[集中討論]DSE中文最後嘅準備，升多一級！

有咩文言文語譯係一定要識

有冇參考返2018會推出嘅DSE文言文範文十二篇？
http://www.edb.gov.hk/attachment/tc/curriculum-development/kla/chi-edu/nss-lang/Set_text_12.pdf

今年可能會試水溫
同埋孔子咁嘢睇左實無死
等我一句一句翻譯比各位睇先

子曰：「不仁者，不可以久處約，不可以長處樂。仁者安仁，知者利仁。」

唔仁義嘅人，唔可以忍受長久嘅貧困簡約嘅環境，唔可以長期生活係富足嘅環境。仁者行仁義之事，自然心安理得，能夠安於仁義，而知者係好醒嘅，知道行仁義可以利人利己，當然會去行義啦！

呢到可以引出嘅主題好多：
1.貧困同安樂>外在>唔重要
2.不仁同仁嘅分別先重要>可以心安理得
3.不仁>本身就唔安分守己>窮忍唔到,富又唔會耐
4.仁>利人利己

結論：
孔子係一個好好用嘅例子

子曰：「富與貴，是人之所欲也；不以其道得之，不處也。貧與賤，是
人之所惡也；不以其道得之，不去也。君子去仁，惡乎成名？君子無
終食之間違仁，造次必於是，顛沛必於是。」

咁有錢有地位，個個都想架啦，但孔子就話，用唔仁義方法有錢有地位，係唔得架。貧困低賤，人人都好唔想架，但如果要用唔仁義嘅方法擺脫，係唔得架。君子無左仁義，仲點可以叫做君子？君子無任何一刻無任何一餐飯入面違反仁義，就算幾緊迫，就算幾顛沛流離，都係咁。

1.財富地位>比唔上原則緊要
2.仁義嘅堅持>持之以恆嘅例子
3.有比外在條件更重要嘅價值標準

顏淵問仁。子曰：「克己復禮為仁。一日克己復禮，天下歸仁焉。為仁
由己，而由人乎哉？」
顏淵曰：「請問其目。」子曰：「非禮勿視，非禮勿聽，非禮勿言，非
禮勿動。」
顏淵曰：「回雖不敏，請事斯語矣。」

孔子嘅學生顏淵問佢，咩叫做仁呀。孔子就話：克制自己私欲，言行符合禮義，就係仁。一日大家可以做到咁，天下都係回歸仁義啦。仁義係決定係自己手中，唔係其他人可以支配嘅。
顏淵又問：咁個細目應該要點做？孔子又答：唔合禮唔睇，唔合禮唔聽，唔合禮唔講，唔合禮唔郁。
顏淵最後話：我唔醒目，但會跟孔子你講嘅嘢做架啦。

1.仁係內在道德同外在行為結合
2.如果無四個非禮勿，就無法表達到內在嘅道德
3.外在同內在一體兩面，係儒家典型嘅思想
4.孔子嘅理想：天下歸仁焉

子曰：「志士仁人，無求生以害仁，有殺身以成仁。」

一個有大志有仁義嘅人，係唔會因為保存生命而殘害仁義，只有放棄生命去成全仁義。

1.有比生命更重要嘅價值>仁義
2.但呢個嘅前提係志士仁人>係咪個個人都係咁？
3.呢個係可以用係兩方面嘅例子，睇各位點用

孟子曰：「魚，我所欲也，熊掌，亦我所欲也；二者不可得兼，舍魚
而取熊掌者也。生亦我所欲也，義亦我所欲也；二者不可得兼，舍生而取
義者也。」

孟子呢句正係出於孔子上面果句

上面四篇係孔子講仁嘅範文
一陣再打埋講孝嘅

文言文點先可以做好啲

巴打係邊部份遇到問題？

文言文點先可以做好啲

巴打係邊部份遇到問題？

成日都睇唔明篇文 字又唔係幾識解

其實正常一定會有字唔識解
我睇都唔會識解得哂
所以唔好急，要掌握左大概內容
再推返唔識嘅字出黎
睇文睇題目先，用題目推返內容

巴打不妨睇返我打嘅文
相信對睇文言文會幾有用

如果作記敘文可以睇下咩文，
成年冇作過文

孟懿子問孝。子曰：「無違。」
樊遲御，子告之曰：「孟孫問孝於我，我對曰，無違。」
樊遲曰：「何謂也？」子曰：「生事之以禮；死葬之以禮，祭之以禮。」

有人問孔子咩叫孝。孔子就話：唔違反禮。
後尾佢弟子問佢：即係點？孔子就話：仲在生就用禮去事奉佢，死左就用禮嘅方法葬佢，之後再用合禮嘅方法祭祀佢。

1.呢到重點係「禮」，要合乎其份，唔好太多太少
2.我地而家死葬祭祀，好多都係出自儒家
3.孝係內在，變成行為，就係禮啦

如果作記敘文可以睇下咩文，
成年冇作過文

http://cychinese.pixnet.net/blog/post/141629269-%E3%80%90%E5%8F%8B%E6%9C%8B%E4%B9%8B%E6%83%85-%E3%80%91%E5%BC%B5%E6%9B%89%E9%A2%A8%E3%80%88%E5%8D%8A%E5%B1%80%E3%80%89
向高手學習

巴打好有心!
我唔考試都留名學嘢

幫幫大家

留名支持

中文系留名 而家唔好再問想xx好有咩方法啦，得一日操得啲咩
而家應該問嘅係果日點樣做好啲/實際問題

留名支持

中文系留名 而家唔好再問想xx好有咩方法啦，得一日操得啲咩
而家應該問嘅係果日點樣做好啲/實際問題

絲打講得無錯
大家要問可以針對問返少少細嘢
要補底就去睇文啦

作開記抒 個flow大約係
一事件(印證我原本態度負面) -> 另一件事轉折 ->反思 -> 一件事(講返我點樣正面對待)

有冇啲咩要改善 好驚到時寫寫下離題 或者重心亂晒

呢個架構係四平八穩
如果發揮得OK，絕對無咩問題
當然更重要係入面內容點寫啦
例如「不經一番寒徹骨，焉得梅花撲鼻香」呢種
成日可以用係反思同正面對待果陣
中文老師都係中文系，好多都好Buy古詩

如果驚離題，絕對需要係咁迫自己諗返個題目
不斷咁扣連返題目，係最重要

多謝巴打
文筆尚可 會落修辭 比喻拈連融情入境嗰啲 有時題目岩會落到伏筆 但題材唔算新穎 都幾老套
咁嘅結構會唔會太平凡 想作文穩5有冇機 好淆

今年考 留名

想問巴打你叫我地依家睇多d文 淨係就咁睇篇文章 定睇埋佢個marking scheme??(for paper 1)

作開記抒 個flow大約係
一事件(印證我原本態度負面) -> 另一件事轉折 ->反思 -> 一件事(講返我點樣正面對待)

有冇啲咩要改善 好驚到時寫寫下離題 或者重心亂晒

呢個架構係四平八穩
如果發揮得OK，絕對無咩問題
當然更重要係入面內容點寫啦
例如「不經一番寒徹骨，焉得梅花撲鼻香」呢種
成日可以用係反思同正面對待果陣
中文老師都係中文系，好多都好Buy古詩

如果驚離題，絕對需要係咁迫自己諗返個題目
不斷咁扣連返題目，係最重要

多謝巴打
文筆尚可 會落修辭 比喻拈連融情入境嗰啲 有時題目岩會落到伏筆 但題材唔算新穎 都幾老套
咁嘅結構會唔會太平凡 想作文穩5有冇機 好淆

結構反而唔太需要刻意追求
睇返5以上嘅文章，其實最重要都係修辭同內容相合
不過講真一句，都係平常心
作文同說話，運氣有時係幾重要
反而閱讀綜合聆聽就無咁飄忽

今年考 留名

希望幫到你

想問巴打你叫我地依家睇多d文 淨係就咁睇篇文章 定睇埋佢個marking scheme??(for paper 1)

我比較建議睇文言文
因為已經無咩時間
至少睇多幾篇文言文詩詞，會掌握到個語感