[遊記] hea遊東京

仲要冇船 一有船你都唔洗諗
太陽又唔好太曬 所以朝早5 6點去最好 有心影就揀啲湖邊酒店方便好多

上年12月中手機劣作兩張

咁多位唔好意思
之前嗰排屋企人入左廠
所以冇乜心機打文
黎緊會慢慢pick up返

冇事呀嘛？

take care sis
take ur time

巴打我同你個去既日子行程全部基本上一樣

佢sis黎

繼續支持

太陽落山後就準備返歸
我地企喺個好似雪櫃既巴士站等啊等
等左二十分鐘都係得個吉
凍到覺得自己就快結冰之際
終於見到架就黎逼爆既車
好彩仲有位俾我地攝上去
唔係實變雪條


再見啦河口湖



喺到奉勸大家走既時候要預多d時間搭車
因為架車真係好多人上上落落
而且總係有d聲稱冇散紙既人阻住地球轉
搞到架巴士瘋狂delay
連埋等車既時間
我地用左大半個鐘
先由中間d站返到河口湖駅


返到河口湖駅終於重遇富士山
不過又係見唔到個頂.......




站出面有個牌寫住依家4.2度

4度?????
邊忽似4度啊!?
我著左heat tech同羽絨同風褸
再戴埋頸巾同手套都覺得好撚凍喎
依家起碼有零下一兩度啦下話!?


見仲有少少時間
就坐低食少少野休息下

富士山形可樂餅

hmm.....
件野擺到淋哂
薯仔又冇薯仔味
不過都係食佢個樣既啫

Lawson買既鰹魚飯糰

買嗰陣其實唔知咩黎
食落去有一陣煙燻既味道
同埋食到好多撈左燒汁既鰹魚碎
因為我本身係勁鍾意食鰹魚碎
所以覺得佢超好味

冇事掛

祝你同屋企人身體健康

有update

勿相認

食完野坐多陣就夠鐘返東京


一上車
屌你又係Thomas

月亮頭到底有咩咁吸引
要擺到成條電鐵都有之餘
連巴士都要整埋一份
更不可思議既係
後面有對日本妹係咁話kawaii


嗰陣諗住好可能以後都冇得食
所以上車之後又啪左個千層雪糕

點知三個月後香港通街都有得賣
不過人係犯賤既
永遠都係得唔到既時候先識得珍惜
所以點計都係當時食得開心d滿足d


搖左兩個鐘又返返東京

落車第一時間去搵汽水機買野飲
最後用獵奇既心態
買左罐麻婆豆腐湯

味道上佢係正常既
surprise既係罐野入面竟然有肉碎
不過硬係有種奇怪既感覺
可能係食唔慣日式麻婆豆腐陣味
又或者係覺得呢味菜同飲品格格不入掛


返到上野之後
早兩日食蟹食到一肚氣既我地
突然心血來潮想食多次
希望一雪前恥
於是走去蟹道樂碰下運氣
明明眼見有一堆空枱
點知行埋去就話full左冇位


最後我地去左附近食吉列牛

其實上年食完之後就念念不忘
依家終於有機會再食
不過上野呢間得12個位
我地再等左接近成個鐘先食得


呢份我既

呢份男朋友既
分別只係多左塊牛

有少少可惜(?)既係個漬物換左第二樣
可能因為咁我覺得呢餐比起上次差左少少

男朋友食完碗飯之後仲好肚餓
於是叫人幫手添飯
唔知係咪就快收工既關係
佢得到一碗堆到山咁高既白飯
食到佢舉白旗
最後要我幫佢執手尾

食完飯之後又行下阿美橫町消化下
行到咁上下就返酒店




由於今日實在好飽同好攰
宵夜時間暫停一天




DAY 5 完

係咪就關門先話冇位

唔會掛
佢寫收11點，我8點半去到.....
斷估一餐飯唔洗食兩個幾鐘掛

上圖個隻千層雪糕 7仔都有了

不過好貴下

你仔仔碗飯笑死

DAY 6


今日依然係瞓到自然醒
不過同之前幾日有少少唔同既係
我終於有早餐食
今次揀左喺香港都有既すき家
生蛋撈飯我黎啦
原來對上一次食すき家早餐已經係4年前既事，時間既野.....


塊三文魚扒都幾鹹
係要送飯先食得落既程度
但隔離枱個啊叔仲要加大pat醬油落去浸住塊魚
一把年紀仲咁食法，唔怕腎虧咩



食完野又去阿美橫町睇下野

點知睇睇下男朋友又口痕
買左個kebab食

個kebab好明顯係就日本人既口味
用左燒烤醬加蛋黃醬溝出黎既汁去整出黎
舊肉就好香燒烤味，但有少少乾
不過有d醬汁同生菜絲送下就okay既

アラスケバブ
東京都台東区上野4-7-8
https://s.tabelog.com/tokyo/A1311/A131101/13241671/dtlphotolst/


行下行下就過左兩個鐘
最後買左兩對波鞋咁大把
講左成年終於買到鞋


跟住返酒店放低d戰利品
順便食返琴晚買左但冇食既宵夜(?)

左: 有蛋味、好動L、但好L甜
右: 奶味重過蛋味、杰身、都係好甜

其實十幾年前，香港好多小朋友（男仔）鐘意Thomas火車頭

咩係KEBAB

樓主冇事呀嘛

冇事，只係返工太多野做
做撚到凌晨兩、三點
肯定係之前笑鳩男朋友既報應

接住落黎等緊我既
係我今次旅行最期待既活動
首先要搭呢幾日都未搭過既地鐵

落車再行幾分鐘
黎到同我地冇乜緣(?)既東京巨蛋
準備同一堆日本人齊齊逼



ふるさと祭り東京 (東京故鄉祭)

每年一月中都會喺東京巨蛋舉行
係一個集合左全日本美食
同埋各地特色祭典既活動
無論南至沖繩、北至北海道
都可以一次過食哂睇哂
難得夾得岩時間
又點可以錯過咁精彩既活動


喺核心既外圍兜左半個圈終於買到入場卷

張飛原價1800円
但外國遊客可以事前上網登記coupon
折完之後只需1000円
可以慳返千幾円去食多d好西


巨蛋真係好撚大
兩張相都影唔哂成個場


紅色嗰個位係舞台
每隔一個鐘左右就會有各地祭典上演
例如我地去既呢日
就有青森市既睡魔祭
而且舞台附近都展出左一堆山車

不過我地既主要目的係食、食同埋食
對所有祭典都係只聞其聲，不見其影



唔知點解
好多人對北海道都有種情意結
而我地都唔例外
所以第一時間就衝左去北海道個corner


屌真係好撚多人
仲逼過維園行年宵


幾經波折終於買到第一樣野食
士多啤梨煉奶冰

成杯都係一片片士多啤梨整成既冰
目測最少用左十粒八粒士多啤梨整成
相當於出面買一pack既份量
而咁大杯野都只係700円
咁既價錢食到咁多士多啤梨
簡直係抵到爛

士多啤梨帶少酸
配合埋甜既煉奶
呢個酸酸甜甜既組合
作為開胃甜品實在最適合不過


襯我仲食緊兜士多啤梨既同時
男朋友喺唔知邊到又搵左d野食返黎

鹿肉串

因為未食過所以買黎試下
口感介乎係羊肉同牛肉之間
有羊肉嗰種鬆軟既感覺
亦有少少牛肉煮熟左既韌度
但佢唔似羊肉有臊味
亦唔似牛肉有好濃既肉味
反而係帶有淡淡肉香
加上少少鹽同胡椒調味
味道岩岩好
唯獨稍嫌脂肪多左少少
食完感覺有d油膩

支持

btw 串鹿肉好恐怖

The weather forecast said there would be fog and drizzle today. It also stated that it was going to be sunny and breezy tomorrow, just right for swimming.