[時時精綵天天精彩] 二月十六日沙田十場賽日討論區

葉廐近排戰意滿瀉 呢四隻超級大機會！

繼前次賽事贏「影疾」後，航哥剛剛又有減夠分的「燈胆精英」爆冷贏出，呢隻馬上次留後塞車，呢鋪唔等即刻放頭郁手，家陣贏咗都要畀競賽小組抽秤跑法，但從中亦見到葉廐戰意有幾盛，若果係平時，梗係回一場先郁，冇咁多手尾呀！

呢期周日賽事，航哥又有好多筍嘢出場，當中四匹處女馬，更加係準備就緒差一吓按掣咋！第一場「富祿」近兩仗分別得第3及第2，愈來愈近要W架喇！第二場「天地僑福」上場谷草排11檔回一回跑第5，今次過來田草千二排2檔，你話呢隻質新馬贏唔贏得呢？第四場匹「紅旺」，好多次成熱門輸了，上來千四更啱佢，巴度續騎要好小心。仲有第九場匹「獎金大王」，減分多嘅自購馬，剛剛跑第三只輸畀「傳盛」少少，急於進攻嘅航哥，唔會再留手，呢次一於接住再搏！