Unpopular opinion: 我覺得烏鴉妹比榀子更唔討好
tl: dr: 浪同烏鴉妹其實都好自私唔理鍾意嘅人嘅感受,榀子對魚住相比之下其實無咁仆街
榀子對魚住係自私,魚住對佢黎講只係一個大將軍,對住浪又唔夠撇脫,簡單啲講就係唔想做醜人得失任何人,想逃避所有責任
但係榀子嘅行為好大原因係俾 '昨日' 束縛住。榀子起碼俾過機會魚住嘗試 (一半出於好感另一半出於愧疚),亦都有對魚住付出過,只係佢忘記唔到死左嘅好深愛嘅'前度',所以同魚住先至唔work。
榀子嘅行為點都係唔啱,係未放下前度嘅時候係唔應該同新嘅人開始,但係佢嘅行為我覺得起碼係人之常情。魚住同榀子只係timing 唔啱,如果榀子同魚住遲啲先開始其實可能真係可以開花結果。
掉反轉睇烏鴉妹,佢對魚住係好有'愛' (雖然佢自己都解釋唔到佢嗰份愛係出自咩,但係愛情本身的確就係咁)
但係魚住一開始對佢都無咩印象,烏鴉妹已經不斷追求佢,到中期魚住覺得困擾直頭開口同佢講唔好成日搵佢 (其實都明示緊叫烏鴉妹收皮),烏鴉妹都係到死纏爛打,明知自己嘅行動對魚住黎講好沉重同會令魚住好困擾都唔知所進退,重要成日去人地屋企同工作地方捕住人,掉反轉如果烏鴉妹係烏鴉佬一早俾人話係stalker 拉左啦
大佬,鍾意人唔係大曬㗎,如果人人都心想事成就世界大亂啦。深情還深情,但係唔係做痴線嘢嘅藉口,如果知道自己嘅行為令對方困擾都重唔識收皮,咁係叫做痴漢唔係叫做 愛。烏鴉妹幾可愛都改變唔到佢係stalker 嘅事實
[black]我女朋友就係先後俾幾個男人stalk 佢stalk 到去屋企樓下,我女朋友一早直接拒絕同block 曬佢地就係到解釋話因為自己好愛佢所以要體諒佢控制唔到自己,有啲重要怪反我女朋友轉頭唔肯俾機會佢地,然後就係啲fb ig 扮慘情play the victim card,成班青山走犯咁[/black]
而浪就直頭係個乳臭未乾嘅死口靚仔,榀子已經開口拒絕過都係到死lur,今集知道左榀子同魚住係一齊重要係兩個人面前發火要人解釋
浪就好似啲小朋友得唔到自己想要玩具就係條街到lur 地發脾氣,浪同烏鴉妹嗰種 '因為我愛佢所以就做咩都得嘅唔駛理對方感受' 嘅心態有啲似,只係實行嘅方法唔同
而事實上榀子由頭到未都唔係浪嘅附屬品,榀子都講到明只係當佢係細佬同family friend,榀子同邊個一齊原則上都唔駛同佢交代 (呢方面烏鴉妹反而幾成熟起碼識得祝福魚住,要俾返啲credit 佢)