[遊記] hea遊東京

Lm 取消咗唔去，睇吓你點遊都好

DAY 2

話說今次個酒店plan係包埋早餐
於是朝早落左去食
佢有8個時段俾人揀


我地就揀左尾二個slot


個早餐簡單得黎又幾好味
尤其係炒滑蛋同嗰兩粒雪左做冰既提子


除左好食既早餐
坐窗邊位置仲可以護眼



食完早餐返房執埋野就check out

男朋友: 不如拎埋個喼去行?
我: 拎住行會唔會有d麻煩.....
男朋友: 都係行一陣啫，唔怕啦
我: 唔好啦，可以擺低就擺低啦

喺我既堅持下
最後唔洗做專轆人對腳既蝗蟲兩手空空去遊覽成田山
事後諗返轉頭
呢個舉動係正確而必須既

行到去成田駅
撞正一堆人由車站行出黎
當時好疑惑咁多人黎成田做乜春
行到一半終於醒起
呢日除左係星期日
仲係三連休既第二日
個個都襯放假周圍遊覽
所以成條街都係人



行過川豐
門口已經排左一條小小既人龍

一心諗住黎食鰻魚飯既我地
見到咁既情況
再望住條街越黎越多人
就九秒九衝埋去攞飛
然而岩岩開門冇耐已經要等百鳩幾張飛


經過另一間鰻魚飯名店(?)駿河屋

當時咁岩撞正間鋪開門
見到d日本人好似喪屍咁衝埋去
我以為自己睇緊恐怖片啊屌

more

LM

加速

經過幾次落斜上斜後
終於行到新勝寺


新勝寺建於公元940年
距離現今已經有過千年歷史
因此寺內唔少建築物都被列為重要文化財
除此以外
新勝寺亦係初詣(新年第一次參拜)既熱門地點
單係一月就有超過三百萬人次黎參拜
而每年亦會接待接近一千萬人次
成為關東地區第二多人參拜既寺院
(第一係下一日會去既明治神宮)

一行入去
左右兩旁分別係賣護摩札*同祭品既地方



*護摩扎: 作用類近護守，分別係護摩扎上面會寫低你既名字同願望，一般人會用作祈求平安同消災解難等等。有分為木札同紙札兩種，又以木札比較常見。雖然護摩札係永遠有效，但一般只會用一年，之後會拎返去寺院燒左佢，以感謝神明過去一年既保佑。


仁王門
重要文化財之一


由上面影返落去
真係好撚多人


好多人圍住個香爐

據說d煙有淨化/送走霉氣既功效
等我都撥返d煙去自己到先


三重塔


好多人既大本堂

我地廢事同d日本人逼就冇入去
喺香港仲逼唔夠咩
而且比起參拜
我更加想求返枝籤
今年繼續抽到枝吉籤

望住枝籤話本來既憂慮會遂漸變得明朗
嗰一刻係幾開心既
但一個肺炎
足以令到所以野再次陷入未知

而男朋友就抽到半吉既籤
佢覺得半吉都唔係咩好野
決定綁起佢唔帶返香港
(佢舊年喺淺草寺抽左枝凶籤，所以今年進步左架啦)



跟住去奧山廣場行下
個廣場有好多小食賣
仲有好多位俾人坐低食野同休息




天寒地凍
最岩就係飲杯米酒暖下胃
杯酒(?)甜甜地得黎好香米味
諗起就想飲多次

周圍都貼住初詣既poster
每次見到都覺得佢係恥笑緊我
恥笑我山長水遠黎到同人逼



額堂


光明堂


醫王殿同平和大塔

以上三個都係重要文化財


喺醫王殿下方既成田山公園


聽講行得幾舒服
不過當時成日驚住會冇得食飯
所以就冇落到去

行左一個圈就原路落返去鬆人
最後送多幾張劣圖俾大家

我都去過兩次

想年尾去第三次但唔知個武漢肺炎搞掂未

本身想年中/年尾去多轉短短地既旅行
依家咁既款邊到都唔洗去

本身3月去福岡,我都放棄了

行完新勝寺就出返去表參道





越接近中午，條街就越多人
多人到幾乎行唔郁
呢個時候仲要落起毛毛雨


最後索性邊到都唔去
企喺川豐對面既觀光案內所等食飯


等等下覺得無聊
入左去案內所轉個圈
發現入面放左幾架山車 (神轎?)


除左大大架山車之外
案內所入面都仲有少量展品
如果有興趣/想打發時間既話都可以望下


由攞飛一刻開始計既兩個鐘後
終於叫到我地個冧把


然而呢個只係開始
之後仲要排隊買野食同等佢安排入座
好彩可以睇下師傅劏魚打發時間




劏好左既魚就咁放喺等入座條隊隔離
萬一有人打個乞嗤落去就
好彩當時日本仲未有肺炎


等左接近20分鐘
終於有得坐
過一陣會有人放低杯茶同餐具


枱底有個暖爐俾人暖腳


再呆坐廿幾分鐘
終於見到個飯
係等左差唔多3個鐘既鰻魚飯啊



上うな重
鰻魚有好香炭香味
亦燒到外脆內軟，而且冇泥味
醬油好入味，但味道唔算好濃
唔會搶走鰻魚本身既味道
d飯亦吸飽左醬油同魚汁
每一啖都好好味

食到一半加左d山椒落鰻魚到
除左解膩之外，仲輕輕提起鰻魚既鮮味
絕對會令人追住黎食

美中不足既係
條鰻魚始終有少少幼骨
不過我覺得就未到要lur出黎既地步

然而呢個飯既份量真係有d多
食到最尾幾乎想放棄
強烈建議細食既人唔好叫咁大份

きも吸
少少鹹又清清地咁
味道上冇乜特別
不過飲左之後可以解解膩
值得一提既係碗湯落左少少芫茜
唔食芫茜既人可能要注意一下


川豊 本店
千葉県成田市仲町386
https://s.tabelog.com/chiba/A1204/A120401/12000709/

係咪因為遇正初詣人多，食飯先要等咁耐？

初詣+假期
我去嗰日平均輪候時間係270分鐘以上
平日去應該會好好多
招呼會好d之餘又多d野食揀
(當日menu上8成既野都暫停供應)

食飽飽，雨又停左
人流又稍為少左ddddd
係時候認真行下表參道


然而80%既鋪頭都係逼滿人
最後好似只係入左幾間精品鋪望幾望就收皮
冇野買就唯有裝多d野食落肚啦


醬油味仙貝

即整即食夠哂熱辣辣脆卜卜
味道就正正常常

味噌味仙貝

可能放左一段時間
塊餅(?)吸哂d醬汁所以冇咁脆
而且比起味噌同海苔既味道
我覺得辣味更突出
仲越食越辣
食到咁上下覺得辣得滯塞左俾男朋友

林田のおせんべい
千葉県成田市幸町490
https://s.tabelog.com/chiba/A1204/A120401/12028932/


成田幾出名既なごみの米屋
專賣羊羹同和菓子

呢間鋪頭d野聽聞都幾好食
於是入去睇下有冇d咩岩食/做手信
但一入到去我即刻後悔了
入面有空位既地方幾乎企滿哂廢老

(網上圖片，同我眼見既差唔多)
留多幾秒都驚自己會廢埋一份
即刻走夾唔抖
既然買唔到和菓子
唯有繼續食多d野補數


甜醬油糰子

粉糰幾煙韌，不過有少少痴牙
面果pat醬油幾香濃
整體係唔錯，但唔係我杯茶

btw 真係估唔到小食鋪都要排隊


榎屋
千葉県成田市上町503
https://s.tabelog.com/chiba/A1204/A120401/12041323/

呢到竟然有馬騮戲睇



牛奶雪糕

杯雪糕食落好軟綿綿好creamy
同埋空氣感好重
個質感令我有一刻覺得係食緊忌廉落肚
除左口感似忌廉
杯雪糕仲好有奶香，但同時偏甜
不過又唔會有好膩既感覺

除左食雪糕，我地仲飲左杯牛奶
唔知點形容陣味
感覺係好fresh好清新
feel到佢冇乜點加工過
同香港甚至日本盒裝奶有好大分別
如果經過一定要試下

成田ゆめ牧場 花崎町店
千葉県成田市花崎町839-12
https://s.tabelog.com/chiba/A1204/A120401/12023652/


食完個雪糕
意味住都差唔多行完成條表參道
跟住返酒店攞行李準備出東京
再見啦成田市






小後記
新勝寺不愧係新年參拜熱點
周圍都係人，人同埋人
呢個景象實在係意料之外
事關出發前睇左十幾廿個blog
條表參道同新勝寺都係得小貓三幾隻
睇黎我地嚴重低估左日本人喺假期出遊既意欲
即使到下午接近2點
條街都仲有好多人
根本冇辦法好好遊覽呢個地方


希望以後有機會再去成田山
望真d呢個歷史悠久既地方啦

留名等正野

Lm 之前睇過你個親戚遊東京 幾好睇

攞完行李去返車站
搭京成本線直出上野
車程係就係長少少
但勝在可以一程過，唔洗轉黎轉去



估唔到站入面都有祝賀新年既牌


沿途都係d田園景色
再唔係就係民居




訓左唔知幾多轉之後終於到上野




由京成上野駅沿住大馬路行五分鐘
就黎到打後成個星期住既地方
相鉄 フレッサイン 上野御徒町
https://fresa-inn.jp/okachimachi/
住6晚加埋大約4000hkd

(網上圖片)

由於土地問題
間房係好撚細
不過大部分要有既野佢都有
係少左個夾萬






門口有個牌俾人插落去
即使出左去都唔怕冇電


間房仲有部平板電腦

除左可以睇下天氣/景點資訊之外
仲可以check到酒店唔同設施既使用狀況
連間房要唔要清潔都可以用部pad搞掂

settle down之後
又係男朋友變身社畜既時候
本身我就打算襯呢段時間自己出去闖蕩下
但張床實在太舒服
唔覺唔覺又訓著左

lm

好詳細,支持

唔好意思 阻一阻你
[海外黃店告急]去到外國求下你地都撐一撐黃店 求推
https://lih.kg/1903536
- 分享自 LIHKG 討論區

多謝支持

竟然追到POST仲未完

到左晚餐時間終於識起身
由於男朋友食完飯要繼續做野
今晚喺隔離阿美橫町搵野食就算
到左日本有選擇困難症既我地
兜兜轉轉之後揀左間連鎖店野食海鮮丼

海鮮丼x2

吞拿魚蓉有d油香味
而三文魚子雖然比較淡味
不過一d都唔腥
我諗喺香港用雙倍價錢都食唔到咁既質素


男朋友個飯係新年限定
佢話d魚生都唔錯
但我偷食果塊吞拿魚有d筋


食到咁上下
見到對面有枱人不停自拍
影影下仲伸埋對手出去職員通道
阻住d職員出入

見到佢地拎住個殘體電腦殼
心諗中国人果然都係冇禮貌
但係！！！
後來聽到呢班人係講廣東話架
搞到我即刻唔敢抬起頭食野
我屌哂你地班目中無人既廢中(老?)老母


從味道上黎講
餐飯係不過不失既
但係因為班仆街
食得一d都唔開心

まぐろ市場
東京都台東区上野6-11-20 ＪＲ高架下
https://s.tabelog.com/tokyo/A1311/A131101/13232502/