個人目標唔易，例如 EO 咁，要 set 一套唔同部門嘅 EO 都適用嘅 KPI 比較難
部門目標嘅話，宜家都有服務承諾，個個部門都樣樣 99% 架啦，但 hea 嘅人依然 hea，照舊要新制 N 仔 carry 住啲要清假等退休嘅舊制
就係話唔應該一套KPI劃一所有EO
應該先定立政府大目標，再拆成Department Goal，Region Goal，Team Goal，Individual Goal
唔同職能，唔同目標，唔同KPI
而家整個部門跑數既弊病係，分唔到冗員
你係要所有野拆到Individual Level，你先分到邊個係冗，邊個唔係
另外，準備退休既係咪唔炒得，你要用一個Headcount去Carry另一個Headcount已經係Unnecessary Waste，就係呢D位做就左政內部大量人事浪費
要將個目標拆細係無錯
不過有好多種類嘅職位係拎同一個薪酬
但由於工作性質唔同 好難直接比較工作表現
要 set individual KPI 好似唔易
咁同酬不同工，又公平？
同酬不同工(種)梗係無問題 但點樣公平咁比較唔同工種嘅 output 呢 你有無建議？
同酬不同工(作量/效率)就梗係有問題 唔使講
唔同工種既人工點定，我個人建議係重新參考翻市場水平
用醫生黎講，人工長期低於外面既私家醫院，流失量好大，工時又長，唔加翻去市場水平你又點留人？
而一般政府部門EO，有兩萬幾，但工作量係同外面市場Executive Level一樣，就算好後經驗都係萬尾至二萬頭，政府又有無需要用到三萬去請呢？定係呢到慳更多錢去翻醫療到
政府高官不在話下，資薪水平已經同能力表現嚴重脫勾，高官位置已變為政治酬勞
有得比嗰啲，例如
掌舵或者專業職系 (AO, MO)：市場本身個水平都係睇政府 (私人出高過政府去搶人)
普通文職 (EO, ACO)：的確可以跟貼啲市場
但要留意有啲行頭無得比，例如
本身私人市場極低 pay 但對成個社會發展有用嘅 (人文、藝術、科學)
甚至係無私人市場嘅 (紀律部隊)
無得比既，係少數，果D可以再傾
紀律部隊，應該以外勤時數作定薪標準
CID有開工，無收工，同文職既係一樣
但工作量差天共地，公平咩？
