[YELLOWKIES] SECHSKIES水晶男孩討論區 (30) 初一位粗卡

不如我又講下我既感想
利申我係大大唯飯
節目我都有睇
其實水水講有3人group chat嗰一刻見到大大個樣唔開心係有小小心酸
呢個係人之常情
就等如新西大大輸咗無飯食都會無咁開心一樣
對本命點都會偏心啲
雖然話睇綜藝唔使太認真佢講得出都未必係真
嗰一刻會唔開心我覺得都情有可原
但都唔使下下上鋼上線
攞出黎圍剿攻擊
咁樣真係好敗團飯好感
唔明點解次次啲毒唯成日用愛之名傷害團隊傷害大大

唯飯唔開心係可以理解
不過班毒唯攞依單野叫水水小心講野 真係太過份
飯同偶像本身就有條界線 永遠唔可以超越
毒唯想控制自己偶像都已經好過份
仲想控制埋其他成員點講野
水晶4個成員私下既相處方式
根本唔到飯去指手劃腳
唔好以為自己飯左好耐或者有課金就可以控制任何一個成員先得架

agger
見到佢嘅表情係有小小失落
但開新chatroom其實好普通嘅事 以大大嘅絕對實權同其他三個人嘅遵從嚟講 絕對無可能排擠大大
再講隔離sj開冇隊長嘅chatroom 啲fans只會覺得好好笑 根本唔會擔心佢地感情唔好 唔明啲毒唯成日攻擊其他人做乜

SJ櫥窗組合唔係更有名咩？
想問佢地D唯飯有冇互相攻擊？

作為一個飯咗十年嘅人 真係唔多見sj唯飯有互相攻擊 飯圈近年愈嚟愈和平 定其實我已經真係遠離飯圈太耐
對上一次嘈都係晟敏退唔退團啫

其實有心睇哂成個節目都知水水同島主有時雖然同大大吵吵鬧鬧（在德係無條件say yes)但係最後佢地都會反轉地完全服從大大嘅主意
我係南韓kpop圈真係睇唔到有邊個團有咁聽話嘅團員
仲有就算大大遲到佢地都係好平靜咁自己玩自己等大大黎
又唔見佢地有乜抱怨
都唔明啲毒唯咁都可以係成個節目其中幾分鐘嘅片段就否定佢地對大大嘅愛

我覺得班人係有種心態：大大最紅 肯同你哋班人重組已經算係咁 本身大大咁多資源 而家又要東拉西扯咁帶晒你哋上節目 你哋唔好好感恩 仲要唔受大大玩

但事實上一直有追開嘅都知 大大一直都好掛住嗰短短三年嘅時間 重組咗之後嗰年嘅綜藝 大大係真係好開心 連我呢啲咁遲入坑嘅都睇得出大大有幾鍾意幾著緊成員 而水水佢哋都好依賴大大 一個group chat啫 唔通一段關係真係單純以有冇喺同一個group而界定到咁兒戲？

口口聲聲話支持同鍾意大大 但真係完全睇唔出 淨係覺得呢啲嘅鍾意好自私

好想知其實嘈嘈閉嘅毒唯係廿幾年嚟都係咁定新入坑 如果係廿幾年嚟都係咁 都幾癲吓 我個名真係啱晒佢哋