呢套真係難得寫實feel,
淡淡的戀愛, 但又對感情部份描寫得夠細膩,
就好似榀子喪單戀的人, 男主只係佢代替品,
男主對佢好, 佢都知道意思, 但只係想保持現在關係,
當男主表白後, 都仲係話只想做朋友,
到最後良心責備, 話放棄朋友關係,
但聽到男主話唔做朋友, 但都唔會對佢放棄, 又即刻安心左
完全表現到收兵同驚冇左水抱的寫實感
同時, 烏鴉妹一方面話唔會要求什麼, 男主鍾意邊個都冇所謂,
因為明知自己機會唔大, 說服自己說服男主去繼續接近男主,
但同時真係聽到男主去左搵榀子, 放左自己飛機,
發覺自己係次要, 真係備胎, 矛盾地覺得傷心,
所以其實自己根本就係搵個籍口俾自己繼續接近男主
係一個暗戀/單戀/兵仔的悲歌
而男主明知榀子(暫時?)唔會接受佢, 但唔放棄的同時,
又唔會拒絕烏鴉妹對他的好, 害怕失去水抱,
面對於鍾意嘅人唔鍾意自己; 同
唔鍾意嘅人鍾意自己 的葛藤
某程度上, 男主同榀子都係類似的人
anyway, 直覺最後榀子發覺自己鍾意上男主, 男主就首選榀子,
最後烏鴉妹做炮灰,
睇得多動畫, 次女主角9成9冇好下場