因為你decontextualize左「冒犯」
忽略左背後嘅權力結構
同性戀者之所以會畀“f*ggot”呢隻字冒犯
唔僅僅係因為佢哋畀人鬧
而係“f*ggot”呢隻字係針對佢地(男)同性戀呢樣個人特質黎鬧
背後反映嘅過去到依家依然延續嘅同性戀者嘅壓迫
講緊同性戀去到今日出櫃
都可能面對畀人杯、被屋企人經濟封鎖 / 踢出家門等反撲
(相反直嘅就唔會。家人最多反對你太早拍拖,唔會反對你同異性拍拖㗎嘛)
所以“f*ggot”之所以令同性戀者感到冒犯
唔僅僅係對個人嘅侮辱
而係因為呢隻字延續左社會上壓迫某社群嘅文化
即係例如狗鬧人係曱甴
問題唔僅僅在於侮辱
而係呢隻字係一種表面現象,背後反映左一連串政權壓迫人嘅歷史
所以與其話同志係特權人士唔可以冒犯
倒不如話用“f*ggot”鬧人嘅人係活在特權中而不自知