LIHKG 箍牙集中討論區26

其實我上排每邊第二粒都冇上，唔知係咪唔打算上我都係望真啲個兩粒係突出左少少（同埋個兩隻牙本身同依家望落去，都係比前面箍左個啲位置高1mm）

我預早兩個星期

而家未箍完
等緊refinement的箍

岩岩覆完診
換左粗鐵線有預感聽日會痛死

同埋係票站教下老友記scan qr code

已投

大家好 我啱啱去完隱適美推薦牙醫診所做免費咨詢
遇上向左走向右走嘅難題 想請教下

咁大家都知道佢出咗個Go嘅版本
淨係cool上下12隻牙 但平一倍
咁經過牙醫掃瞄 檢查之後俾嘅意見

如果用Go版本
門牙會同下邊嘅牙有少少對唔齊咬唔埋嘅情況
因為咁樣而咬唔到一啲紫菜麵條嘅嘢 會差少少
可能要放到去叩齒或更後既位置嗰度先至咬到
但美觀上係唔會有分別 純粹門牙咬野會有d 問題

而如果要做齊隱適美全套嘅話
就需要剝一隻智慧齒（因為頂住左 要剝咗先有空間拉後）
連埋剝牙加埋總共$50000先賣單

如果係GO嘅版本就$24,000賣單
計番真係唔只一個double 仲要捱一刀

我真係唔係好知點選擇 求意見

投ed

如果係橫生智慧齒
不論你箍唔箍牙都建議要剝左佢
遲早會蛙/發炎

佢唔係橫生
純粹佢個位咁啱頂住左後面大牙需要拉後既空間
唔剝咗佢嘅話大牙冇位走

我會選後者
係箍就想完美點
一係搵多個專科睇下

已經俾左錢 只係差在升唔升做全套（貴版）

點解咁快俾左錢

咁等佢scan個療程俾你選擇

下 咁因為佢係隱適美 官方自己推薦過去呢間睇...
(因為我係直接聯絡隱適美)
咁好正常係信得過....佢仲有個隱適美專員係到講一轉先
佢有講話下個月睇個個SCAN會再準D既 不過預計都係差唔多咁樣
所以我要做抉擇
(不過講真我暫時都係打算做平D 因為相差唔只一倍價錢 外觀上又無分別 係門牙咬野煩少少...)

其實唔洗搵隱適美去搞
搵有隱適美牙醫就得
箍牙專科大部份都有

咁你做乜咁快俾左錢
好似樓上講康齒堂定唔知乜一consult就要人俾錢咁
要人即日考慮整唔整咁

咁我個間又唔係佢地個D既...
算啦 錢都俾左 係抉擇做貴定平姐...
我都仲係15/16 緊 不過好似要做就做好佢好似好D
錢無左搵過啦...

你已經full paid左？
隱適美專員即係咩？醫生？
即係你之後先會見醫生揀plan？

應該要主動問醫生

我覺得其實應該consult幾間先做好d
因為淨睇隱適美，佢真係淨sell你用佢
唔係嚴重到要轉介專科佢都接

咁當然你比左錢冇計

如果好似你咁
我一定會做貴嗰隻

你咬合對唔到係好煩
我前排去整牙貼片
臨時牙門牙左右兩隻長左
咬合唔岩
食野都好難搞
要特登用後面牙咬先切開d野
你如果之後長期咁後面d牙會磨平得好快

我之前響youtube睇台灣講整牙節目
個嘉賓就係咁

同埋你不如search清楚go係點先
我之前箍Invisalign 唔駛mok牙
本身都齊係拍番中線同拉入d牙
個case簡單
都唔止箍左20對先好
我淨係refine都refine左兩次（兩次加埋廿幾對）

你諗清楚好d

我自己方便分期先FULL PAID 左23800 既 佢本身無話要FULL PAID
隱適美專員就係介紹隱適美既姐 講解完 就做掃瞄 X光 之後先見醫生

咁個醫生就分析話俾我聽而加有呢兩個OPTION
亦都俾左兩張效果圖俾我睇
(就係貴同平版出黎既分別 門牙咬合既問題之類啦)

不過佢講呢兩張圖係佢預計既姐
一個月後隱適美個邊個張效果圖會係計晒數 會更加準

咁佢都同我講 話我選擇GO版 你睇完圖可以選擇升做隱適美
相反既話就唔得架啦
所以我就選擇左GO版先 咁我起碼下個月睇完效果可以改

如果係咁既話一定做貴版隱適美啦..
我個CASE係一定要做隱適美
(因為顎骨兩邊有少少大細不一 唔可以做傳統)
所以亦到係咁解我無諗太多 都無選擇...
咁我真係做貴既版本算 起碼唔洗煩

你total用左幾多個箍？
我而家下次覆診就拎refinement 的箍
未知有幾多
最近去覆診只係拆左鋼線同scan

已箍左30個
另外兩個月上左鐵線