[遊記] hea遊東京

本來三月頭我都可以見到嘅富士山同河口湖

景色呢d野我相信係越高越壯觀
於是我地就繼續行幾百級上去
但係條樓梯因為落完雪而好濕
加埋我平時少運動
呢幾百級對我黎講係幾吃力
去到咁上下都冇再影相



我地仲喺到學人chok住影相

但張相好睇唔好食
每行一步都驚自己會仆街
尤其係落返黎嗰下
如果冇人扶住既話我諗已經冼低左

我地成日話
呢個淺間神社條樓梯
落完雪之後根本就係滑梯
Sir落去就得


但係上面望落去個view真係好正

好正！

呢間我食過，蔥可以3選2
日文唔掂都唔知有拈麵

我都覺嗰陣似去左瀡滑梯
但睇到靚景就值返哂

認住「つけ」呢個日文！
即係沾汁咁解

不過我當時都係睇圖先知有沾麵

東京站個商場到底點入去
去過一次搵整都搵唔到

佢地底JR 站個度有指示牌 不過我上年去個陣都搵咗三個字

部PAD咩語言都有... 職員會燒 但唔好大安旨意

依家唔知幾時有機會再去東京
買左快運11月尾去，都打定輸數

講緊gransta 定 一番街？

我第一次去喺八重洲南口側邊入
南口有間m記，隔離有條電梯定樓梯落去
再唔係簡單d可以喺JR地底既閘口行過去
不過地下街太四通八達
所以唔知點入去都好正常既

見到五重塔
意味住我地終於行完條長命梯

本來想影張冇人既相
但一路都keep住有人行過/坐低
最後我放棄了

繼續向觀景台出發
其實個台就係得三級窄窄地既木台

如果多人起上黎係會好逼
所以呢到係唔俾用腳架


喺到除左見到富士山之外
仲會有頭先座五重塔做襯托
正常黎講隨手影都可以影到postcard咁
不過因為有d背光同反光
搞到d相炒哂車
細心睇張張相唔係曝光
就係角落有d折射出黎既綠光
當刻有少少後悔冇帶相機黎影相


山上既天氣果然係變幻莫測
一開頭仲見到少少山頂

過多陣連個頂都唔見埋




影左一輪都見唔返個頂
而且見時間又差唔多
我地就行返落去
落山途中有兩個鬼佬搵我地幫手影相
佢地睇完之後竟然話perfect
做左廿幾年人
都係第一次有人喺我面前讚我影相ok(?)
搞到我開心左好耐


今次旅行去左幾次神社都冇做參拜
見到淺間神社冇人就做返
祈求未來一年有神明保佑



可惜命運終歸係命運
好多事情唔係單靠許個願就可以改變


有香港人去既地方
就會有人留低光復香港既種子


但同時都有大劣狗鬧港獨

不過呢
乜繪馬唔係用黎許願既咩
咁寫是咪希望港獨種子可以好似煙花咁散開去


跟住沿路行返去下吉田駅
富士山真係百看不厭




搭車返河口湖駅



除左站牌之外
原來仲有thomas電車

然後返到河口湖駅又有月亮頭

點解要成日勾起我既童年陰影


唔經唔覺已經成點鐘
係時候醫下肚
不過車站附近好少餐廳
望黎望去都唔岩心水
最後走入7仔買飯盒食算
平平地之餘又唔怕中伏

即日來回河口湖都唔係HEA

你指東京站入面閘外嗰個東京駅一番街？
落咗車再落一層向八重洲方向行

1. 你係行中間最大嗰段路
出閘前會見到隻紅色門有電梯向下行
搭電梯落去直行「八重洲地下中央口」出閘就係一番街

2. 如果係另外兩條路可以喺八重洲北口/南口出閘
會見到有樓梯落下一層
一落到去就係一番街

東京站其實好簡單
記住八重洲係一番街，大丸
丸之內係kitte就得

以前喺東京站入面返工已經記熟晒啲路點走

因為本身冇諗過去
除左搭車真係好耐
其他我又覺得okay
最緊要我地自己覺得舒服就得

見你影既相咁靚,抄一抄個富士見行程先

推一推先

河口湖打手表示有機會記得住下河口湖

我用iphone影架渣

除左味道正常唔伏既便當
我仲喺到意外發現左一樣十幾年冇食過既野
當時開心到好似個小朋友咁彈黎彈去
所以我要為佢獨立開一個post










登登登櫈！！！！



















就係佢喇

雖然佢唔係以前一盒盒嗰d
但有個迷你版俾我回憶下
我就已經好心滿意足


故事是咁的
話說臨出發前兩三日
我無撚啦啦喺fb見到有人講起呢舊野
於是我就心思思睇下有冇機會遇見佢
但之前幾日喺東京搵黎搵去都唔覺眼
我都打算死左條心
無謂再虛耗光陰
但天無絕人之路
終於喺個意想不到既地方食到佢
河口湖果然係個好地方


講返個千層雪糕
佢都係同以前食到既一樣
做左一層層波浪紋既忌廉雪糕
每層雪糕中間都夾左塊朱古力
不過我覺得個忌廉雪糕做得偏硬
如果想食返以前嗰種好creamy既質感既話
應該要喺室溫擺返幾分鐘先再食


佢個雪糕標榜係用北海道牛奶整既
食落奶味的確幾濃
加埋層脆卜卜既黑朱古力
兩樣加埋既口感真係不得了
我覺得仲好食過以前
不過男朋友覺得甜過細個食嗰隻


順帶一提
個雪糕(?)喺便利店只係賣10幾蚊港紙
當時喺香港同樣既野要3倍價錢
香港人既錢果然特別好呃


不過聽講呢幾日
已經有超市重新賣呢個千層雪糕
童年回憶的確係好緊要
不過賣親既都好似係藍店
要唔要買黎食就自己諗喇

幾多點先影到依個效果？

邊間超市有賣？我都想食

冇記錯係惠康
都係嗰句
藍店既野自己諗