乞力馬扎羅山 Summit (Day 6): 海拔5,895米到3950米,約七公里,住High Camp
係Stella Point大休咗之後 我再度出發
最後的700米(距離)其實一啲都唔斜 簡直係碎料
只係高度真係令人難以呼吸
我用慢過蝸牛的速度一步步走着 心入面已經換咗歌 唱住:
「撞進了冰山 卷上了急灣
一秒從未想折返
就望到了 就能望到了
終會踏足這峽灣」
同期有兩個女仔 行行下另一個女仔唔見咗 嚇得我原來走咗落山
而另外一個女仔好似食咗禁藥咁係五千幾米都仲行得好快
我:點解你可以行得咁快 你唔攰架?
佢:我好攰 但呢度真係好靚所以好興奮
的而且確好靚 成個非洲都係我腳下
沿路全部都係冰川厚雪 仲見到火山口
全部都係雪
感唔感受到我個速度
平路加速
迎面而來的登山者都會講「almost there, almost there」
係L almost there
一個鐘後終於都到頂了
行咗五日就係為咗呢一刻 去到山頂又唔想喊啦喎
我馬上拎支旗 貼紙同相機出嚟
完成兩個指定動作 就走人
因為不能在5,895米久留
當時個頭都仲係好痛
呢七個鐘感覺係我人生中最長的七個鐘
我終於明白到奄奄一息的滋味
但係原來堅持熬過去
美好的風景就會出現係眼前
係—真—架 所以唔好放棄呀
Mount Meru at the back
特此留念
落山的時候 好熱好熱
光線係雪地反射出嚟真係唔係講笑
最尾one layer咁行先得
而落山條路斜到仆街
完全冇印象凌晨行過
我問:咩呢度我剛剛摸黑行上嚟架?
導遊:唔係 呢條係另一條落山路
我對膝頭可以報銷 行咗一陣就覺得痛
平時都冇咁廢架 行到咁上下
我啲挑夫原來唔會齋坐係營地
佢地衝晒上嚟幫手
仲帶咗啲果汁等我補充體力
當日落山的同路人全部都膝頭痛
導遊話佢從來未見過呢個境象
佢解釋話因為太早開始就雪地
所以大家都用咗好多力去平衡
結果用咗成三個幾鐘先去到營地
番到營地就緊係眠一眠食個晏先再落山
除咗兩件衫 褲都好想除
行到成隻企鵝咁
落到營地的景色
食完晏又眠咗陣但都未出發
果時已經係兩點幾
到出發的時候原來今日改咗落腳點
改去High Camp 唔去Mweka Camp
俾我對腳休息多D喎
其實兩點出發都趕唔切天黑前到營地
所以改地方都係明智嘅
兩個鐘左右就落到High Camp
衝呀落山啦
導遊叫我小心財物
因為呢個Camp 係補給隊伍日日都會經過的路線
(當地人係Mweka Gate 上Barafu Camp只需一日
所以大隊唔駛第一日就帶曬所有野上山)
好多人都會係呢度唔見咗嘢
今日的時間好似double咗咁 你話好攰又唔係
有一種媽呀我得咗啦個成功感
同時又有一種難以置信的感覺
就係媽呀我居然得咗咁
食飽就訓覺
當晚的飯量
唔需要再諗上唔上到頂
唔需要再向上行啦
未完,待續。