有買過/領養過貓狗既同我入哂嚟！！！

喺spca 基本上隻隻都搶手，過幾日就變咗另一批貓貓

因為好多人都唔知公屋可以養貓

超級可愛

N年前，我屋企人一開始都係想領養貓但唔成功，之後就買咗一隻，跟住經過寵物店見到一隻好有緣，今日捉住我老竇隻手唔放，又買一隻，跟住又遇到過同樣情況，又係寵物店買一隻，跟住打後八隻都係執返黎

屌搵親獨立義工都無回頭
查完家宅唔覆
或者同我講隻貓有更合適人選
公屋係咪原罪？

個人經驗 無針卡獸醫當無打過由頭打過
對狗狗應該打多左無影響既

勁得意好鍾意黃貓啲性格
一睇就知好快肥

唔好灰我私樓養得竉物，問親獨立義工都冇回音/勁快俾人搶左話我慢左步
所以我都係去機構領養快靚正

我個女
7/7入屋 係Kelly Animal Shelter 到領養
睇完到自己考慮左幾日 就番左屋企 大約一星期左右
過程好順利 $1000按金 絕完育可以拎番
好多狗需要一個家
果次去仲有兩隻洛威拿 幾隻貴婦
超大量成年唐狗
幼犬都有
唔介意遠可以去睇下
佢係流浮山尖沙鼻咀

比d義工搞到好撚灰
窗網裝哂
日用品買好
依加等緊個巴既朋友暫托個隻
街貓未馴好要比d時間

推

我明呀我嗰陣都等到躁，明明條件符合哂都冇
我識有個朋友從來唔領養，係自己去公園keep著餵貓貓，餵熟左捉返屋企但我天剎孤星啲貓一見到我野都唔食跑走哂

希望隻貓貓快啲馴好可以去你度啦

自己果時都搵過幾間領養機構/人

Spca <- 總部有爆緊狗房咳 隔住玻璃睇 隻隻都未放電 惡到好誇 好記得有幾隻吠到眼紅哂 有一隻老虎狗突然發惡撞玻璃 嚇死


毛守 <-等左幾日先有義工覆 想睇果隻佢話好多人想領養 結果放棄無再約

FB Gp < -有個阿叔有兩隻瑪蓮萊想棄養 去左佢間屋睇 太惡 我老婆接受唔到 放棄

SAA < - 約時間去 隔住個籠接觸 無得慢慢交流（可能去果日人多）

KAS (Kelly Animal Shelter) <- fb個地址唔update 好彩最後搵到 地方算大 好多狗狗 可以接觸 好多狗狗都friendly 最後我係到領養左

我都想自己捉隻呀但無咁既緣份
難得老母開綠燈唔想夜長夢多
想快d帶隻貓返屋企

多謝你承你貴言

我本人又無咩不快經歷，只係某間大型機構到keep住apply左兩年都領養唔到。
講番自己條件先啦: 700尺單位自住，公職返朝九晚六，個時月入三萬幾左右啦。
聽聞同我爭貓養嘅，有大學教授，中學校長，上市公司董事，外國公司高層等
經過多次失望，最後都係決定左買。
買翻嚟隻貓由細到大都係人照顧，好痴人，毫無行為問題，人貓都過得好愉快，尋日仲提我煮野食要熄火，我覺得佢直頭幫到我既生活。
我依兩年經驗可以俾想養貓既各位做下借鑑，如果條件好似我咁唔係太理想既，就要有心理準備要好長時間去等。
如果想為貓好，係應該監督政府去管啲無良貓埸，或者捐錢俾啲機構去幫手又得，我自己就一路都有捐上面講個機構。
啲人淨係叫人唔好買已經誕生左嘅生命，我覺得幫唔到件事，仲有唔係每間貓場都係無良，至少我買個間，我覺得比起某機構仲衞生乾淨。
我自己都鼓勵領養嘅，但前提係你諗吓自己月入，屋企尺寸同社會地位先，如果唔係有翻咁上下，就只能求其次。
養貓就好似戀愛一樣，我覺得我養左貓之後開心左，隻貓每日見到我都開心煲水，我覺得咁就已經好足夠。

oh...原來我真係唔夠資格，上次個義工同我講，我屋企得四百幾尺太細唔適合養中size唐狗，叫我去領養佢地果D 7、8歲既poodle細狗
之前一直都有養開狗，佢講完果刻我諗我係咪對之前隻狗好差，冇俾到超大空間佢

無需要咁諗，狗生活得開唔開心你最清楚。
俾過能力範圍以內最好嘅野佢，我覺得已經夠。