乞力馬扎羅山 Day 5:海拔3,995米到4,673米,4公里,住Barafu Camp
打開帳篷,知唔知我見到乜嘢
係藍天,藍天,藍天呀!
重要嘅事要講三次
今日路途唔算遠,係瘋狂上坡,平路,瘋狂上坡,達陣。
好耐冇見的藍天
山頂
我個帳篷
成九點先出發,離開前都不忘去個牌到痴咗貼紙先!
見唔見到我痴咗乜
放大咗
賣飛佛
瘋狂上咗第一個坡之後去到呢個勁開揚嘅位呀。好開心呀 影咗勁多相呀
冇落雨終於可以拎支旗出嚟
藍天雲海
佢地雙手插袋咁行
慢慢行都只係用咗三個鐘就到營地,瘋狂上埋最尾個坡之後經已風雲色變,好大霧。
我極速同呢個牌影相就趁落雨前番去帳篷。
開始凍
我痴咗呢系列
今日所有嘢都係乾架。果種感動係冇辦法用文字形容。
一點開飯!
又飯又意粉究竟係咩玩法
個兜入面仲有好多菜同肉
食飽飯之後我導遊話我知我個廚師屋企有急事要落山
佢話我嘅飲食唔會受到影響
我問:下 佢而家落山趕得切咩?
果時係兩點幾同埋係4千6百米
佢話對佢嚟講夠架喇
於是我同佢道別再俾埋貼士佢就走咗
而我就去咗訓晏覺,仲訓咗三個鐘😂😂
今日去到營地果時個頭有啲飄飄地 又唔係頭痛 感覺怪怪地底下啪咗半粒diamox 唔知有冇用 心理上好過啲咁解
另一個小問題係,唔知係咪高度問題,我個肚好似被吹漲咗咁每日都好多氣,瘋狂放屁,有時唔知係急屎定想放屁,係咁除褲又著褲好煩🙄
訓醒又食過 痴孖筋咁勁多飯
侍應話你一定要食呀 食飽啲先有力上 你唔好放棄呀 你一定得架!佢日日都同我講Hakuna Matata
不過我心情都好平伏 唔算好緊張
希望到時順順利利 唔好咁大風
體檢冇事就訓覺啦 得番幾個鐘左右訓咋
未完,待續。