「又係你?唔使啦我上次都講咗,我係人嚟。」我說。
「而家開始供就啱啦,而家下面通漲,1億冥元嘅樓已經買少見少,供到你死就夠錢喺下面買層樓,五百尺,及早保障自己!」他說。
「下⋯⋯」
「行。」她拉住我走,說:「跟住我,佢哋先唔敢搞你。」
我們終於來到一檔,有著許多奇怪東西的物品,有劍有刀有鎗,不知用途,但似是軍火店。
一個老伯伯出來,他拿著盲人棍,蹣跚來到我們面前。
「蔚?嚟磨劍。」
「陳伯,我想要啲啱平常人用嘅嘢。」
「喔⋯⋯呢部呀,好用。」他雖是瞎子,卻迅速拿起身後一部相機給我們,那相機古老殘舊,造型奇怪,就是中古的蛇腹相機,鏡頭四邊有許多我看不懂的符文。
「好,就呢部。」
南門蔚買了那一部奇形怪狀的相機就帶我離開。
臨走前,那瞎子陳伯望住我的方向說:「後生仔,唔係普通人,你將會有大劫,小心啲。」
出了門口,我便問南門蔚:「做買嚟咩?」
「有線索,關於你殮房嘅殭屍。」
「妳唔早講?」
「你會聽咩?」
不出幾分鐘,我們已經到達油麻地地鐵站,大門深鎖。