[集中討論]DSE中文最後嘅準備，升多一級！

綜合同作文唔一樣，作文講求你嘅文筆，你嘅想像力，你所諗嘅內容如何相互配合。
咁綜合呢？綜合同作文唔一樣嘅地方係邊？我地由兩者唔同嘅要求出發，會更加把握到兩者嘅差別，更能夠超越作文嘅思維，針對綜合嘅要求去寫。

1.語境意識

綜合講嘅係文筆，其實好大部份係講緊你嘅語境意識。
你唔需要好多文學修辭手法，因為綜合要求嘅文體，係「實用文」。
「樸實」「有用」嘅文章，講求傳遞嘅意思係咪恰如其分。
語境意識關係到成篇文章嘅觀感，由一開始到結束，都要不斷咁提醒自己。

不妨咁問：
你係邊個？你嘅身分係咩？
———＞決定你嘅態度
要寫比咩人睇？受眾係邊個？
———＞決定你嘅文句
內容包含咩嘢？
———＞決定你嘅表達方式

最簡單嘅傳播理論，亦係語境意識嘅基礎
動機＞作者身分＞讀者身分＞內容＞方式

格式其實最好唔好問啦，上網一定搵到
而語氣係重要過格式好多嘅

2.整合拓展

呢到都係同作文唔一樣，內容係已經比左你架啦。
但成堆內容，必須分三個方向去決定：
1.有用
2.好似有用又好似無用
3.無用

理論上2係唔會出現，但大家都係人，點會咩知哂呢？
實際上一定會見到2出現，請你立刻分佢做2先，唔好停左係到呀！
當你肯定左3嘅唔要嘅部份，再睇吓1係咪夠料，唔夠，就取捨返2最有用嘅資料啦

記住記住，呢邊嘅基本內容，係佢比左你，你千其千其唔好作嘢
資料不宜照抄，請你用自己嘅方法表達，例如數字
特別係要扣連返語境意識，突然抄一大段語氣唔同，扣緊分

3.見解論證

呢邊有少少似作文，但最大唔同一點係，你需要用佢比你嘅基礎，再加以發揮
絕對唔係空中樓閣咁去寫，就算要你作個活動，都係出自人地嘅要求

如果係講活動，盡量可以用後生仔思維去諗
即係咩活動，你自己都覺得有趣又可行，網上XXXX都係一個好方向

如果係評論，九成九有兩個對立嘅立場
每一段都可以係咁：
首先，要好明確咁講你撐邊個嘅內容
之後，講吓點解唔撐另一個嘅內容
再者，比較之後，講點解你撐果個嘅理由
———＞盡量多幾個角度「比較」，呢到係你根據內容嘅自由發揮

4.表達組織

呢到當然都有講文筆啦，但更重要係結構
唔需要作文咁咩倒敘插敘，一定扣分
最緊要係平穩咁充分咁，「清晰」地表達你嘅文章內容

首先，其次，再者，然後，另外……
第一，第二，第三，第四，最後……

呢種係最基本，但又好用嘅結構
高低往往在於，你做唔做到「承上啟下、承先啟後」
首先，XXXXXXXXXX
————＞你有冇簡要咁講你要講咩內容，明唔明確？
另外，XXXXXXXXXX
————＞你有冇接返上面嘅內容，做一個好嘅轉折？

記往，綜合唔係作文，唔同嘅要求，你要滿足綜合嘅要求，先會高分架！

呢句好正
Btw語譯因此寫左做因些

幫到巴打最緊要
錯字扣好少分，唔好諗咁多
準備明日嘅考試！

P3 time management好差 成日唔夠時間寫
成日拓展不足 係咪如果data file有數據 係咪點都要引用下？

「有用」嘅數據，九成都幾重要
盡量引用

冇寫試題編號會點

Report
但可能扣分

Report
唔扣分

大家收拾心情，準備明日嘅考試啦
等我講少少綜合心得

歡迎大家問有針對性嘅問題

有冇咩好用既套語可以係頭尾過渡用

其實唔同內容，好難有咩萬用句
可以參考：
http://www.fed.cuhk.edu.hk/youngwriter/members/resource/rsdb4/ex_004.htm

綜合新制係咪得一個身份?

題目會講明

引言

整合拓展1：角度1
角度2
整合拓展2：角度1
角度2

過渡段(承上啟下)

見解論證1：角度1
角度2
見解論證2：角度1
角度2

想問下我呢個格式有冇問題

無問題
不過無左結語

拓展部分每項寫2個長pt定3個較短既pt好?

睇你三點都係係好有用定有一點無咁重要
如果三點都自覺好勁，可以寫三點
否則兩點足矣

戈登巴 想問下過渡段應該點寫會好啲？
過渡段寫得好係咪會文體方面加分？

綜合去邊度會有啲範文睇?
我一直都捉唔到見解論證要寫到幾詳盡，次次都攞唔到高分

綜合去邊度會有啲範文睇?
我一直都捉唔到見解論證要寫到幾詳盡，次次都攞唔到高分

http://www.hkeaa.edu.hk/DocLibrary/HKDSE/Subject_Information/chi_lang/2016-Sample-CHI-SamplePaper3.pdf

冇寫試題編號會點

冇打交叉？

就係冇呀

你最好打去/email問問
我記得佢會答你 marker會用專業既角度去判定你作緊邊題
印象中唔會扣分
一定唔會隨機當你是但一題

上網report?

我都冇打
BTW 即場寫返+REPORT

戈登巴 想問下過渡段應該點寫會好啲？
過渡段寫得好係咪會文體方面加分？

其實話就話會分四方面比分
有時好多都扣連係一齊，一部份做得好
自然會令到另一部份睇落觀感更好
尤其係語境意識同表達結構

過渡段要寫得好，最緊要你有講上面嘅重點
略略帶過，唔好太長，因為你重點係講下面將會講嘅嘢
高手心中已經決定好一切，直接列出下面要講嘅重點
成個觀感自然好有條理，好似咩都係你掌握之中

冇寫試題編號會點

冇打交叉？

就係冇呀

你最好打去/email問問
我記得佢會答你 marker會用專業既角度去判定你作緊邊題
印象中唔會扣分
一定唔會隨機當你是但一題

上網report?

我都冇打
BTW 即場寫返+REPORT

marker好人就無事
通常好少故意刁難，都唔識你

見解應唔應該講資料有既野?

想問現在邊到可以買收音機?
屌佢 去書局買貴到仆街 仲要壞埋 都未用過

作文就揀左Q1

第一段就話初中個陣，自己就成日比人欺淩加排斥，所以無朋友

第二段就話上到高中識到一個好朋友

第三段就話條友為左媾女，而屈我拍走光照加send比佢睇，最後就搞到我眾所矢之加記左兩個大過.因為咁，就開始憎佢，從而埋下心結

第四段就話上到大專再遇上佢，但因為個件事無理佢.但無諗過同佢一齊課外活動，之後佢主動搵我傾計，初時我無理佢，但後尾佢就同我道歉，又話感到悔意.我見佢有誠意加上又想解開心結，所以原諒左佢，自此之後，我就終於解開心結.


原本我諗住用第五段結尾，但因為唔夠時間，所以用左第四段結尾.

咁作有無離題？

巴打，唔好再諗啦
好好準備明日仲緊要呀

想問現在邊到可以買收音機?
屌佢 去書局買貴到仆街 仲要壞埋 都未用過

有冇人借到比你呀
我都唔知書局之外邊到有

見解應唔應該講資料有既野?

見解論證可以根據資料嘅嘢再加以發揮
但照抄就一定無用
以其基礎引出新嘅見解

想問現在邊到可以買收音機?
屌佢 去書局買貴到仆街 仲要壞埋 都未用過

百老匯