不但令到真正有用、重要既資訊無辦法流通、上熱門
更加令到對家用來攻擊我地，甚至引起我地分化、捉鬼
我研究左一輪，嘗試用歸納幾個重點
希望大家可以一齊討論下，點樣可以處理呢個問題
同時唔好再墮入假消息既陷阱
要留意，呢D假消息可以係對家刻意放流料誤導我地
亦都可以係因為我地思考不周、邏輯有誤而導致以訛傳訛既問題出現
1. 妄下結論 Jump to conclusion
我直接用例子解釋。
成日會係facebook group 見到有人post 自殺新聞，caption永遠係「又有被自殺啦，仆街黑警
」咁但其實一宗非自然屍體發現案可以有好多解釋理由：
可以係真係警察殺人，可以係情殺，可以係兇殺，可以係打劫，可以係意外，亦都可以真係自殺
利申我認為警甴絕對有殺人
我亦都認為彥霖梓樂係被殺
但唔代表見到所有屍體發現案/ 跳樓/浮屍案 就直接話死者係「被自殺」
大家一定要小心，唔好走左入自己既思考盲點
2. 盲從權威 (Appeal to authority)
一D偏方、假料，只要係段文字入面講係一D權威/機構發佈，D人就會即刻信
例子：(Source:求驗傳媒)
又或者「劉細良話佢D國安朋友話1月1號個幾個真係鬼」呢D
其實只係hearsay 只係傳聞，唔好當係100%既事實
首先，劉細良呢D咁多年來一直話勇武係鬼既自然有自己既agenda
其次，就算佢真係有收到D咁既料，又點知對家唔係刻意放流料，分化勇武同和理非，想我地捉鬼？
3. 沉迷耳語、小道消息
報料channel有好有唔好
好既係可以多一個渠道放料，唔好既係有好多流料、來源不明既消息
又有求驗既例子：
.「左圖沒有任何資料來源，還有錯字，但有人信，而且在各平台流傳。其實，相關的圖都是2016年的新聞圖片。（而右下角的圖刻意由女裝改為男裝）」
又好似琴日老豆搵料個單野咁：
大把連登仔同網民見到好似執到寶咁，想證明呀原來1月1單野真係有鬼
其實張委任證係網上圖片來，係舊圖來：
換言之，根本阿豬阿狗求其搵到張委任證既圖，send完張圖再亂打一段文字，就已經有好多人信
4. 用keywords誇大真確性
好簡單架啫，因為人類傾向相信、服從自己睇到既字眼，而唔會多作質疑
所以見到個D咩 「請廣傳」、「一手料」、「手動轉」，一定要小心分辨
好多時候見到 「一手料」三隻字，但段message後面係講話「中學同學個阿媽見到」，即係根本就唔係一手料只係都市傳聞
，真確性即刻大大大減低連登仔都會玩呢招，我自己出膠post都會咁做
。用下「突發」、「廣傳」、「人生置頂」、「推上熱門」呢D字眼，阿又真係會有好多人跟住做架喎5. 做圖、share link當真料
求驗傳媒成日都提架啦
我放幾個例子啦
例子一：係圖上面加句quote就當條友有講過
「左圖：再一次舊相加大字，無日期，也沒有資料出處。
右圖：12月2日AM730的報道及相片，當時未出現武漢肺炎。
而且，翻查紀錄，鄧炳強沒有就武漢肺炎發表任何評論。」
仲有呢個，都係無講過既
例子二：以為所有link都係傳媒D料都信得過，但係實則係content farm
「「香港新增3500名武漢不明肺炎患者，15名港人病危」？
咁恐怖？
更恐怖的是，「作者」寫明叫「我愛大波妹」（雖然最後又扮「美聯社」），然後竟然又有人傳，內容農場實在危險。
大家必須密切注意武漢肺炎的消息，一起留意社區的情況（像當年沙士一樣），同時更要小心假消息分散大家的注意力。
如有任何消息，請告知政府部門及您相信的傳媒機構，大家一起面對應付這未知數，同時必須制止任何假消息的傳播，以免有人從中取利及製造訊息混亂。」
類似既問題其實同樣係D廢中廢老係whatsapp wechat求撚其forward既個D message到出現
咩 「沈祖堯中國心」、「惠康有優惠」、「你不知道檸檬的好處」(呢個係我鳩作)個D
我地成日都笑佢地信埋晒D假消息
同樣我地都要小心唔好中同一種陷阱
唔好再亂傳假消息
見到所有消息都多番質疑，assume佢地係假先
反覆求證先好forward出去
