊重返你嘅決定
2020-09-26 12:50:35
我竟然發覺它和我有點相像,比平凡更為渺小,吸引著我走過去,彷彿對我說,被遺忘其實也可以是特別的,只要找到那個認為特別的人。

「我揀好啦!」肥波大喊一聲,差點把我的魂魄嚇走。

「下?咁快?」我還以為要再等一段時間。

肥波選了長木棍,自顧自地耍了起來。

一揮,就剛好打中我手背,一陣劇痛外加麻痺感傳上大腦。他是不是傻啊?在這麼狹窄的房間裡耍棍?

「啊⋯⋯Sorry啊⋯⋯」我沒好氣地瞪著肥波,他才乖乖收好長棍。

「你揀呢碌嘢?」我強忍痛楚,幻想一下待會的場景,可能我也需要感受這些痛楚吧?

「係啊!可以遠距離啊嘛。」肥波得意洋洋地說。

看來他的囂張是有夢幻泡泡的,就是別人打不到,而他能夠打到別人吧?

「你揀好未啊?」剛剛才怕得要死,現在卻興奮不停,真是個戇鳩的死肥仔。

但我還是很愛他,友情那種,因為經常讓我哭笑不得。

「揀好啦。」我就這樣拿起被放在角落的那把劍。

「哇!」當我拿起的時候,方才感覺到那股重要,拿上手真有點吃力,但還是強撐下去。

走出兵器庫,因為剛剛的光線不是很充足,出來後才發現這把劍有點不一樣。
2020-09-26 12:50:51
劍不像劍,刀不像刀,長度也是中規中矩。

武器的身體像𠝹刀,起角的。

我將那把刀拔出來,稍稍有些不順,卡住卡住般。

與其說是一把刀,不如就是一舊鐵吧?因為沒有鋒利的刀面,整把刀被重量覆蓋住。

「得啦你哋?」白虎走過來關心一下我們。

「差唔多齊人出發啦。」

「咦⋯⋯」白虎望一望我手中的鐵刀,問:「你揀呢把啊?」

「係啊,估唔到咁重。」

「因為重得制所以掛唔到上去,估唔到你會拎把最難用嘅。」白虎臉上一時驚訝一時帶有笑意。

「喂!行得啦。」青龍高呼。

竟然是這個原因⋯⋯?正當我想開口問可不可以進去換過把,青龍便叫我們出發了。

鐵啊鐵,希望你一會可以幫幫我啦,如果有事的話。

「唔洗咁愁喎!佢實會幫到你。」白虎看得出我一閃而過的愁容。

「係咩⋯⋯?」我有點半信半疑。

「而且你最好幫佢起返個靚靚仔仔嘅名,得你自己知好啦。」

「咁你隻棒叫咩名啊?」我好奇一問,覺得白虎手上的棒球棍很有型,儘管與他整個人不太相襯。

「泡泡龍,我細個最愛玩嘅遊戲。」

「行啦泡泡龍!」白虎將泡泡龍放在肩上,大搖大擺地回去。
2020-09-26 14:48:33
多謝
好彩我一班讀者都好高質
只不過每次遇到呢啲位就好難做,唔知點好
好多故都係因為咁樣沉咋嘛

我會提自己寫嘅,但最近真係忙,少咗時間寫~~
2020-10-02 22:11:13
樓主就算唔得閒出文都得閒報吓平安
唔想你寫寫吓俾消失咗無人發現
2020-10-03 12:24:35
我人無事
多謝關心!

應該唔會被消失嘅,依家都有一啲巴打寫緊呢類嘅題材,大家都一齊努力緊。

btw 《籠中島》呢個故我決定淨係係penana度更新
因為呢邊好似無咩人睇咁,但我唔會棄嘅,有時間我會打定新故遲下係連登出。
希望我寫嘅嘢都繼續有人睇下
2020-10-03 12:25:39
2020-10-03 18:38:06
好 轉場再追
等你新故啊 希望多啲人睇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞