[老方遊記] [非洲坦桑尼亞] 我要征服非洲最高峰

下個機會嚟到你記得好好把握

8月頭嚟，天氣好好呀，日日都睛天

kilia成日經過都無機會爬上去

屌即係連個天都唔鍾意我

成日經過？點解嘅？

謝謝

有太陽應該暖好多

去arusha 做出差，果度真係好地方

我都唔驚凍 係啲嘢濕曬真係好L煩

咩類型嘅工要去到地球嘅另一邊？

集運

夜晚點訓

😂😂😂你集埋自己過去喎咁
呢期都要去Arusha呀仲？

咁總有一套乾爽嘅衫換嘅
同埋大背囊挑夫用兩個尼龍袋入住 係唔會濕
係行山套衫濕啫

乞力馬札羅山Day 3：海拔3,750米到4,600米(Lava Tower)到3,975米，10公里，住Barranco Camp

尋晚又唔知做乜L野訓唔著，搞到今朝起身心情好差，仲要今日係Acclimatization Day「適應海拔訓練日」，所以路途比較遙遠，又上又落。一開波都風和日麗，但行咗兩個鐘又開始落雨‥‥‥


你睇後面果堆雲就知冇好嘢發生


去到午飯（臨時搭建嘅地方），就落狗屎，名副其實既黑雨，跟住仲落埋冰雹‥‥又濕又凍咁，著咗件fleece係身其實都震緊，凍到咩相都冇影。其實食飯個地方搭咗係啲泥上面，出面又倒屎咁款，啲水跟住啲泥入埋黎，周圍都係泥沼咁樣，食完又坐L咗係度等啲雨細啲先出發，又又又又又足足等咗成個鐘呀。

好彩，雨真係細咗好多。行咗半個鐘左右就上到去今日嘅最高點4,600米，此地不宜久留，隨即落山。


貼紙就一定跟身嘅

日日都著住件雨褸

由上面果舊石開始行咗落嚟

我究竟行緊啲咩路呀

落山條路基本上俾啲雨水覆蓋住，行緊溪澗咁，個感覺仲要行極都仲有，非常消磨意志，行到個人異常躁底。去到營地對鞋又再次濕L晒，但我今次已經習慣咗喇。


我真係冇誇張架

好多呢啲菠蘿樣嘅樹 導遊話越多舊「菠蘿」痴埋一齊就代表越老

雪山若隱若現呀

天雨關係，全日都冇乜拎過部相機出黎，就連拎電話都好少‥‥果晚食乜都冇影


呢幾日我都不斷問個天你係咪遺忘咗我呀，我行咁多次山都冇遇到日日落雨，今次仲要係濕透果隻。明明而家係旱季嚟，變相雨季咁走😫，極不尋常嘅天氣我覺得只能用全球暖化先解釋到。



未完，待續。

日日噤濕法，好攰呀
行到辛苦幾倍

係 想曬黑啲都唔得 🙄🙄🙄🙄

太陽噤猛噤高海拔，又凍，雖然著晒衫，同做好多防曬
都黑左少少

預告下先：我行完上個頂之後落番嚟曬到燶咗 塊面同手背係燶到一個點 之後甩曬皮 🤦🏾‍♀️🤦🏾‍♀️

乞力馬扎羅山 Day 4：海拔3,975米到3,995米，5公里，住Karanga Camp

睇上面👆🏾個數字，唔好以為今日唔駛向上爬 今日係名副其實又越過高山又越過谷 😳

一打開個帳篷，都係陰天‥‥但由於尋晚訓得好好 所以心情好好😂

隔離丹麥隊有兩位人士由於身體不適同埋受夠呢個垃圾天氣所以決定退出

而我就本住你老味都濕咗三日 都唔爭在濕埋落去的精神拒絕放棄 再加上冇（未有）高反就繼續啦

今日重點係要翻牆 呢個牆足足翻咗我一個鐘‥‥導遊好少叫我行快兩步，佢話，趁呢家冇雨我地行快少少﹗睇嚟佢都受夠呢個垃圾天氣。


見唔見到對面幅牆

Zoom咗埋去見到啲人移動緊

回望營地

真係一幅牆嚟架

但事與願違，行行下又﹗落﹗雨﹗而要上呢座牆的頂最尾居然要爬石，心入面講咗一萬句粗口，落雨爬石一個跣腳就可以去賣咸鴨蛋。

最尾一仆一碌咁爬咗上去，就開始落山，要落到去河底，跟住DLLM啊，又要向上爬。



到頂啦屌


落山的造型

呀導遊話呢個坡度同Summit果一日差唔多，咁聽落去又唔係好難咁喎。

出發後四個鐘，終於到營地!!!!! 開飯啦!!! 食完午飯我訓咗個晏覺。



跟住訓醒又食晚飯‥‥


次次都係呢個飯量 次次都食唔曬

食完就「身體檢查」，呢幾日都冇任何的高反，我係一粒diamox都冇食過。

一切正常 訓得！

行埋聽日幾個鐘 半夜就攻頂啦
心入面繼續祈求緊好天氣‥‥

未完，待續。

冇搽防曬？
同，你冇戴手套？好凍喎

搽咗塊面架 但啲陽光反射落個雪地個強度實在太勁
加上我係咁流鼻水 個鼻啲防曬都甩咗😂
落山冇帶手套 好！熱！跟住手背就GG

絲打 快d出文
Btw好好睇

LM