《我在女校教書的日子》（2）

當嘉柔經過我的時候，我露出了自信的笑容，相信我的幫助，她們的關係肯定緩解了不少。


「哼，你好野。」嘉柔還是對我惡言相向，看來她們和解的路程還是很遙遠…


喝飽吃醉後，再次回到東京的街道上，街上的燈飾依然閃爍迷人，而隨著時間越夜，溫度也隨著下降。


「呼…好彩我地今晚打邊爐啫，可以暖下個身。」但今晚的溫度好像只有五度，我隨即摩擦自己雙手。


「麥梓賢，你係咪特登架。」嘉柔走到我面前問我。


「咩特登。」我當然知道她問什麼。


「特登叫我幫你影相，然後拖到最後入去，就同李曉婷一齊坐。」


「我…我先唔會。」


「你口窒窒，仲唔認喎。」


「我凍得濟咋嘛。」


「唔洗你咁好心啊，我地既事自己會處理。」


「咁你地講左啲咩？」


「唔話俾你知啊，咁八卦。」


「做咩唔收人地隻公仔，人地夾左好耐架喎。」


「你個衰人，係到偷聽我地？」嘉柔輕輕一拳打在我的肚子上，幸好，晚餐不是很飽，沒讓食物吐出來。


「無呀，咁啱見到佢比隻公仔你咋嘛。」


「唔想要咪唔收。」

「咁又係，又唔係男仔送。」我嘲諷嘉柔說。


「係呀係呀，我淨係收靚仔送既公仔架。」


「仲有呀，我未嬲完你啊。」嘉柔說完便開始排隊預備上旅遊巴。


此時李曉婷走了過來。


「上車啦咁多位。」旅遊巴開始泊在路旁。


「你肯講未？」我問李曉婷。


「雖然今晚佢都好似無原諒我，但係我唔係啲無口齒既人，我會同你講個晚發生咩事。」


在上旅遊巴前，李曉婷將事情的來龍去脈一一告訴我，當我聽見她們不小心親嘴時，我的心卻莫名其妙的在痛。


「下次唔好啦…仲有呀，邊個比你飲酒架，你夠十八歲啦咩。」


「咁黎旅行唔通唔飲咩…你唔好同我講你十八歲先睇鹹片啊麥Sir。」


「痴線，從來都唔睇。」


在回程的路上，我一直對她們的事耿耿於懷，尤其是她們親嘴，嘉柔的初吻竟然意外地被奪走了…不過，關我什麼事呢，為什麼我卻又會如此介懷…

今晚係咁多 每天繼續

好想睇女仔視角，嘉柔千雪miss yu都好

遲啲有 可能

Miss yu 多啲情節pls

輕輕一推

做人唔可以咁貪心

日本飲酒係廿歲先得

係 但係叫你禁個制就得 無人理你

輕推

呀sir其身不正可以肯定為左呃蝦條先入女校

新post LM

可能梁Sir走

呃到而家都未呃到 渣ga

好呀

輕輕推一下
其實...二寶糖我淨係食檸檬味

要求加甜呀 唔該

第1:加甜唔該
笫2:還我雪雪
第3:無人想理嗰個拜金女, 死開啲
第4: 唔想再睇佢哋兩個嗌交畀返啲主線劇情我

我全都要

原來我一直strong hold緊個正皮

檸檬味