《女朋友全家變咗隻蛋》（４）

１正評＝１贊助，

只需要撳下正評，就會令小弟多一分喜悅，寫出更多文章感謝各位支持

鐘意可以推薦下俾朋友睇

Post（１）：https://lihkg.com/thread/1814988/page/1
Post（２）：https://lihkg.com/thread/1823437/page/1
Post（３）：https://lihkg.com/thread/1826933/page/1
—————————————————————————————
上回提要：

宋文德與阿政闖入重生會地方不明嘅教育營，而泉叔則喺中途失去聯絡，

阿政獲取「信徒」資格後，喺教育營遇到同樣為住某種目的而嚟嘅沅彤，

到底事出何因？

——————————————————————————————
亦可以讚好／ｆｏｌｌｏｗｓ下小弟

ｍｙ ｉｇ：maksyut20030164

ｍｙ ｆｂ：https://www.facebook.com/%E5%A2%A8%E8%AA%AA-1417494148490607/

紙言：https://www.shikoto.com/authors/2208.html

喺床上休息咗陣，去到約莫七點，訓得正冧嘅我被某人輕拍膊頭。一打開眼睛，見到係沅彤，因為到咗食飯時間，而順便叫醒埋我。

失去咗馬尾嘅佢，反而特顯咗嗰種酷酷嘅冷感。

我打個呵欠，就同佢一齊行出房間。

喺長廊上其他人都開始從房間行出，估計佢哋都係通關嘅「信徒」。不過佢哋好似夜晚唔驚鬼咁，全部人自己一間房。

「請各位跟隨我嘅步伐，移步到飯堂。」母長入嚟宿舍，同各位講。

我數一數跟住母長嘅信徒，連埋我同沅彤總共有七個人，五男兩女，年齡都係二十至四十不等。

「入到去可以拎張櫈坐低先。」母長開門俾我哋：「聽朝你哋就要受課。」

受課？即係上堂......

所謂嘅飯堂其實就係間空置咗嘅小小活動室，但由於入面無冷氣機，所以有少少悶焗，加上唔知係咪無用太耐，一去拎摺櫈就塵埃四起。

我哋七個人坐喺摺櫈上，母長就用仁慈嘅笑眼橫視住大家，但臉上過度表現嘅仁慈，就會變得詭異。

「食飯...食空氣啊？」沅彤低聲咁同我講。

睇嚟佢都有講笑嘅一面。

「佢唔好再俾啲生雞蛋我食就夠......」我說。

「熱飯就快提供，我想大家學識感恩。」母長突然做出跪拜姿勢，說：「各位！將要得到溫飽之前，一齊歌頌紅神目！！」

我可以發現沅彤暗暗用口形講咗句「屌你老尾」，然後跟大家一樣做出嗰個令人腳酸嘅跪拜姿勢，當然我都唔例外......

「赤日赤日紅神目......」呢次歌頌，一唱就唱足三十分鐘。

直到外面嚟咗一批人，母長先至停止領唱。

「各位可以坐返低。」母長說。

外面嚟嘅一群人，佢哋都捧住一大煲鍋，應該就係今日嘅晚餐。其中一個男人，佢身高兩米，戴住個兔仔樣嘅紙面具，感覺有少少詭異。

「呢位係「父長」，佢係負責營內一切雜務，好受大家尊敬。」母長向我哋介紹嗰個兩米高嘅男人。

時間去到七點半咁上下，終於食得飯。所謂嘅晚餐，就係熱飯配上爛溶溶嘅奇怪芡汁，外加一塊午餐肉、一隻煎蛋，真係食之無味。

食飯期間，有一位新加入嘅信徒向母長發問：「我想問下......求導者佢哋唔需食飯？點解唔一齊過嚟食。」

「求導者每日只需要喝一水一麥、食一米一麻，就足夠維持需要。」母長用一個溫馨嘅面容，講出一啲都唔正常嘅說話。

一水一麥？

一米一麻？

咁樣宋文德應該好快會死......

難怪每個求導者睇落都甩皮甩骨，瘦骨嶙峋咁。

母長補充：「要成為「求導者」，遠比你哋想像中困難，因為佢哋係受選可以獲得重生之人。」

正當其他信徒食得起勁，白飯扒完又扒嗰陣，只係得我同沅彤食晚飯咗幾啖。身處喺令人不安嘅環境，食欲都唔會好得去邊，更何況係重生會俾嘅食物。

飯後，我哋最先返去宿舍，嗰陣經已八點左右，除咗營地有少少燈火之外，其餘地方都係暗夜嘅叢林，貿易出去就肯定會迷路。

「你好似無點食過咁。」我坐喺張床，說。

「跪到攰，無胃口。」沅彤望住地下，再望向我：「但就算有胃口，都唔會食佢哋嘢。」

「同你一樣。」我點點頭，好高興有個思想正常嘅人同房。

「我去沖涼先。」

「嗯，我一陣先沖。你女廁喺右邊嘅走廊盡頭，小心遇到啲奇怪人。」我提醒佢。

佢抿一抿嘴，就出咗去

男浴室就比較近，行出房轉個彎就到，佢就要行到走廊盡頭。

但其實有得沖涼，你都會無沖涼嘅意欲，事關宜到得冷水用，我出去沖涼入到浴格嗰陣都諗住速戰速決。

討論：香港人可唔可以全球登報 發起全球大罷工 向外國政府施壓制裁中共？https://lih.kg/1830351

支持！

圍爐請善用不推文

First

開心

Nice

lm

Lm

不推文

Lm

今晚仲有冇啊墨巴？

lm

lm

Lm

Lm

Lm

得主角同女仔一間房, 其他人就一人一間
又收左主角塊鏡
班高層應該知主角有問題啦

咁快有新po

pish

「噹」某個人嚟咗男廁，入咗我隔離嘅浴格。

不以為然嘅我，繼續用凍水洗頭。

「政？」原來浴格隔離嗰條友，係宋文德。

「宋文德？」我回應。

「搵咗你好耐，暫時有冇咩情況出現。」

「無...咩兔子人嘅線索都未有。」我說。

「我全日行出行入，已經大概摸清呢個教育營嘅地圖。」宋文德喺上高遞咗張紙俾我，說：「你喺呢到記好地圖之後，就用水沖爛佢。」

我接過宋文德手畫嘅地圖，上面粗標明咗其他地方係咩嚟，包括有禮堂、禮拜堂、貢獻品室等等。

「宋文德我有啲嘢對唔你住......」我有啲難以啟齒嘅感覺：「塊鏡，宜家喺重生會身上，佢最後一關要我交出身上最珍貴嘅物品，個求導者好似有天眼通，知道我塊鏡最貴重。」

宋文德靜咗一陣，答：「我夜啲幫你嚟返。」