「!!!」
「嗰陣時我哋都考慮咗好耐,一聽到嘅時候其實同你頭先嘅反應差唔多,我哋並唔係啲無骨氣嘅人。」
「但係成個好似局一樣,佢哋就好似想我哋做壞人咁,睇落好似做緊啲好人嘅行為,美其名咋嘛,但實質上係施捨我哋咁。」
「我哋係呢場抗爭度,已經徹底輸咗,我哋都無任何籌碼同人哋談判。」
「再者,接受呢個offer對我哋嚟講百利而無一害,有陣時尊嚴無得當飯食。」
「返嚟嗰陣我哋都明白,我哋要背負嘅係咩,好可能其他人都會怨我哋咁樣做,正如好似頭先你咁嘅反應⋯⋯」
「點解唔可以當依家係重新開始,去試一試呢?」顏季霖還是有點接受不了這樣的結果。
因為連嘗試都沒有開始過,便要欣然地去接受假設好的結果。
「可能有一部分會認為你哋嘅行為係正確,我都唔會否認呢一點,但依家呢度對我同呀邦嚟講,係重新嘅開始。」顏季霖的眼神堅定不移,而陶政等人其實也有那麼一點點動搖,只不過實情複雜得很。
「所以就算遲下有物資都好,我都唔會想要,我就唔信無辦法生存落去!再辛苦都咁話。」
留下有骨氣的一句,顏季霖便和成逸邦離開了大本營,離開了維園。
至於陶致他們,已經接受了條件的他們,已經沒有回頭路了。
有些事情,其實由一開始的妥協,便注定了沒有回頭路。
維園裡也沒有發生太大的變化,少部份人也跟著顏季霖他們離開,而且是先在陶致他們宣佈消息之前離開的。
最後在第二天早上,陶政宣佈了這個決定。
其次,是決定成立「 新 政 府 」。