https://lih.kg/2074725
- 分享自 LIHKG 討論區
經過上一個po 既理性討論後，知道好多人由領養變做去買都係因閪義工/機構造成，所以呢個po 會重點討論大家遇過既經歷，想大家多啲分享。希望遲啲開個po 整合到購買/領養既資訊。
以下係想大家分享既資訊：
-閪義工/機構
-無良賣家（寵物店/網上）（特別係賣星期貓狗既仆街）
-成功領養既例子
-良心breeder
-其他有關資訊
諗住買貓狗既人記住要睇：
1)根據現時既香港法例，繁殖或出售狗隻都要申請牌照，就算係網上見到話自家繁殖賣既狗隻都要有單次許可證，所以買狗前應留意賣家有無出示牌照/許可證號碼，仲要查下有無過期先買。留意，貓係無以上規管，所以要更加更加小心。（有錯請提點）
2)唔好買未戒奶既貓狗，貓狗bb 係要飲奶去提升免疫力。根據法例係唔比任何人賣未戒奶既貓狗，但有人會透過預售呢個term去避開。有無良繁殖商人會因為已經預售隻貓比你，所以提早斷奶，再打針黎保持佢地精神，等隻貓到你手一兩日先知有病。
3)之後再補充
講多次，我支持領養係因為覺得現時嘅法例保障唔到每間繁殖場/賣家係正當同有良心，希望透過領養減少無良繁殖嘅情況，並無屌過人買貓狗，我亦唔係義工。
我諗大家都唔想買咗隻貓返去先發現佢有重病，亦唔想貓媽媽一直喺惡劣嘅環境下生一世仔。我針對嘅係無良繁殖，唔係買賣，唔好一見到領養就屌。
