[建立黃色電影圈] 最新港產片討論區(4) (叔叔/幻愛/金都）

咪玩啦Ching
放iTunes等於間接俾人bt 放棄票房
港片已經少人睇 咁做的話更加少人願意睇
同埋高先三寶都要諗下如果同時三部上映分薄彼此嘅票房
大家乖乖等下啦

美國已經咁玩緊
但香港就會想BT 先

講真如果可以課多幾次金睇我都唔介意

香港藝術中心 x 影意志：自主特區 - 隔離影院

自主特區：《散後》
1/5 (五) 6:30pm; 片長：96'
線上放映時間為下午6時30分至下午9時30分
*導演陳哲民將出席線上映後談，時間為放映當日下午930分時，以Cisco Webex軟體進行，粵語主講

購票及觀看手續：
1. 於影意志網站購買門票
2. 放映一天前收到回覆電郵確實登記
3. 影意志將會於放映前30分鐘，透過電郵發放觀看網址及密碼
4. 每個觀看網站有效時間為，放映時間後3小時

《散後》
導演：陳哲民
香港 | 2019 | 粵語、英語、國語對白，中英文字幕 | HD | 彩色

革命是為了更好的愛情，愛情卻失陷於革命的起落無常，就像日本民謠歌手森田童子〈我們的失敗〉傳唱多年，以為是情歌，卻勾起參加學運的一代日本青年的失落青春。首部劇情片計劃得主、資深演員陳哲民執導筒，以青年人的感情為引，串連雨傘運動及反修例運動；情感遇上政治，社運與愛情互為表裡，四名大學生的青春流離浪蕩。耳語和抱擁、凝望或同行散步，佔領區的夜晚曾經碰見你我他。紀實影像和虛構情事交錯上演，或者會令人回望幾年來的快樂與哀愁。以為革命終將成功，聚或散不必計較，但最後彼此形同陌路，散落天南地北，才發現青春必然有悔，回首總是惘然。柯煒林、吳海昕、馮海銳「恰同學少年」，演出真摯動人。大時代下何去何從，五年前後社會劇變，人也同樣，唯有看成是修行一種，對錯就不必深究。

《散後》為首部劇情片計劃得主，由資深演員陳哲民執導筒，以青年人的感情為引，串連雨傘運動及反修例運動。「革命是為了更好的愛情，愛情卻失陷於革命的起落無常」。經歷五年社會劇變，曾經共同進退的戰友，大時代下到底何去何從?

第二屆首部劇情電影計劃專業組冠軍
大阪亞洲電影節2020競賽單元

https://youtu.be/KdKWDnKcj_w
歌好聽，戲好睇

嚟緊三個頒獎禮公佈結果:

1/5 編劇家協會大獎
4/5 蘋果最港電影大獎
6/5 金像獎

希望下星期四開返戲院

希望啦

https://hk.appledaily.com/local/20200430/JCA4EZUMAWSZKKVXA67GS3XENE/

有機喎

香港電影編劇家協會得獎名單

年度最佳電影角色 - 太保《叔。叔》

頭三名: 太保《叔。叔》、周冬雨《少年的你》、張繼聰《犯罪現場》

推薦劇本 - 楊曜愷《叔。叔》//林詠琛、李媛 、許伊萌《少年的你》

頭四名: 《新喜劇之王》、《金都》、《叔。叔》、《少年的你》

編劇家協會大獎:

年度角色獎 太保（叔叔）
年度推薦劇本 叔叔、少年的你

太保金像獎想輸都難

幾時開返

呢個真
預測
最佳電影 少年的你
最佳導演 曾國祥 少年的你
最佳編劇 楊曜愷 叔叔
最佳男主角 太保 叔叔
最佳女主角 周冬雨 少年的你
最佳男配角 盧鎮業 叔叔
最佳女配角 區嘉雯 叔叔
最佳新演員 易烊千壐 少年的你
最佳新導演 黃綺琳 金都
最佳攝影 余靜萍 少年的你
最佳剪接 羅永昌、鄒耀衡 犯罪現場
最佳美術指導 張兆康 花椒之味
最佳服裝造型設計 吳里璐 少年的你
最佳動作設計 袁和平 葉問4：完結篇
最佳音響效果 聶基榮、葉兆基 掃毒2天地對決
最佳視覺效果 余國亮、馬兆富、梁偉民、何文洛 掃毒2天地對決
最佳原創電影音樂 金培達 麥路人
最佳原創電影歌曲 FLY《少年的你》
最佳亞洲華語電影 返校

少年的你個勢好強，但禮拜三希望見到叔叔、劉俊謙同大象席地而坐反cup

大陸人反而覺得劉俊謙攞新人獎
不過我哋土生土長睇咗金像獎幾十年，點會唔知佢哋籠嘢呀

類似當年黃金花凌文龍鬥藍天白雲梁雍婷，
後者攞咗導演會新人獎，但因為前者有最佳男主角雙提名加持，
結果都係凌文龍攞
不過今次劉俊謙比梁雍婷更多勝算，除咗本土演員因素，
劉俊謙名氣都相對大，其實都五五波，只係今屆少年的你暫時聲勢頗大，幻愛未正式公映係有啲輸蝕

另外男配角，今屆真係無一個揀得落手
唔係話佢哋差，但無一個叫得出好
同上年差得遠，袁富華潘燦良神級連智叔黃德斌都好，真係有競爭性

我都嗡唔出今年有邊個男配角演出係深刻，
無睇麥路人，個人覺得張琪>盧鎮業>>>>>>姜皓文，
張琪係全片表現最好，角色亦都討好，可能林雪配音有加乘，比佢我接受到
盧鎮業就受限於角色限制，算交足貨，個人對小野做花椒之味仲有feel啲，
姜皓文演繹有城府角色係keep住呢啲屙唔出屎、嘟嘴演法，頂佢唔順

哈哈，黑仔真係好唔掂
我覺得俾犯罪現場凌文龍入圍好過俾佢，或者叔叔的江圖

麥路人兩位唔係差，但一個so what演技用足幾十年，一個戲份太少演出無特別（其實張達明演技和同戲郭富城比較就睇到分別），如果兩位放上年男配個list，肯定只會陪跑，唔會係今年大熱囉

咁今年男配有機會變年資獎，好似比竊聽風雲3曾江咁，最尾比萬子/達明
前排睇殺手蝴蝶夢，發現達明做啲正經角色都幾搶戲

張繼聰都應該報男配啦，唔單止提名，係直頭攞硬

寫返我最後的金像獎預測

最佳電影: 少年的你
最佳導演: 曾國祥（少年的你）
最佳編劇: 黃綺琳（金都）
最佳男主角: 太保（叔.叔）
最佳女主角: 周冬雨（少年的你）
最佳男配角: 萬梓良（麥路人）
最佳女配角: 區嘉雯（叔.叔）
最佳新演員: 易烊千壐（少年的你）
新晉導演: 黃慶勳（麥路人）

今日係now e 睇咗 鄭中基既 大樂師
之前未聽過套戲 但就出奇地好睇

好靚