[遊記] hea遊東京

以下成個post都係野食
如果你係半夜三更先追po/減緊肥既話
我建議你都係skip左呢part啦














食左兩樣野之後決定暫時離開北海道
發掘下其他野食



影柒左既牛肉海膽壽司

一開頭以為係生牛壽司
不過食落發覺係煮過既
有牛味，但唔算好突出
脂肪多d果邊會比較香口
海膽食落冇苦腥味
但係有陣明礬味
飯就正常野，唔會好淋好散咁
整體黎講都還好
但冇左舊海膽可能仲好食d


蟹味可樂餅

入面真係有蟹肉架
雖然得好少好少
有蟹肉就自然有蟹味，仲幾香
薯仔都好軟好滑
又夠熱辣辣脆卜卜
一個字: 正



左: 蜜柑汁
杯野呈淡黃色，好稀好水
味道偏淡，飲到有一粒粒果肉
但真果汁好似唔應該係咁淡
再行多陣見到人地揸住既蜜柑汁
色水都係好橙好金
同我手上既呢杯完全唔同
結論係呢杯野似係用粉溝出黎

右: 紅茶
茶味香濃、濃而不澀
呢個就真係好飲啦


唔知咩魚

當時係有特登search過
不過年代久遠，已經唔記得左
d魚上哂炸漿，好明顯就炸過黎
但唔知點解又雪凍左
兜魚肯定擺左好耐
未食都見到d炸漿淋哂
食落好鹹，好重腥味，又多骨
最後食左三分一就掉左


中左幾次伏
去食返個「全國殿堂丼」定下驚先
哎呀～係「候選殿堂丼」先岩

全場有十四個候選佳麗丼
另加兩個已經上左神枱既丼俾人試食
不過要食到好西
先要經過重重試煉

首先
要去呢個插住全國乜乜選手權旗既攤位
買張候選丼既換領卷(500円一張)


換領卷可以無限買
但投票用既銀仔就只可以拎一次
雖然不停排隊買銀仔都應該冇人知

然後
再去心儀既攤檔排隊

排幾耐就睇運氣
試過幾乎唔洗等
又試過排左十幾二十分鐘先有得食

最後
排左幾轉隊之後
我終於得到一碗飯



不過身為一個稱職既女朋友
就梗係乖乖地企喺到影相等開飯
排隊同買野呢d咁粗重既功夫
都係留返俾男朋友做啦

頭先個飯係生十勝牛撈飯
面頭鋪滿牛脂粒同免治肉碎
全靠飯既熱力令d牛肉冇咁生
同埋溶左一粒粒既牛脂佢
令成個丼都充滿牛油香
而且嗰種入口即溶既感覺真係好撚正
加埋紫菜同蔥花既點綴
成件事係好完美
不過食多幾啖應該會好快飽


醬油漬鰤魚飯

個丼仲跟埋湯
食到一半可以倒落去做埋茶漬飯
一個飯兩種滋味


塊刺身幾濃醬油味
同時又唔會完全蓋過魚生自身既味道
同香港嗰d所謂既醬油漬乜乜柒柒比
簡直差天共地
加埋d飯又吸左d醬油味
本來就已經幾好味


加左湯之後又有另一種風味
首先舊魚浸熟左，口感鬆軟左
同埋d醬油俾湯沖淡左
令魚既味道更加突出
而飯亦由本來既醬油味為主
變左做上湯味為主

我自己鍾意就咁食多少少
始終條魚熟左之後d肉散散地要慢慢夾黎食
冇一大舊魚生擺落口咁爽

好彩食完飯先追post

Live. Lm

更新未？

In Tokyo, it was sunny earlier but now, it's just spitting a little.

It's been raining on and off all day.

幾日唔見人 樓主無事嘛？

79層個龍蝦湯邊到買

係我衰係我唔好
係我對大家唔住
最近實在太忙，冇時間打文
盡量5月完之前打埋淨低嗰d佢

街邊嗰d汽水機撳出黎架
冇記錯大約130円左右一罐

香港既話就唔知啦

雖然每個丼飯都只係有半碗份量
但連埋之前食食埋埋既野
我地個胃都差不多被KO了
於是決定俾個肚同對腳攤抖下先
不過坐低之前都係忍唔住食多少少野


甲羅燒

入面有蟹肉，海膽同三文魚子
蟹肉好鮮甜
d蟹汁亦好香好好飲
到底早幾日餐蟹係有幾差
先要不停食蟹補數
海膽依然係唔苦但一陣明礬味果d
三文魚子都係新鮮既
不過魚油味亦稱唔上係好香
就咁食蟹肉應該會仲開心
平d之餘又唔洗食其他味道一般既野


燒賣

望落個樣好似香港既燒賣
即管就試下有咩咁特別
點知食落根本係同一樣野
不過呢到就興落芥辣
落完之後好似係好食左少少既
不過硬係覺得怪怪地咁


食飽飽
我就喺到瞓返陣回下氣
你地繼續慢慢逼啦














小睡二三十分鐘
個人生猛返哂
又係時候出去搵食
食過返尋味
我地一於又買多兩張卷食丼飯
仲同時買左啤酒送飯


鯛魚飯

鯛魚除左有好濃既魚味
亦帶一份鹹鮮味
而飯就帶淡淡既醋味
係一個好純粹但相當唔錯既既魚生飯
只係我勢估唔到呢個平平無奇(?)既丼飯
竟然連續兩年成為左日本人心目中既no.1
我真係恭喜你呀，你上左神枱喇



黑豚三味丼
三味分別係用醬油炆過既豚肉、
包住肥豬肉既玉子、同埋味玉

豚肉食落香濃而鬆軟
而且d飯吸左豬肉既醬油，好鬼香
玉子既甜同肥豬肉不謀而合
適當既甜味能夠解除肥肉既油膩
味玉比起其他兩味相對普通
但佢可以帶到滿足感俾你
飯側邊仲放左少少帶酸味既漬物(紫色嗰堆)
食到咁上下食返一舊可以清下味蕾
等人唔會咁快食濟



食左四個望落靚仔/好味既丼飯
覺得心滿意足了
係時候要交出神聖既一票了


最後投左咩?
sorry喎
選民係有權將投票意向保密
只可以講我投左頭四位之一
因為頭四位就係我地食左嗰四個

fyi 選舉結果:
https://www.tokyo-dome.co.jp/furusato/special/donburi/index.html

Lm

一餐食4個丼飯

其實每個飯得半份
除返開都係一人一個
同埋其實前前後後都食左5個幾鐘
所以嚴格d黎講算係兩餐

你以為投完丼飯
我地就會離開會場?
Nonono，我地都未行完
順便送上場內劣照







用沖繩縣產芒果整成既甜品
承惠850円一份
日本生果果然係鑲金既



唔知咩祭典



象徵長壽同有福既達摩不倒翁



掛滿心形紙牌既繪馬架

不過桃花既野就唔洗預我啦


行完個場已經係夜晚7點幾
本來諗住走架啦
但任性既我死都話想食多個甜品
於是又行返轉頭
結果唔小心買左d野咬下


飛驒牛串燒

成日聽講飛驒牛幾好食
咁岩見到就會一會佢
而食落油香味幾重，但牛味欠奉
覺得名大於實
或者去返當地食會好d掛


黑糖蕨餅 (影嗰陣屋企人已經食左一半)

行行下有個嬸嬸好熱情咁叫我地試食
食完覺得幾好味就買左一盒諗住做宵夜
點知最後拎埋返屋企
唔知係擺左幾日
抑或係搭過飛機
係就係幾香幾軟熟
但硬係覺得比現場試食嗰陣差左少少


黎到節目既尾聲
當然要整返個甜品收個靚尾
黎個首尾呼應
哈蜜瓜牛奶雪糕

可能因為上年打風導致失收
個價比起之前睇既貴左一截
而且個哈蜜瓜唔多甜
雪糕甜得黎冇乜牛奶香
叫做彌補返哈蜜瓜唔甜既缺憾
不過呢d gimmick野都預左得個睇字.....


總括黎講
呢個美食展(?)真係好有置身祭典既感覺
特別係會場熄左燈既時候
而且食物水平都算高
感覺好過香港嗰d所謂既美食展
似係想氹你買野返屋企多過享受食物
(當然呢到都有好多特產賣啦，只係唔會咁hardsell)
如果你夏天冇機會去日本
又想感受下祭典既氣氛
或者想食盡日本各地既特色食物
假如夾得岩時間的話
我好建議大家入黎行個大運




再見啦故鄉祭
再見啦巨蛋
我地有緣再見

離開巨蛋之後即刻衝去池袋
諗住去下sunshine city間pokemon centre
話哂都係旗艦店嘛
可惜最後都係趕唔切
去到既時候莫講係間centre
連商場都開始落閘
結果男朋友去左幫襯人地個廁所
我就喺某個角落on99等左佢大半個鐘


由屎坑撈返男朋友上黎之後
即管睇下池袋仲有咩地方消遣
但係為時已晚
除左機鋪之外既商鋪都閂哂門咁濟
得返bic camera可以行下
點知行入去五分鐘唔夠就有廣播話佢都要收皮
我地又唔想去機鋪夾公仔
於是打道回府






連西武都熄哂燈



唉
明明聽講池袋好多野行好多野睇
行起上黎一日都行唔完
只怪我地太夜到，只可以到此一遊
唯有留返下次再黎過




返到酒店又要做例行公事

family mart既肉丸湯

入面有d不知名既粉
個樣望落似透明既河粉
食落係爽口既
湯既味道就係普通豬肉湯


紅酒汁煮牛肉

牛肉煮到好淋好軟身
但又唔會一夾就散
而且非常入味
紅酒汁既甜加埋牛肉既香
搞到我好想送飯食


又係7仔漢堡扒

我: 點解便利店咁多野食
你偏偏係要買漢堡扒既
男朋友: 乜你唔覺咬落啖啖肉
成口肉汁好治癒既咩

ok u win，但下次可唔可以俾我試下其他野

打開之後發覺汁同肉係分開既
而且個格局有種似曾相識既感覺
岩岩睇返d舊相
發現之前喺全家買過同一類野
舊肉質地正常，唔會太實或者太鬆散
但塊扒同d汁既味道就唔太夾






食食下宵夜
睇到有武漢人帶左個肺炎入日本
呢單仲要係日本首宗感染個案

武肺我屌你老母啦
搞到我冇得移民啦






DAY 6 完

池袋東囗個邊都多野行架喎 有24jeansmate round one 條街都仲有野行 又有seiyu

樓豬我到了 你男友在哪

呢幾日都冇乜心機打文
尤其係呢一兩日......
如果仲有人睇既話
不如話我知應唔應該繼續


求撚其快d完左佢啦
等心情好d先寫埋淨低嗰d

想寫就寫

想寫就慢慢寫

終於的起心肝寫返個遊記
希望仲推得郁
其實過左成個月心情都好差，甚至更差
but life must go on
既然做唔到d咩去改變現狀，不如好好過日子吧







未決定去旅行之前無意中睇到條片
https://youtu.be/2yEP18VAkKk

佢講到又抵又好食
於是我就bookmark左
直到扑錘去東京之後
我就決定一定要拜會下呢間野
今次就平平地book左5800円既lunch set
(lunch set得一個價位揀)


唔知個個係咪都睇左條片先決定黎食呢
成間鋪六至七組客入面
大半都係講廣東話
不過今次serve我地既師傅就冇片入面咁靚仔
而係一個光頭老師傅黎(冇圖)


靜岡縣產醃製鱒魚片

用鹽醃過既鱒魚
無論賣相、味道同口感
都同煙三文魚有幾分相似
只係冇煙燻既味道
同埋冇平時食嗰d咁重油脂
配埋淋左少少醋既沙律菜
食落幾fresh幾開胃


南瓜湯

質地偏濃稠
好香好濃南瓜味
而且同忌廉既香味相輔相成
但飲落有少少膩
好彩得幾啖


鐵板蒸和牛

加水cum蓋蒸(?)既牛肉
面頭加左d帶微酸既蒜汁
等個胃又開多少少


是日主角 - 鐵板燒和牛放題

放題為時大約一個鐘
呢段時間師傅會不停燒牛
然後我地就不停食食食食食
食到夠鐘/飽為止
根據我地既經驗
一個鐘大約可以食到6-7轉
視乎當時有幾多組客啦



佢唔係超多雪花嗰d和牛
唔會入口即溶，但都幾濃牛味
不過個人覺得放題既話
都係食瘦少少好d
唔係就會好快食飽，回唔到本

只不過舊牛好唔好食都要靠彩數
我食嗰d就正常冇乜事
但男朋友食到雪到霉左既肉
而附近有兩個日本嬸嬸 (當時唯二既本地客)
佢地食嗰d好明顯係多d雪花肥美d


師傅手勢幾好
每塊扒都煎到岩岩好
個面有少少焦香
而入面仲係5成熟左右




除左和牛
呢段時間仲有洋蔥放題
等你食到濟濟地嗰陣可以清清味蕾



香蒜焗飯(?)配麵豉湯

個碗雖然好大但入面得幾啖
唔洗怕份量太多食唔落
個飯的確充滿蒜香
為成餐飯錦上添花


最後用淋左士多啤梨醬既雲呢拿雪糕作結



話就話食兩個鐘
最後頭夾尾都係坐左個半鐘左右
感覺有少少呃秤
不過我估大部分人都食唔到咁耐
最少我同男朋友食左6轉肉已經覺得飽....


同埋雖然佢寫係5800円
但呢個價仲未計酒水、留位費、10%服務費同10%消費稅
埋單兩個人總共係17xxx円
如果你問我佢值唔值10%服務費既話
我覺得都值既
d staff普遍都好細心
特別係我地去嗰陣係冬天
著住一件二件大褸
我地除嗰陣係一件一件分開除
到走嗰陣我發覺佢地將兩件褸合二為一
等我地可以一次過著哂
送客又會送到入lift之餘仲幫你㩒哂制咁
唔會過左海就係神仙乜都唔做



結論係如果你係大鄉里如我想食下和牛
又想有服務既話係不妨一試
但唔好抱過大期望
唔好諗住d肉會好食到識飛天




銀座のステーキ 銀座中央店
東京都中央区銀座5-9-1 銀座幸ビル B1F
https://s.tabelog.com/tokyo/A1301/A130101/13188231/
http://www.ginzano.jp/steak/chuo/

想多謝樓主 一年無去過旅行既返工狗可以有小小寄託
感謝 要繼續寫！

望到咁正，幾錢一晚？