返返原宿駅搭一個站jr落涉谷
一出車站冇耐就見到傳說中既忠犬ハチ公像
然後係涉谷駅前既十字路口
據說人多既時候
一次綠燈既時間可以有3000人次通過條馬路
沿住大街行左陣就到左目的地
其實我幾鍾意行呢d賣生活用品既地方
連埋隔離既無印
加埋行左成2個幾鐘
話說去東京嗰陣我就快生日
我老母好豪爽咁話要送個銀包俾我做生日禮物
所以睇生活用品都係其次
今次黎既最主要目的
係想睇下銀包同袋
間loft集合左一堆日本同外國brand
對牌子野近乎零認識既我黎講就岩哂
不過我就唔係幾睇得中呢到d野
決定擇日再戰
估唔到月中都仲有福袋賣
不過已經係最後一日賣
所以我估淨返既都係d立雜野居多
行完loft去埋隔離無印
係香港冇既無印雪櫃
仲有個刺繡工房
買完衫/袋可以拎去加圖案
整返件完全屬於自己既product
雖然我係幾鍾意睇無印野
但冇乜邊樣真係用得著
最後喺頂層既臨時特賣場
買左個半價既卡套
同一本50円(香港賣22蚊)既簿
行完仲有d時間
就喺附近行下
行行下見到Tower Records
就行左入去望下
後來先知呢間係日本既旗艦店
當時木村拓哉岩岩出左第一隻solo大碟
所以特登整左個角落放佢隻碟
呢到真係好多CD
講得出名既固然有貨
仲有更多我地唔認識既歌手既碟
可惜既係男朋友搵唔到佢想搵既野
除左J-Pop
呢到仲有一層專賣K-Pop野
不過大部分都係組合既CD
當中又以男子組合比較多
而Solo歌手/indie喺日本基本上係冇乜市場
呢層除左賣碟
仲貼左好多韓星既簽名相
不過短期內應該唔會有韓星黎lu
仲有唔同顏色既望遠鏡賣 CLS
去到外地總係想搵下有關香港既野
結果見到一欄寫住中港台
滿心歡喜拎黎望下
點知係新彊民謠
人地間鋪既slogan係no music, no life
我諗佢既意思係
如果冇左音樂,人生就會冇哂意義
但套落黎香港既情況應該會變左
因為冇(好既)音樂,所以人生冇意義
行完之後覺得日本既音樂世界真係大得多
淨係市中心入面可以容納一間幾層高既cd鋪
已經係一件唔簡單既事
而且你會好容易搵到唔同類型既音樂
可以滿足得到唔同人既興趣
望返香港
本來普羅大眾既音樂文化已經好差
加上十年前cctvb玩串左個party
令到本來已經唔受重視既音樂
被人進一步怱視
加上音樂電子化
搞到近年好多實體cd鋪都收左皮
以前我好鍾意一得閒就去cd鋪行下
睇下有冇d得意野
但依家都冇得咁做啦
俾我回到過去得唔得